Tutan doctor sasa nih dam lo kong he pehtlai in mipi sin ah bawmhnak le thlacam piak ve dingin a rak tial mihi falam nih an leh cia mi ka van chiah than mi asi,falam holh cu hakha holh he ai khat dih pa ko caah nan thei dih fawn ko i laiholh in ka van leh tilo nan ka theithiam lai kan nawl hna.

FALAM HOLH NUG cozah in ramdang palai le thuphuangtu Dr.Sasa cun August 25, tuini ah a dam lo thu mipi simtheihnak a nei ih a dam lohli theinak dingah a hrang thlacam sak dingin mipi a sawm cih. Dr.Sasa Cun “A liam zo ni reilo ah Myanmar mipi hrang theitawk in kan zuamnak ah thinlung cau le taksa cau in ka dam lo phah.

Curuangah ca le thuhla phunphun in kuatmi pawl lo letsal dingah caan a duh deuh ding. Hiti cingin ka theitawk le tlintawk in hna cu ka tuan peh rero. Kan dung thlalam in ka dam lo thokih, tutiang felfai in ka dam thei hrih lo. Cu ruangah dam cak lohli dingin nan thlacamnak ropi cu kei in ka ngai thupi ngaingai ih,cutin ka ziangkim cu Democracy sualsuaknak hrang ka hmang thei ding. Nehnak kan co rori ding a si,” tiah a ti.

Myanmar ram hrang mithli tla ko thlacam ih theitawk zuam rerotu Dr.Sasa cu Myanmar thuhla a buapinak ah thinlung taksa carau in naa phah a si ih, zan khalah Myanmar mipi a ruat tuk cu it lo caan a nei tam ding. Theitawk in ramdang palai a bia ih, ramdang media ah a lang rero. Ralkap in thla 7 sung rampi thuneihnak an lak sungah cawl lo thla in Myanmar mipi hrang zuam rerotu pakhat a si.