USA ah:Tih nung taktak mi’Thawngpang a chuak’Laimi ca hrimhrim ah tih a nung ko.

Hmuhning

Nu le Pa hna, khah nan i ready maw? Ataktak asi cang hi eih. Tthihphaih sawsawh si bak lo hih. US ram chung state then khat ahcun nu le pa an buai ngaingai cang. High School le college chung ah Scholarship bomh nak tiang in an pek khawh cang. Arauh hlan ah nan umnak le kan umnak a phan colh kolai hih..kan caan hi aa her ning hi ruahlo awk atha hrimhrim ti lo e.Pu Biden nih Sehtan Bawm chin a on caah Elementary Sianginn ah Sehtan biaknak Kong cawn asi canglai. Nan fa le cio kha Khrih thisen in nanrak thuamh cia i khrih raalthuam in thuamh cia ve hna ahau kolai hih.

Hi lio ah Pastor tampi cu daiziar um ti lo in chim le aukhuan caan asi cang e..an dai tuk hna le Biden an tanh bia maw si zeidek? Khat lei ah Pastor pipi le mi fimfim aa timi ko nih an i aukanh ve hoi. Nikhat hnu nikhat thawngpasng tha hrimhrim theih ding a um ti lo hih. I ruat cio ko uh kha. Bawipa nih fian nak tu in pe ko hnaseh.VAn Suithazing Hlichaal

Relchap duh mi:Rangtum Rang Zuang Thiammi’Tuanphung an chimmi longah, rangtum rang zuang a thiammi a um a tu hi tlaihawk tha sehlaw , Joe Biden valaknak ah ka hman ve hnga. A lung mitlak bak in ka zuanpi lai .
Nancy Pelosi he kapherh hna lai I, ka zuanpi diam hna lai. Lakkhawh ti lonak lung le lung ai cehnak lei ka va chiah diam hna lai. D pawl nih lakkhawh ti lonak hmunah.Mithi cia vote cu a nungmi nih an cawnglawnh ve baklo hi. Thantar nih a lawmhpi ve ko hi.Joseph Thawng Z Ting

A duh mi nih relchap kawh si:US Cozah nih An President Hlun An Zokhenh Ning hna’President in aa din hnu ah sifah buin a thimi President hlun hna an um tikah US Cozah pi kan min a chia tiah US President in aa din cangmi paoh “Former Presidents Act” tiah President hlun zohkhenhnak cu 33rd Pres Harry S. Truman thawk in an rak pek hna.

18th president, Ulysses S. Grant zong hi sifak ngai in a nunnak a rak liam. Cun, 33rd Pres Harry S. Truman zong hi President in aa din hnu ah Bankruptcy a file i, umnak ngei lo in a vaivuan. Cucaah, US Cozah nih Truman cu kum khat ah $25,000 hi a thih tiang an rak pek. Cucun, Former Presidents Act cu a nung i, tulio an hmuhmi cu, kum khat ah $219,200 a si i, an thih tiang an pek hna lai.

Former President Salary tiah Office an chuah tak bak in kum khat ah $219,200 hi pek an si i, an nupi/pasal le zong hi kum khat ah $20,000 an pek hna. Office le a herhmi dang tete izarhnak ah a dihmi hi thla 7 chung an pek rih hna i, an office ah riantuantu pawl thla hlawh caah thla 30 chung hi kum khat ah $ 150,000 an pek hna i thla 30 a dih in $ 96,000 ah an thumh hna. Medical Insurance tbk program le benefits dang dang zong a um rih. Secret Service nih an dam chung an zohkhenh rih hna lai.

Former President Donal Trump hi ta, President hlun pawl nih an hmuhmi salary le bawmhnak vialte hi a hmu ve lai maw? “Former Presidents Act” ah an ttialmi cu bawmhnak a hmu dingmi hi a rian in dinter lomi/Impeached lomi Former President an si lai ti a si. Trump hi impeach an tuah cuahmah lio a si i, impeach an tuahmi a dih hlan ah a rian in a chuak cang fawn i, hi kong hi Congress nih zeitindah an tuah te hnga?Impeached timi status maw an pek te lai, asilo ah impeach lomi status dah? Aa fiang colh te lai. US nih an presidents hlun pawl, har tuk in an umnak hnga lo, an dignity thate in an ven khawhnak hnga, “Former Presidents Act” tbk hna an tuah hi a tha e, a ti.Za Sang Cinzah

Relchap a duhmi hna caah:Kan Bawipa Zisu Khrih vailam cung in sual tei nak a rak co lai te ah khan Jerusalem mipi nih Political Freedom akan peek rua lai ti in an rak ruah i lunglawm tuk le sunglawi tuk in Hosana ti ah au in conglomhnak he an rak don. Asinain anih nih a zawh mi lam cu phun dang a rak si ziar. Amah zuultu lila hmanh nih an thei kho lo i an rak zaam taak dih, lei rawi a rak tong. Judah Siangpahrang asi an ti mi cu teminnak siangpahrang the Suffering King tu ah ai chuah. Mipi a rak deuh tuk hna i a zuultu hna mit au nak an rak hngal lo.

