Breaking News:Pu Khaing nih meithel kahnak in mual a kan liam tak

Myanmar News

Kayin ramkulh, Phaya-Thongsu peng USDP Chairman U Khaing Win cu nihin zinglei ah meithal in an kah caah a nunnak a liam, tiah Kayin thawngzamhnak pawl nih an ttial.Nihin zinglei sml. 8:00 hrawng ah U Khaing Win le a hawile pahnih cu Phaya Thongsu khuachung lakphak dawr an tthut lio ah motorcycle aa citmi minung pahnih nih meithal in an rak kah hna.

USDP Chairman U Khaing Win cu a hmun ah a thi colh i, a dang a hawile pahnih hi hliamhma an pu.U Khaing Win hi U Thein Sein chan Phaya-Thongsu peng in Hluttaw palai a rak ttuanmi zong a si.Nihin zinglei U Khaing Win an kah lio ah hliamhma a pumi a hawile pahnih cu SAC ralhrang tang ah a ummi Border Guard Forces (BGF) nih sizung ah an kalpi hna.A luancia May 19 zong ah khan Phaya-Thongsu khua ah sang uktu pa pakhat thah a rak tong cang.

Thawngdang Ramtang Biacah Kan ram milu nuai 55 chung ah a tulio COVID rai (Delta or Alpha variant) hin zatuak 50% cu kan i chawnh dih te kho tiah Asia Times nih a tial. Cu leng ah milu nuai 10-15 an thi kho tiah a ruahdamh chap.Hitining a si ko ahcun kan ram milu minung panga ah pakhat cu thih dawh in kan dirhmun a si. Kan hmai ah RAL, kan hnu ah RAI nih a kan erhtonh. Cu ca ah kan i ralrin veve awk an si.

Cozah health care system a chiat chinchap ah a tu cu a purh in a pur cang. Cozah a ngeilo mi ram dirhmun kan dir lio a si ca ah mipi kan zate lungrual tein hi ral pahnih hi fak piin kan dohți a herh.Mithmuh ral kan doh lio ah hmuhlo ral nih kan kilven mi kan mipi he kanmah he a kan den cuahmah. Fimkhur le dingrep tein kan țanți a herh taktak. Zuamcawhnak sang taktak he kan dirhmun a linsa ko.

Asinain, atu lio hi uknak lei ah mipi sin in legitimacy kan ngah nak a san bik lio a si tikhawh a si. Hi lio ah ngandamnak lei zong kan control khawh ahcun a ra laimi caan ah fimcawnnak zong kan control khawh telai.
Dothlennak tlang an sang ko hna. Asinain tlang pakhat khat kan tei ahcun a dang tlang pakhat zong kan tei ko lai. Rian kan țuan tik tu ah systematic ngei tein kan țuanți a herh taktak.

Afhganistan ram ah Taliban tapung nih Afghanistan ram tambik an uk khawh nak cu an mipi nih legitimacy an pek hna ruangah a si. US pi zong nih a tawng kho taktak lo. Cu ca ah tutan dothlennak ahhin a kenkip in mipi nih legitimacy an kan pek khawh nakhnga kan mipi harsatnak (problems) cio hi teirial tein mipi he țuanți i zuam ko hna usih.

Kan khuallam a sau kho. Lungsau tein, teirial tein le lungrual tein kan țuanți hna lai. Kan ram le kan miphun a hmailei (future) cu a tulio harsatnak caan ahhin țha bik in remhnak ding ah caan țha bik a si tiin hmu kho (thiam) hna usih. Harnak caan hi thlennak ca ah caan țha bik an si kho ve ko. These problems can give us more opportunities to change more. The more we change, the greater victory will be achieved chin morning star.

Thawngdang WHO Nih China Cu Riantuan Hawitha Si Dingin A Nawl WHO hruaitu lubik Dr. Tedros Adhanom Ghebreyesus nih Covid-19 a chuahnak kong zohfelnak voihnihnak an kal pi lio mi ah Taluk cu tuanpi tha si ding le WHO cu zalong tein riantuan ter dingin a nawl.WHO nih Covid-19 rai a chuahkehnak kong cu February thla ah khan a rak ngeih cang, mah an report ah Covid-19 cu Wuhan laboratory in a chuak mi a si lo, Papalak in a chuak mi a si tiah an ti.

Dr. Tedros nih WHO nih atu a kalpi lio mi covid a hramthawknak zohfelnak a voihnihnak ah Pandemic a thawk hlan i a damlo mi hna an data tling kan herh tiah a ti.Hihi a biapi taktak mi data hi a voi 1 nak zohfelnak ah Taluk nih a rak chim duh hna lo mi a si.

Hi WHO nih covid cu Wuhan laboratory in a chuak mi a si lo tiin a ruat thlulo ti a langhternak pakhat ah ruah khawh a si. Covid-19 cu Taluk Wuhan Institute of Virology i virus research lab in a chuak mi a si ti hi US president hlun Donald Trump nih biatak tein a rak au pi mi a si.

Dr. Tedros nih covid a dongcang ti mi ruahnak cu tih a nungtuk mi a si. WHO emergency committee nih virus variant tih a nung deuh mi a karh cuahmah lio a si i, a dongh naisai rih lo tiah an thanh cang tiah a chim.

WHO emergency chairman Didier Houssin nih “Atu hi virus hnu ah kan tlik lio a si virus nih hin kan hnulei zong im a kan dawi lio a si” tiah a ti.Corona virus ruangah nunnak a liam mi hi Africa ahcun zarkhat chungah 43% in an karh. Mah hi sii-inn an i daih lo ruangah le oxygen i daih lo ruangah a si tiah WHO nih a ti the chin post.

Leave a Reply