Manhung khuabawi Meithal In Kahthah A Si Sagaing ramthen Humalin peng Na-maw khuatekomh ah a um mi Manhung khuabawi U Kyaw Myint cu July 28 zaan suimilam 8 hrawngah an umnak inn meithal in an kah i a thi tiah theih a si.

July 28 zaan ah meithal a tlai mi 4 cu mawtaw cycle 2 in an rat hnawh i, inncung in an hnuh i an kah caah a hmun ah a thi colh tiin Namaw khuami pakhat nih a chim.U Kyaw Myint hi khuabawi pakhat a si hlei ah USDP khuatlang rualrembak hmu pakhat a si tiin an chungkhar hna nih an chim.

Namaw khua hi Chindwin tiva pawngah a um mi a si i, Tatse le Khin u pengah minung 3 cu a ho ti theih lo mi nih a hngawng an tan, meithal in kah thahnak zong a um len tiah theih a si.June, July thla chung Sagaing ramthen peng 37 ah mi thahnak 70 le hliamhma a pu mi 12 hrawng an um.Myoung pengah hmunkhat ah minung 2 thahnak voi 3 le hmunkhat ah minung 3 thahnak voi 2 a um tiah theih a si the chin post.

Thawngdang US Defence Secretary Nih Taluk Ralrinnak A Pek US nih Taluk he buai kan duh lo nain kan ram ca i thil thathnem mi miaknak tiang hnahnawhnak a kan pek a si ahcun dai tein kan zoh lai llo tiah Singapore ah a tlawng lio mi US ralvennak vuanci Lloyd Austin nih a chim.

Lloyd Austin nih Taluk nih South China Sea ah a ngeih mi kong a chim mi hi vawleicung upadi le phunglam he a kalh mi a si.Taluk cozah nih hin south chin sea kong pin ah buainak dang zong dai tein tawlrel duhnak lungput a ngei lo tiin Lloyd Austin nih south china sea he a pehtlaihmi a hawikom ram pawl chanh ning a chim.

Taiwan tikulh kong,Taluk ramah a ummi Muslim miphun hna ci mit lakin thahnak, India le china ramri buainak hna cu Taluk nih mei a vanmi lawng a si.Chawnhbiaknak he tha tein ceihpi zong a duh lo.

US nih Taluk cozah he zong siseh, Taluk ralkap he zong siseh buaibai kan duh lo, rem tein um kan duh ko.Asinain kan caah thil thathnemmi ah hnahnawhnak a kan pek a si ahcun dai tein kan zoh sawhsawh lailo tiah US defence secretary nih a ti.

Singapore ah a tlawnglio mi US ralvennak vuanci le Singapore ralvennak vuanci hna cu nizan ah pumpak in tonbiaruahnak an ngeih hnu ralvennak kong tonbiaruahnak ah a tubantukin a chim mi hi a si.Hi tonbiaruahnak ah Taluk buainak kong pin ah Kawlram uktu ralhrangbu hna thiltuah ning cu pom awk tlak le pom khawh ding pakhat hmanh a um lo tiah Lloyd Austin nih a chim the chin post.