Mah lio ah khan thlarau ram setan pennak lei ah cun teinak lianngan taktak a rak um i Pathianfa kan thah khawh ti in celebrate ngan taktak an rak tuah. An hngalh lo mi cu thihnak in atho tthan lai ti kha setan nih a rak hngal lo. Kan Bawipa Zisu Khrih thlarau cu mithi khua ah ava kal i Abrahram zumhnak hmang in Hell ta asi lo mi vialte kha kutka ava hon piak hna i Vaan lei ah a kuat dih hna (Matt 27:51). Hell ram siangpahrang setan nih mual pho in ka tei khawh rih rua lai ti in a rak bawh i an van i ton taktak cu nuclear nak a tthawng deuh mi thiangthlarau tthawnak a langh tik ah Zisu min cu a chim hmanh a chim ngam ti lo. A thir in a thir i ahmai ka ah cun a deep mi plastic bantuk men ah ai chuah ko cang. Thiangthlarau ttawnnak he thihnak in avan thawh tthan lio ah vulei mi tampi nih an rak hngal thiam lo na in kan Bawipa nih a rak tuah mi revolution cu vulei cung revolution lak ah a ngan bik le sau bik a nguh mi le a karh chin lengmang mi adong kho lo mi revolution ah ai chuah. Kan mah cio zong cu revolution nih avan thlen mi lawng te cu kan hong si.

Donald Trump hi ni zaan i a chim bantuk in Politic minung asi lo. Politic a thiam mi zong asi lo. Political culture zong a zuul lem lo. Prophet Kim Clement, Jeremiah Johnson te hna nih an rak chim bantuk in Pathian nih a muko bantuk ah hman ding ah American political system chung ah avan luh ter i vulei mithmai zoh i thil an kal pi mi vialte let thal dih tu ding ah a rak i thim mi asi. Cu ruang ah vulei mithmai lawng a zoh mi Politician vialte amah party telh in an huat i hi bantuk in thil a ton hi asi athil ton mi vialte hi Prophet hna nih an rak chim chung ning te in asi dih ko. Rawi le phiar a ton lai ding mi tiang in an rak chim chung dih mi asi. Impeachment timi rian phuah ding zong voi hnih tiang atong lai rak ti cia mi asi. Donald Trump nih teinak a hmuh tthan lai ti ah Prophet tampi nih an rak prophet cia mi a um i cu bel te cu zei bantuk in teinak a hmuh lai ti mi zawn ah zumhnak ngeih a herh i zumhnak hman thiam ahong hau ding mi asi. Kan Bawipa Zisu Khrih zong nih thihnak a tei i sualnak a tei i setan a lu a van rial nak zatlaan taktak mipi nih an rak hngal kho lo i atu tiang hmanh ah a chuahkehnak minung lila nih an hngal kho hlei rih lo.

Donald Trump cu Pathian nih avan i thim mi asi bantuk in a political career kum 4 chung kan zoh tik ah zumtu Khrihfa hna kan caah cun philh awk a ttha kho ti lo ding mi mi lian ngan taktak asi. Vulei cung ah a ci a mit cuahmah cang mi saram phun khat bantuk asi i atu chan ah Donald Trump bantuk President an chuah tthan khawh ding hi cu ruachan awk a um ti lo mi asi. Vulei cung ah ral adaih ter dih i mi vialte ttih phang i akan chia dih tu ralhrang pawl le dictator pawl zong an khur cio ah chuak ngam lo in a achiah dih khawh hna. An kaa lawng in an min an i chaal tawn mi Jerusalem sersiamnak lohma zong avan laak colh i a Veto power he Pathian biakam caah zei hmanh hual lo in a cawl cangh ni cu Judah Chiandaih min van i chaal lo awk a ttha lo. Haleluijah!!!

