A poi ko kawl ralhrang nih,Kum tling lo hngakchia faktuk in an tleihram.

Myanmar News

Shan ram chaklei Kutkhai peng Namphaka khua phungki inn ah umhmun a khuar mi rallokap pakhat nih kum 14 lawng a si rih mi phungkinu pakhat a tlaihhrem hnuah phungki in an chuah ter.Mah kong he mi nih an theih lai tih a phang caah Phungki pa theih lo in phaisa sing 5 a pek i phungki in a chuak ter tiah phungki inn ah a um ton mi pakhat nih a chim.

“Ni thla cu fiangtein ka thei lo, mi nih an theih sual lai tiin upa hna nih i remnak an tuah. Phungki i a ngan bik a um lo lio a si, mahtin cun phungki pa zong theih lo le phungki inn zong mualpho lo nak ding caah an ti i an chuahter mi a si” tiah a ti the chin post.

Phungki pa zong tutiang a rak phanh rih lo. Thawngpang zong a thei cang hnga maw ka thei lo, mahka a um mi phungki pawl thaizingah meting kan tuah lai an ti.Mah phungki inn ah hin phungkinu 3 cu an um peng tiah theih a si.

Thawngdang relchap duh mi hna caah Kachin ram Moenyin peng Myothitkale B.E.H.S sianginn cu Nizan suimilam 8 hrongah a ho ti theihlo mi nih mei he an khangh.Mipi nih mei hmih an timh nain meithal a puah thluahmah caah a hohmanh nih kan naih ngam lo. Sianginn hi nikum ah phaisa tampi dih in kan sak mi a si. Zeibantuk bu zong si hna sehlaw mahbantuk thiltuah cu tha kan ti lo tiah khuami pakhat nih a chimh. Nizan ah Moenyin pawng Khamyauk sianginn zong mei khangh a si tiah theih a si the chin post.

Thawngdang relchap duh mi hna caah Donald Trump nih kum 2024 President thimnak kong ah fiangtein a chim cang’Donald Trump nih North Carolina GOP convention dinner zanriah dum ttinak caan Greenville hmun i an neih nak hmunah biachimnak minutes 90 hrawng a hmang.Cu ka i Tump biachim mi cu, tu zan ah hin kan hmuh le theih ciau bang in kan ram US cu fak pi in a rawk cuahmah i, sualnak phun phun cu kan ram chungah a karh.

chin lengmang ko hi. Police Departments pawl hna hi Politics kong sernak hna ah hman bak lo ding mi an si. kan ramah Police kil vennak lo in kan um kho lo ti kan theih peng a hau.US le Mexico border phih ding kan ti mi cu an awn i, duh poh nih sualnak thil phawr in an lut chuak peng hmuh tikah lung a rawk tuk e. cu lawng si lo kan ram nih foreign cyber attacks a tong peng.

Thla reilo te ttang khan kan ram ah ritt sivai pawl cu a paw tthan hawi ngai cang, Gas man nih a faak chin lengmang, kan ram hruaitu pawl hna nih ram dawtnak’taktak an ngei kho lo. ram hruaitu konglam kan chim ahcun a tu hi US cu China tangah a kun lio ti khawh khi a si ko lo maw vawlei pi hmai ah US nih upat awk tlakmi a si nak kha a thlau ziarmar cang hi.

kan zalen nak freedom cu cozah tlai tu Biden te ruangah lakpiak thluah mah kan si cang. Biden administration nih US tuanbia ah a um ballo mi nu dawk pa dawk a si mi hna nih ram chungah ttuanvo an vun lak cang hi cu kan culture kan i dawhnak vialte kha an hrawh dih ko cang lai hi.

America mipi hna nih ram ser siam taktak kan duh a si ahcun Republicans Party hi nan kan tthim tthan a hau ko. US tthancho nak ding caah teinak kan hmuh a herh. Borders kan kilven a hau, Cancel culture, defunding culture ti mi hna nih hin ram tthancho nak pakhat te hman khi a ser siam lo.Mah cu ruangah nan ka thim tthan a si ahcun, kan ram ser siam tthan ding le kan ram nih a herh mi thil hna ka tuah tthan dih lai i, kan ram cu vawlei pi hmai ah dawhte in le thangtthat awktlak ah ka chuah pi tthan hrim ko lai e tiah a chim the chin journal.

Leave a Reply