Aung San Suu Kyi nih Min Aung Hlaing lih chim mi vialte a phuan cang

Myanmar News

Aung San Suu Kyi le Min Aung Hliang ton biaruahnak a thli tein an ngei tiah kan hnu ah voi(2) tiang thawngpang a leng mi kong ah Aung San Suu Kyi pumpak nih a Layer sin ah fianter nak a tuah ve cang.

A luancia thla 2 lio ah khan Daw Aung San Suu Kyi cu a umnak ah Min Aung Hliang, Ralkap lutlai lei nih an ton, biaruahnak an ngei tiah Kawlram Media pical tiang nih an rak langhter. Cu thawngpang cu chungbia, an mah ralkap chung in a chuak mi a si tiah an rak tarlangh.

“Mizei hmanh he biaruahnak kan ngei lo. Mizeihmanh nih biaruah ding in an kan tong lo” tiah nihin biaceih zung a kal pah ah a pumpak Lawyer sin ah a chim hi a si.

“Ralkap lutlai he tonnak a ngei tiah biachawhvak a leng ngai. A si nain mizei he hmanh ton biaruahnak ka ngei lo tiah nihin ah kan chim. Ralkap lutlai siseh, Min Aung Hliang si hna seh, an mah he ton biaruah nak ka ngei lo tiah an kan chimh ko” tiah Lawyer pa nih The Irrawaddy News sin ah a chim hi asi.
Van
Kan hnu July 19, Martyrs’ Day hlan deuh te ah Min Aung Hliang nih Aung San Suu Kyi a ton timi thawngpang a rak leng. A si nain hi kong ah Suu Kyi nih cun a dik lo, lih a si tiah a chim hi asi.

Nihin ah Aung San Suu Kyi cu biaceih zung ah chuah pi a si nain a ngan dam lonak ruang ah an lawi ter than i thaizing hi biaceih zung ah chuah pi than ding ti asi.

Leave a Reply