Khah AA Ruangah Ukknak Lei Cawnpiak Dingin An Hruaimi Khuaami 5 An Zam

Myanmar News

Khah AA Ruangah Ukknak Lei Cawnpiak Dingin An Hruaimi Khuaami 5 An Zam. AA nih ukknak lei cawnpiak dingin an hruaimi khuaami 5 an zam AA nih khua i thithruai ning kan in cawnpiak hna lai tiah kan hnu thla 2 hrawngah an hruai mi hna Paletwa peng Pichawng khuami (5) hna cu an zaam ruangah AA nih an tlerhkhawn hna tiah theih a si. hi kong he pehtlaih in khuami pakhat nih AA nih training pek dingin an hruaimi (5) hna hi AA nih an kan tlerhkhawn ruangah kan rak zaam tiah an chim. Paletwa peng Pichawng khuakomh chungah khuami hna cu AA nih ULA kan dirh lai tiin khua 1 ah minung 3 cio a hramhram in an auh hna.

Paletwa peng nitlaklei le nichuahlei khua vialte zong kan hnu thla in an auh mi hna a si. AA nih khuami hna cu hramhram in an auh hna i, training an pek hna hnuah khua chungah uktu rian an tuanter hna lai tiah khuami cheukhat nih an chim. Paletwa nitlaklei Bangladesh ramri, Pichawng ahhin khua 30 renglo an um i, 2019 kum in AA nih umhmun an khuarnak a si i, Paletwa peng hmun tampi ah AA pawl an um tiah theih a si. Ref; PLW news

Thawngdang India nih Afghanistan mi hna caah e-Visa a hon Taliban pawl nih Afghanistan an lak hnuah an ram chuahtak dingin harsatnak a tong lio mi, India ah rat a duhmi hna caah India cozah nih emergency visa tuah khawh a si tiah a thanh. Afghanistan mi vialte biaknak lei zeihmanh thleidannak um lo in mah e-Emergency X-Misc Visa hi online in sok khawh a si tiah Taliban nih uknak a lak hnu a nihnih nak ah India cozah nih a thanh.

India Home Affair Ministry nih atu lio Afghan ram dirhmun zoh in kan visa pek ning kan ruah than hna. e-Emergency X-Misc Visa hi electronic visa a si caah a rianrangin India an luh khawhnak dingah kan tuahmi a si. India nih Afghanistan i a riantuannak vialte a dinhter cang caah Visa hi online lawngin sok khawh a si lai i, visa hi New Delhi in zohfel a si lai. A hramthawk ah visa hi thla 6 pek a si lai tiah home ministry chimnak nawlngeitu pakhat nih a chim.

Nizaan August 16 ah Afghanistan mi tampi cu an ram chuahtak an duhtuk ruangah Kabul airport ah rianangin an tli i, mi cheukhat nunnak zong a liam. Atu ah US le NATO ralkap caah rian a rak tuanpiak mi chungkhar hna cu Taliban nih an thah cuahmah hna tiah theih a si i, an ram chuahnak lam hna zong Taliban pawl nih an phih dih cang tiah theih a si.
Ref; the hindu

Leave a Reply