Donald Trump Bawipa nih ai thim mi asi ti alangh nak bik pakhat cu a chuah le cang ka in dohtu a ngei colh i a term adih tiang hmanh ah amah dohnak cu hma akal cuahmah rih ko mi hi asi. Kan Cathiang chung ah “Vawlei nih an huat hna ahcun, keimah a rak ka huat hmasa ti kha philh hlah u. Vawlei ta rak si u law cu, vawlei nih cun amah ta bantukin an dawt ko hna hnga. Sihmanhsehlaw keimah nih hi vawlei chung hin kan thim hna i amah ta nan si ti lo caah an huat hnanak cu a si (John 15:17) ati bantuk in le prophet hna zong nih an rak chim chung bantuk in a nih nih akal pi mi hi Pathian tinh mi thil lian ngan pipi an si tik ah a rian ttuan tti hawi tampi le vulei mit lawng in khua a cuan mi caah cun a zei ti hmanh in co hlan khawh lo ding mi le vulei cung ah huat bik mi President sinak tiang a co phah nak hi asi. The most hated president ever ti tiang in an ti phah. Bawipa sunparnak caah si ko seh. Haleluijah!!!

America ram cu a kum in tuak ah cun vulei cung ram ah a kum a no cem pawl hmanh asi ko lai. Asinain zumhnak le dinnak kha a muru le a tlaih tleng ah ai chiah caah kum 200 reng lo men chung ah vulei cung ram vialte a hruaitu le a cawmkengtu a veengtu ah Pathian nih thluachuah a peek i mi phun vialte himnak le dornak a pe tu ram zong ahong si taktak. Vulei cung fim thiamnak ahongsaan chin lengmang tik ah phunghram pi le upadi chung i zumhnak, dinnak an rak khumh mi hna kha secularism timi chan tthawnnak

Relchap duh mi hna caah:Trump cu nu paw chung i nausem nunnak a khamh biktu US president a si ti in mintthatnak an pek. Biden tu cu nausem a that biktu US president a si tiah minchiatnak an pek ve te lai. Zeicahtiah paw chung nausem cu tla tling in a chuah lai te tiang hmanh ah nu le pa nih zalong tein thah khawh ding le cu nausem an thahnak ah a dihmi zong cozah lei in mipi ngunkhuai thawhmi in liampiak ding kong a chim. Cucaah a ra laimi kum (4) chung ah US ram ah nausem tampi an thi lai. Sihmanhsehlaw an thisen cu a au te lai i Pathian nih a zoh sawh te lai lo (Gen. 4:10).

Nizan nai te taktak ah ralkap pakhat nih mi zapi hmai ah Biden cu a kutdong in a sawh i, “Nangmah hi ralkap nih a zei ruang ah hin maw mee an in pek hnga? Nangmah ruangah Iraq le Afaghanistan ah kan unau tampi an thi. Mipi zong fahnak an tuar. Na kut ah thisen aa neh.

President si ding naa tlak lo. Naa tlak hrimhrim lo. Nangmah ral pei na kan doter ko cu. Na kut ah thisen aa neh. Trump tu hi raldo a duh lo deuhmi a si, ” tiah a aukhuanh hnawh chih. (A video hi kan hrawmh manh hna hlan deuh ah Youtube nih a hlawnh. A hmumi manhmi nan um ko lai dah).
Trump nih cun kum (4) chungah ral do lo tein Israel le Muslim ram pathum kar ah remdaihnak a tuah khawh. Amah hi Peace Nobel Prize hmanh pek phu a si. Ral a do lo caah US ralkap tampi an nunnak a him.Rev. Biak Lian Vel

Relchap duh mi hna caah:America president Donald Trump nih a donghnak ahcun, thlahnak biacah {farewell speech} a hun chim ruangmang cang. Fiang tein “Hi hmun white house hi lungnuam le hnangam tein ka chuah taak cang lai” tiah a chim i Donald Trump nih president a ttuan ko lai, timi ngol duh lo in chim pengtu prophet vialte an palhnak a hung fiang cang.

Atu America rampi thimnak hi tluk in a buainak hi “prophet deu pawl nih tam tuk bia an phuanmi ruangah a si” tiah mi tampi nih an ruah. Cucu ruah awktlak ngai a si. America ram chung khrihfa hna lakah siseh, ram dangdang khrihfa hna lak in siseh “tu kum US pressident thimnak ah Donald Trump cu teitu a si lai” tiah phuang chungtu prophet tampi an um.

