USA ah:Laimi le laimi karlak ah tih nung taktak mi’Thawngchia kan thei hoi e.

Hmuhning

Indianapolis South Meridian Street lam itonnak ah Laimi le Laimi meithal ikahnak a chuak. Minung pahnih hliam hma faak ngai an tuar. An kahmi cu Cung Dawt Cem, kum 19, a si. Anih cu a zual ngai tiah theih a si.Sunday 5:00 pm tlin ka te ah Palik an kawh hna ti in Fox News nih a thanh. Mah khan Palik nih an hei zuan hnawh hna.

Palik nih a hmun an va phanh tikah, motor pahnih ai pahmi an hmuh. An kahmi pa motor cu a kaptu motor nih pah hmasa sehlaw a dawh.

Mi kaptu hna nih Cung Dawt Cem motor an pah khawh cun, an motor in an chuak in an kah hna. An ikahnak hmun cu lam cungah a si tiah Palik nih an thanh.

Hliam hma tuar Cung Dawt Cem cu a zual ngai. Palik nihcun a tlawm bik kuanfang pakhat paoh cun an kah tiah an ti. Nain, zun ruk bakte in an kah. Methodist Hospital ah an chiah. Oxygen an pek chom.

Zephai Community nih a nunnak a liam cang tiah an thanhmi cu a diklo tiah Indy lei mizaw a thloptu upa pakhat nih a chim. Ruahchannak belte a um lo ngai tiah a ti.

Meithal kah tongmi Pa Cung Dawt Cem.Mah ti an ikah lio cu Cung Dawt Cem nupi nih a hmuh hna. Cung Dawt Cem nupi cu Tha Len Par a si. An pahnih in kum tling ka veve, nai te ah ai fanh i a umṭimi, ai umka, an si.

Motor an ipah hramnak le an ikahnak hmun cu traffic umnak zawn si i CCTV record a um lai tiah an zumh. Palik nih CCTV record tu cu an chuah rih lo.

An ikahnak hmun pawng ah bank pakhat zong a um. Cucaah cu bank i an bunhmi CCTV zong in hmuh le theih khawh an si ko lai tiah an zumh.

Cung Dawt Cem nupi belte eye-witness ah an kalpi. Pa Cung nupi cu Palik sin in atu tiang innlei ah an rak thlah rih lo. Eye-witness lawng zong si sual lo kho, tiah an purhdah.

Laimi an ikahnak hmun le hmundang minit 8 tluk motor monh in kalnak hmun zongah meithal ikahnak cu a chuak. Laimi ikahnak hmun he pehtlaihnak a ngei hnga maw ti zong Palik nih an hlat.

Cung Dawt Cem a kaptu pawl cu Laimi (Chin) an si ko lai tiah an zumh bik. Pa Cung nupi Tha Len Par cu a mui ai dawh, tiah an ti.

Tuan ah itihramnak ruangah sathi an rak iluanh bal tikah, a kaptu pawl cu Laimi an si ko lai tiin lunghrinhnak a sang ngai.Pa Cung nupi Tha Len Par cu Palik nih an thlah rih lo.

Leave a Reply