Uknak chuttu Ralkap Council i rank niam ralkap pawl, rammi lei ah rak i fon u law, nan him hrimhrim nakding kan tawlrel lai i laksawng ah tangka zong kan in pek hna lai tiah KNDF nih a thanh.

အာဏာသိမ်းစစ်ကောင်စီ၏ အောက်ခြေစစ်သားများ ပြည်သူဘက်က ပါဝင်ပြီး လာရောက်ပူးပေါင်းကြရန် နှင့် လုံခြုံရေးကို အထူးအာမခံပြီး ဆုတော်ငွေများလည်း ချီးမြှင့်မည်ဖြစ်ကြောင်း KNDF ဘက်က ထုတ်ပြန်ကြေညာ။

Thawngdang Ni 200 Chungah Ralhrang Kut In 1007 Nunnak Liam Ralhrang nih nawlngeihnak an lak ni 200chungah thah a tong mi minung 1007 tiang an phan.

AAPP nih August 19 nitiang cathanh a langhter ning ah Kawlram chung ralhrang phu hna nih nawlngeihnak an lak ni 200 chungah hramhram in thah a tong mi mipi 1007 tiang an phan tiah theih a si.

Tlaihkhih a tong mi dihlak hi 7355 tiang an phan i thlah rih lo mi dihlak hi 5747 an si.Tlaihkhih ding in nawlchuah hnawh mi hna hi 1984 tiang an phan tiah AAPP nih an langhter.Nawlngeihnak la tu ralhrang phu hna nih thah nawn ruang ah Yangon khuachung in nunnak liammi tambik an si i Mon ramkulh chungah nunnak liammi 10 an um i tlaihkhih a tong mi 400 leng an si tiah theih a si the chin post.

Thawngdang China le ASEAN Palai Kawlram Kong Ah An I Chawn China ramdang lei vuanci Wang Yi le ASEAN Kawlram palai Brunai ramdang vuanci 2 Erywan Yusof hna cu Kawlram kong he pehtlaihin nizaan August 18 ah khan phone in an i chawn.

Atu lio Kawlram chung thil a cang lio mi kongah ASEAN palai nih a ruahnak a chim hnuah China ramdang vuanci Wang Yi nih ASEAN le China cu Kawlram hawikom kan si i, Kawlram chungah remdaihnak a um kho lai tiin ka zumh.

Kawlram kongah buainak he pehtlaihnak a ngei mi vialte he i tong in, phunghrampi chungin a phi kawl ding le Mr. Erywan Yusof nih ASEAN hnatlaknak 5 ningin tha tein rian a tuan khawh lai ti ka zumh.

Kawlram buainak he a pehtlaihmi vialte hna nih zumhnak an ngeih khawhnak dingah duhsa tein tawlrel ding, Covid-19 dohnak kong ah Kawlram bawmhchanh ding, remdaihnak caah lungsau tein tuah ding le mipi sin ah nawlngeihnak tha tein pek than i, democracy lam ah a kal khawhnak dingah tawlrel dingin Wang Yi nih a chim.

China ramdang lei vuanci Wang Yi nih Kawlram kong he pehtlaih in China nihcun a thatnak leiin tawlrel piak dingin ruahnak kan ngei tiah a chim.

SEAN special anvoy to Myanmar Mr. Erywan Yusof nih keimah cu ASEAN palai ka si bantukin ASEAN hnatlaknak ningin a kalpi ding ka si banutkin Kawlram he pehtlaihin Taluk dirhmun cu ka pom i, kan tuanti nak zong fek chinchin dingin ka duh tiah a chim the chin post.