Pastor pakhat, Paula White-Cain hna nihcun “Africa le south America lei in Pathian nih Donald Trump bawmtu dingah vancungmi a rak thlah hna caah teinak a hmuh hrimhrim lai. Democrat pawl nih thimnak hi Trump kut phan loin ding in fir an timh” ti tiang in a rak phuan chung. “Pathian nih fiang tein a ka chimh; Donald Trump nih teinak a hmuh lai” tiah fiang pup in a rak phuang chungtu prophet minthang tam tuk an rak chuak.

Hi hna leng ahhin, a phuang chung lem lo nain Donald Trump nih teinak a hmuh khawh nakhnga, fakpi in Pathian sinah thla a rak cam pengmi pastor le khrihfabu tampi kan um rih; keimah kong kaa tel. Pathian Trump teinak a peknak hnga fakpi in thla kan rak cam ve.

Sihmanhsehlaw atu ahcun prophet bantuk in fiang pup, ral ttha taktak in Donald Trump nih teinak a hmuh lai, tiah phuangtu vialte cu an palh dih cang tinak a si. Donald Trump nih teinak a hmuh khawh nakhnga thlacamtu vialte zong kan thlacamnak hlawh a tling lo tinak a si ve.Asi ahcun ho dah a palh kun? prophet bia phuangtu pawl maw? Thlacamtu pawl maw? Pathian dah?

Si ee, a tawinak tein ka leh lai. Hi kong ahhin Pathian a palh lo zeicatiah prophet bantuk an phuanmi vialte hi Pathian nih a phuanmi an si hrimhrim lo. Aa palh kho lomi Pathian bia phuanmi siloin kanmah bantuk a palh kho vemi minung nih an zumhning kha mipi theih in an phuan vemi sawh khi a si ko. Atu chan ah cu bantuk hmailei thil kong phuang khotu prophet cu ngei hna usihlaw thlacam hmanh a herh ttung lai lo; anmah cu pei kei hi zeitindah ka si lai? tiah kan hal ko hnga cu.Cucaah Donald Trump president a tlin lomi khi Pathian palh siloin Pathian min i lak in bia phuangtu minung an palh tu a si deuh.

A pahnihnak ah, thlacamtu hna palh zong a si fawn lo. Zeicatiah zumtu cu kan duhmi te Pathian sinah halnak nawl kan ngei. Kan duhmi te Pathian sin ah hal hi a thianghlim tukmi thil a si. A ttha lomi tu cu, kan halmi bak Pathian nih kan pe hrimhrim seh, timi lungput khi a si. Cu bantuk lungput cu phun dang deuh in chim ahcun Pathian kha kanmah duhmi thil tuahter kan timh; kanmah tinhmi lam ah kal kan fial tinak a si.

Cu bantuk cun Pathian cu tukforh khawh a si lo. Kanmah tinhmi le duhmi siloin a sunparnak langhtertu ding a si deuhmi thil tu a tuah peng lai caah “nangmah duhnak bang si ko seh” titu hi zumtu kan thlacam tlangkawmnak a si awk a si. “Hihi ka duh, hihi rak kan pe ko, hihi ka caah a ttha bik tiah ka ruah ko, Bawipa. Sihmanhsehlaw ka caah a ttha bik hngaltu Pathian na duhnak bang in si ko seh” tihi Bible nih a kan cawnpiakmi thlacamnak cu a si.

Cu bantuk in thlacamtu hna caah i chuah sual a um kho lo; an hmuhmi lehnak poh an halning in a si lem lo zongah Bawipa remruat an ti khawh dih. Kan Pathian cu aa timh lomi thil tuah forh khawhmi Pathian a si lo caah amah duhnak le tinhmi cohlan khawh pengtu hi a hlawhtlingmi thlacamnak theipar cu a rak si deuh.Lawmhnak he,Hram Bik Lian

Relchap duh mi hna caah:America President thiamnak hi 1980 thok in voi 4 ka tanh cang. Trump an thim lioah zong ah ka um ko. Hilary a ngah bak lai tiah US mipi le vawlei nih an zumh. Result a chuak I, Trump nih teinak a hmuh. Popular vote ah Hilary nih a tei, Electoral College ah Trump nih a tei. Complain tuah khawh Nak tampi a um ve ko nain dai tein a um. USA hi Party majority Parliament system asi lo. President ukhruainak ram asi. USA a uktu tak tak cu “Constitution” asi. President nih constitution kalh in zeihmanh a tuah kho lo, “No man is above the law” ti asi ko.

