Breaking News:Kawlram minung tamtuk nunnak a liam lai tiah mifim hna nih an thanh cang

Myanmar News

Ara Lai Mi Zarhhnih Ah Myanmar Mipi Lethnih Covid An I Chawn Kho Tiah British Nih Ralrinpek nak a chim Myanmar ram cu ara laimi zarhhnih chungah Myanmar minung nuai 56 sin in Covid zawtnak a kharh kho tiah British UN palai nih July 29 ah ralrin peknak a chim.

Myanmar ram cu February thla ah a cangmi ramkhel thlennawnnak in Myanmar ralkap in tuanvo ngeitu hna cungah American,British telh in ram dang cheukhat nih phihkharnak an tuah hna.

Hi bantuk ram thlennawn nak ruangah Myanmar ram ngandamnak le ngandamnak riantuan hna a hnorsuan hna,tlaihkhihmi hna he zong a pehtlai fawn tiah British Palai Barbara Woodward nih Myanmar kong he pehtlai in Myanmar kong ceihmai nak ah a chim hi a si.

Myanmar ram cu Virus i chawnhnak a rantuk caah ruahdamh ning ahcun a ra laimi zarhhnih ah rammi hnarcheu Virus an i chawn kho tiah a chim.Myanmar ram cu nai te ah China ser sii nuai hnih an ngah ko nain atu tiangah rammi 3.2% lawng an i chun kho tiah Reuters nih a langhter the chin post.

Thawngdang Nay Pyi Taw Covid Center Ah Palek Chungkhar Pawl Zohkhenhnak An Pe Duh Hna Lo Nay Pyi Taw hmun chungah covid-19 mizaw 8,000 deng an um tiah theih a si i, mah chungah palek le an chungkhar hna tampi an i tel ve nain inn ah i zohkhenh dingin an ti hna tiah theih a si.

Nay Pyi Taw hmun chungah covid-19 mizaw zohkhenhnak hmun 14 ah July 26 tiang hmunhma a lawng mi hmun 1,000 leng a um.Cun Nay Pyi Taw chung quarantine center ah hman mi hotel le ralhrangbu khualtlunnak hmun zongah mi 1,500 an i tlum rih ko tiah ralhrangbu kuttang covid-19 doh, ven, zohkhenhnak le emergency komiti cazin ningin theih a si nain palek le palek chungkhar hna cu mah hmun pawl ah zohkhenhnak an pek duh hna lo.

Hi kong he pehtlaih in “sii inn ah i zohkhenh khawh kan si lo, inn ah home quarantine in va i zohkhenh ulaw, nan zual deuh ahcun rak kan chim u an kan ti.Mizaw hi kanmah lawng kan si lo tikah sousel awk le a tha fawn lo” tiah Nay Pyi Taw ah a ummi palek chungkhar pakhat nih a chim.

Nay Pyi Taw ah covid-19 zawtnak a karh bantukin a thi mi zong an karh ngai tiah theih a si i, Zabuthiri peng ah mizaw 2,000 leng an um.Pyimana le Lewei telin Stay at home ah chiah an si.

Ralhrangbu nih Nay Pyi Taw ah Oxygen Plant hna bunh in a si khawh chungin zohkhenhnak a tuah nain mizaw le mithi zat an zor hlei lo tiah theih a si the chin post.

Leave a Reply