Chin mipi caah a biapi tuk mi thawngthar kah dohnak chuak hlah seh na ti cun rak zulh

Myanmar News

CNO/CNDF Nih Ralrin Peknak Cathanh An Chuah Chin ramkulh,Falam peng chung i khual kan tlawn,kan i chawhleh tikah kan mawtaw thlalang khar le thilphurhmi pawl khuh lo dingin Chin National Organization Chin National Defense Force CNO/CNDF nih ralrinnak kan in pek hna.Cun khualtlawn ding kan si ahcun CNO/CNDF sinah a hlankanh in theihternak neih hmasa ding.

A cunglei i kan thanh bantukin zulh lo ruangah kahnak pakhat khat a chuah sual ahcun CNO/CNDF nih tuanvo kan la lai lo tiah kan in theihter hna Pehtlaihnak +959424178236.+919362637285 pehtlei a duh mi hna nih mah phone number ah hin pehtlei khawh an silai ho poah nih ralring tein le nawl zulh bu tein cawlhcang i zuam hna u sih a biapi tuk mi asi caah laknak the chin post

Thawngdang Rallokap Nih Ar Zuatnak Cu A Luan Cia Kum-6, Kum-7 In Tuah Cangmi A Si Caah Ar-ti Kongah Thinphan Ding A Umlo Tiah Ralhrang Bawi Nih A Chim.Rallokap lei nih Ar zuatnak cu a luancia kum-6, kum-7 lio in tuah cang mi a si, mipi sin zong ah kan zuar piak ko hna caah Ar-ti kong ah thinphan ding a um lo tiah hramhram nawlngeihnak latu ralhrang bawi Min Aung Hlaing nih a chim.

July 18 ni ah, Naypyidaw ah tuah mi Covid-19 zawtnak runvennak, zohkhenhnak voithumnak biaruahnak ah Min Aung Hlaing nih a chim nak kong cu nihin chuahmi Myanmar A Lin thawngzamh ca nih an langhter.Covid-19 zawtnak third wave chung ah zawtnak a chawnmi an karh i, za pi za ran nih ei mi chung in Ar-ti zong a hlei hluat tuk in a man a kai caah Ar-ti tiang in a dih lio caan ah nawlngeihnak latu ralhrang bawi nih atu bantukin a chim hi a si.

Vawlei ram chungah zawtnak karhnak hi minung 190 billion leng an si i,Kawlram chung ah July 17 ni tiah ah minung sing 2(200000) leng Covid zawtnak a chawn mi an si, third wave chung ah hin a chawnmi hi an tamtuk hringhran tiah ralhrang bawi nih a chim.

Covid zawtnak runvennak sii Kong he pehtlai in ralhrang bawi nih minung 1.6 million cu voikhat nak Covid runvennak sii chunh cang mi an si, voihnihnak chunh ding in timhtuahnak ngeih lio a si, a ra lai mi July 22 ah Tuluk in chuakmi Covid runvennak sii 7.5 million a phan ding a si August thla chung ah minung 50% cu Covid runvennak sii chunh dih ding in ruahchannak kan ngei tiah a chim.

Rallokap le sizung , zungkip dihlak in minung 69800 caah quarantine hmun zong 1934 hmun timhtuah a si, Covid mizaw hna caah hmun 1114 timhtuah a si, mizaw 46000 hrawng um khawh a si lai tiah nawlngeihnak latu ralhrang bawi nih a chim.

Oxygen zong general hospital, rallokap sizung, sehzung le riantuannak hmun ah oxygen plant in oxygen chuah piak bantukin Thai le Tuluk lei in liquid oxygen le oxygen dur pawl ramri in an van kuat tiah a chim.Ralhrang kuttang um mi ngandamnak le zaanglek zunglei nih an langhter ning ah July 18 ah Covid-19 zawtnak hmuh mi minung 5285 an si, a thi mi hi minung 231 an si , a thimi dihlak hi 5000 an si cang tiah an langhter the chin post.

Leave a Reply