Trump hi khua bawi hmanh a tuan bal lomi asi. Biden hi Trump nih gambling, hlawh lang,
broker_pueisa, casino a buaipui lio caan ah Kum 30 ram le miphun caah a rak tuan cang, President tampi he a tuan ti cang mi asi. American politic hi a chungmmuru tiang a theih.
Trump a palhnak cu Dictator bantukin um a duh. A chuah hlan kum 200 Nak tam nih an tuah MI kha ka peh ti a thei lo. Keimah tluk in Tamada a tuan mi an um lo, Tamada hmasa vialte hna kha “Alaka kaung” a ti hna. Ka duh paoh in Rian ka tuan lai, USA cu ka kut tangah a um tiah a ruah. America cu Constitution UK mi asi ti kha a thei duh lo.Uahnak in a khat

MI zomtainak a ngei tuk. Lih chim a zei poi lo. Mirang long minung ah a chiah hna, USA cu. “white people country” ser aa tim. . A kain a chuak mi biafang upa ram hruaitu hmurka asi lo, “lantaze” bantuk asi. Biden zong amah nakin upa deuh, senior tuk mi “sleepy Biden” House of Congress hruaitu senior politiician zong “third class politician” a ti. A rum ngai ti asi I, amah nakin alet 10 in a rum mi an um a thei lo. Biaknak leiah a tuah MI hi, amah hmurka bang “fake le hoax” asi ko. Piangthar hmurka le khrifa lungput a ngei fawn lo.

Atu thideng in a tanh tu Laimi hna hi”animals, rapist, criminals” ati mi chungah Nan i tel dih. Trump caah cun “nasty” an ti hna.A donghnak ah mahle Ram In pi hrawh dih, riantuantu upa vialte thah dih, amah Tamada asi lo ahcun hrawh vialte a duh mi minung hi”tuanbia chia kha bik” asi cang. Politic le Party Kong ka tial lo, MI nung normal life Kong, ethics asi.Ral Buai

Thawngpang dang:A hrinthan lo mi pastor Dr le Khrihfa si tung I piangthar Lo mi Pathian bia ah a dir lo mi pathian a tih lo mi mifim nak in Ar ek paipel khat a tha deuh zeicatiah Ar ek nih cun Khai chuak tak a that tar piangtharlo pastor Dr nih cun thiangthlarau rian tuan nak an hrawh.a tuurun tampi Hell ah an kal pi hna lai.

Mi cheu ni teidor nak nan va ti tar ve le baibel bia tu le thiangthlarau tu va doh Trump an tenh tu nan va ti ve Trump kan tanh lo nulenu palepa Ithitum le lai nawn nau thah te hna hi kandoh.Laimi kan fim nan ti nan fim ahziah mi he rian nan Tuan ti khawh lo lai ram a hrawkhrel tu hi piangthar le mihrut an si tung lo ka fim nih pei an hrawh cang hi.Thla Hmung

Thawngpang dang:President Trump nih president a tuan hnu in zeitluk indah US politics a thurhhnomh timi hi fiang tein a lang. Vawleicung ram pawl hna caah tlaangpar i meiceu kan si an timi cu fih a nung tuk.

Democracy min an i tlaih riangmang hna i, an hrokhrol tuah zalonnak menmen ah an hman. Antifa le BLM pawl nih mipi inn, thilri le federal inn le thilri pawl billion 2 leng an hrawh i, aho hmanh an zai duh lo; peaceful protester tiah an ti hna.

Fir le hramh a tongmi nih taza an cuaimi hna zong Detroit hna ah cun biaceihtu nih sungh a pek chap rih hna. Sualnak tuah khawhnak license pek he aa khat cang. Mipi nih US justice system an i bochan ngam tuk ti lo. An pial tuk cang.Khatlei in Trump vote nan fir hrimhrim tiah Trump voter pawl an chuak i duh lonak an tlanghter. Congress inn pi an buai i an luh hnawh. Democrats pawl cu an cekne tiang runh in an thinhung. An zai kho tuk.

Doih thiam hna seh law Trump le a vote tu pawl cu vutcaam le thise men ah an canter men hna lai. Khamnak lam a ummi kip in an kham thluahmah cang hna. Indian high class aa timi lungput an ngei. Tongh khawh dingmi ah an i ruat ti lo. An sual le an palh cuahmah bu zong in right kan ngei ti phun in an zeihmanh a poi lo.

Taluk sunghthoh nu he pehtlaihnak a ngeimi Congress pa zong choih colh ding a si nain atu kha Trump impeachment an tuahmi zuldawitu dingah senate thlahmi pakhat ah Nancy Pelosi nih a telh hoi.

