Good News: SNLD Party Nih Seat 150 Ah An I Cuh Lai

Myanmar News

Good News: SNLD Party Nih Seat 150 Ah An I Cuh Lai
===================

Shan Nationalities League For Democracy cu Shan ramkulh lawng si loin Kachin ramkulh, Sagaing ramthen, Mandalay ramthen le Kaya ramkulh telin Seat 125 an cuh lai, tiah thawngpang theih a si. Shan Nationalities League For Democracy hi an politics zumhnak ah a fektukmi an si i, 2015 thimnak ah khan seat ngah tam bik 3 nak an si i, NLD cozah nih Union Minister pakhat pek an timh hna nain an rak duh lonak kong cu party biachimhnak nawlngeitu Sai Leak nih a chim.

SNLD Party nih Union Minister an duh lonak chan cu upat awktlak pakhat hmanh um loin an duhduh in pekmi cu kan lak lai lo, tiah an chim. SNLD hi 1990 kum thimnak ah khan NLD chantu an rak si. 2010 thimnak ah Daw Aung San Suu Kyi an rak dirpi ruangah thimnak lut loin an rak um i thimnak luh duh loin cheukhat cu an rak sungh. Shan Nationalities Development Party tiin Sai Aih Paung hruainak in an rak dir. SNDP nih 2015 ah khan seat 1 te an rak ngah i 2020 thimnak ah seat 80 hrawng ah cuh an timh tiah theih a si.

Kachin party thawngpang kong zong relchap khawh a si. Kachin State People’s Party Nih Seat 68 Bak Ah Cuh An Itimh Ve Cang; Kachin State People’s Party nih cun Kachin ramkulh chungah hmun 68 hrawngah an in cuh lai, tiah thawngpang tha theih a si cang. Asinain, Candidate pawl hi August 13, 2020 tiang zeihmanh thawng an thanh rih hna lo ruangah a dang lam in an thlen than tiah an chim. Kum 2015 election lio ah Kachin ramkulh chung miphun party an dirhmun a rak chiatuk ruangah party 4 an kom vemi an si cang.

Kachin ramkulh le Kaya ramkulh ah hin miphun party vote hi 2015 kum ah khan a pahnihnak zong phan kho loin USDP party chung deuh ah an rak um tawn. Cu bantuk dirhmun in an rak umnak chan cu NLD nih Democracy le Federal an kalpi ruangah NLD party ah vote pe dih ding in an miphun mino le NGO pawl nih tha an rak pek hna ruangah a si. Asinain, zum ning bantukin NLD party nih Democracy le Federal lam a kalpi cu tlangcung miphun caah zeihmanh a si lo ruangah party pawl an in forh dih ve cang i, thazang an chuah thannak hi a si tiah thawngpang theih a si.

2020 thimnak ahcun tlangcung miphun party an thawn cang lai timi hi Kawlrawn um party ngan USDP le NLD party nih an theih tuk tikah USDP party nih cun tlangcung miphun party hi komh le an sawm peng cang hna tiah thawng theih a si. Asinain, NLD Party nihcun kanmah nih kan tei rih ko lai tiah mipi pawl cu an hlen ve cang hna. Kawlrawn chung hmanh ah NLD party nih a tei dih ti lai lo. USDP, UBP, PPP, Ko Ko Kyi party pawl hi an thawng tuk ve cang caah tukum thimnak cu zoh a nuam tuk te lai.

Leave a Reply