Dr. Thet Thet Khaing Party Hi A Men Bak Lo, Seat 248 Ah Cuh An Itimh Hlei Ah Chin Mi Cheukhat Zong An Luh Ve Cang

Myanmar News

Dr. Thet Thet Khaing Party Hi A Men Bak Lo, Seat 248 Ah Cuh An Itimh Hlei Ah Chin Mi Cheukhat Zong An Luh Ve Cang
======================

People’s Pioneer Party hotu nu Dr. Thet Thet Khaing nih cun 2020 thimnak ah pengkulh 98 ah le seat 248 ah an cuh lainak kong cu DVB thawngzamh sinah a chim. Anih cu Pyidaungsuh level MP seat 110, Races Affairs Minister hmun thum 3 le a dang cu Region MLA ah an si lai, tiah a chim. Asian khui pengkulh chungah aa cuh lai nak kong cu August 8, 2020 ni ah cazin felfial tein chuah a si te lai, tiin a chim nolh. Dr. Thet Thet Khaing hi mithiam sang, mirum, chawlehthalthiam le hlawhtlinnak a ngei ngaingaimi a si hlei ah Yangon khuapi chungah a lar ngaimi a si, tiah theih a si.

Yagon ramthen, Meehmun pakhat 1, Amyotha MP caah People Pioneer Party (PPP) in aa cuh ding le a zuam dingmi Chinmi kong zong theih a si. A min cu U Law Thang a si i, Mindat Myone leimi a si i, Chinmi a si ko nain Yangon ah a umnak a sau ngai cangmi a si, tiah theih a si. U Law Thang nih a chim dan ahcun Party timi cu mipi caah a si, Party le ram kong ahmasa bik ah ruat a herh. Party le mah herhnak cu Party kong ah chiah ding. Keimah caah cun a har taktak. Asinain, 2020 thimnak ahcun, Vawleicung ah a rak thlen ding mi tuufa party pakhat bantuk asi ruangah a zuamnak kong cu a chim. U Law Thang cu Mindat Myone lei in a rak ra mi a si i, Cozah riantuan in Yangon ramthen ah a umnak a sau ngaingai cang, tiah theih a si.

Chin ramkulh chung zongah Dr. Thet Thet Khiang party lawng si loin UDP party chungtel zong an tam ngaingai cang i, Hakha pengkulh chung ah hin an i cuh dih ve lai, tiah thawngpang theih a si. Chin mi chungin ramkhel politics nakin pumpak le thutdan politics an tam deuh cang i, hmailei Chin miphun caah ralrin taktak dingmi tihnung virus pakhat a si te lai.

Leave a Reply