Democrats pawl le big big corporation pawl an tang i an tangka thazaang tortor he Trump a siah Republican pawl an doh hna. Facebook hna nih cun election official hna sinah million 500 bak te a pek hna tiah theih a si. Hlat i tazacuai ding si nain a luat hoi ko lai.

Joe Biden le a chungkhar kong hrimhrim cu fih an nung chinchin. President cu a tuan ko cang lai i zeitluk dah mipi caah a tuan khawh te lai cu kan thei lo. A fiangmi cu Obama nih social media lian pawl hna lakah a minung a chiahmi pawl he rian an tuan lai i, US pi cu mirum le mi lian pawl chaak monghnak lei poah a kal ko cang lai.Republican upa pawl nih le zeihmanh tuah kho loin zai lawng an rian cang lai; mipi a lungfimmi nih an khamh duh hna a si an khamh te hna lsi.

Democrats pawl cu tangka rim nih duh poah an chaak a mer cang hna. Mipi caah rian kan tuan an ti ko nain an lungthin ne ahcun mipi an daw taktak lo. Naite buainak ah minung pakhat a chimmi cu, “mipi dawtnak an ngei taktak lo. Thlalang awng in (Congress upa pawl) nih an kan zoh i zeirel loin a kan nihsawh men ko” tiah a ti.

Joe Biden le a fapa hna khi cu mi tha zong an si ko lai. Asinain vice president nawlngeihnak hmang in Ukraine biaceih bawl a rian a phuahter hna; mipi hmai ah phorhlaw ngai in a chim rih; Russian khuabawi nu pakhat sin in 3.5 million an lak; Taluk company in billion zeimawzat an lak; Ukraine in zinaan company ah thiamnak zeihmanh a ngei lomi Hunter Biden a thutter i a tortor in tangka an ruh than.

Zeidah an tuahpiak hna i, hi zatzat tangka hi an pek hna? Hi tluk in Democrats lungthinput le sualnak a si komi khi cheukhat nih cun vancung mi hna hmuh in an hmuh peng rih hna. Chaak in hruaimi media pawl lawng a rel khimmi hna nih cun zeitluk chungthu lengnaal an si zia kha an thei kho hna lai lo.

Cun mipi caah rian a tuan taktakmi Trump tu hrawh le hloh an timh. Voihnih bakte impeachment an tuah. Impeachment an tuah hmasami hna kha cu zeitluk in dah Nancy Pelosi a hruh i a molh kha fiang tuk in a lang. Trump nih a thinhun tuk caan ah “stupid” “crazy” a ti tawnmi kha a hmaan tuk. Trump nih a nawlnheihnak hmang in Ukraine president pa namhneh pek in Hunter Biden riantuannak company hlathlainak tuahter a timh tiah impeachment an rak tuah.

Ukraine president nih voihnih le voithum tein Trump nih pressure a ka pe hrim lo a ti ko zong a rak duh lo. An tuah i Senate nih an rak thah. Atu hi a voihnihnak an tuah than. Mipi a tuksawh hna tiah sual an puh. Mipi a tuksawh hna ti cu case a sang ngaimi a lo nain a sang lo.

US ah sandahpiah cu a tam tuk. A um peng ko. Asinain Congress inn pi tiang luh i buainak ser kha ahohmanh nih an ruat lem lai lo. Trump zong nih “kan cian lai” Inn pi lei zong kan zawh lai” tiah a chim ko, nain kha tiangtiang kha kan phan lai tiah a ruat lai lo. A hramthok in “law and order” a chim peng i ramchung himvennak bu a dirhkamh bik president zong a si.

BLM le Antifa pawl nih an hrolh hna caah a zual khun fawn. Inn kaa bauh an timh i an vun linhsat ah khan minung cu hnulei he hmailei aa mer i mipi theih in a au len. Hi tiang hi kan timhmi a si lo tiah a au hnawh len hna. A bia an ngaih duh ti lo caah zaseh tiah a kut a vo i a chuah tak diam hna.

A hnuah cun BLM le antifa pawl zong an i tel len hna ti a si. Cucaah Trump sual an puhmi hi puh khawh cu a si nain amah aa tel lo pinah a bia an lakpiakmi hi a phu lo. An rak kah cia a si caah teng lak lawlaw in kah chih an duh bia si.Impeachment an tuah hnawh chanmi cu hmailei federal office hrimhrim lut kho ti hlah seh tiah an duh; cun President cu a term a.Luther martin

Leave a Reply