Good News:KNU Nih Ralhrang Sakhan Camp An Lak 10 Nunnak Liam Pa7 Hliam An Si

Myanmar News

Kayin ramkulh, KNU Brigade 5 hmunhma ah aummi ralhrang riahbuk ngan pakhat cu KNU nih an lak mi kongah KNU thawngzamhnak 2 KTM nih a pehtlaih ko hna nain, KNU Brigade 5 nih phungning in an fehter rih lo.

November 22 zinglei ah KNU Brigade 5 hmunjma ah ralhrang riahbuk ngan pakhat cu KNU, KNLA nih an kah hna i an lak, ralhrang thi an tam nain KNU lei in hliammi bal an um lo.

KNU thawngzamhnak Thoo Lei nih November 22 zingah ralhrang riahbuk ngan pakhat kahdohnak cu zinglei suimilam 8 in zaanlei 2 tiang an rau i, zaan 6 ah KNU nih an lak, KNLA lei in 10 nak tlawmlo an nunnak liam i 7 hliam an tuar tiah a langhter chin morning star thawngpang.

Thawngdang Ralhrang nih uknak an lak hnu in cozah riantuan mi hna nih CDM tuah in an doh, cu lio ah ralbawi hna le ralkap chungin CDM tuah mi an um hna , cu chung ah CDM tuah mi ralbawi nupi bia halnak le leh mi hna cu
Ralkap hi ka rak dawt tuk ve hna , an tem tuar tuk,,tiin ralkap hla an sak le ralkap kong video ka zoh ahhin ka mitthli a luang tawn …asinain caan saupi kan um hnu ahhin thil hmaan lo a si ti ka fiang chin lengmang caah atu bantuk in CDM kan luh hi a si …

A caan ahcun an biachim zong in mi cung ah zaangfahnak tlawmpal te hmanh ngei loin ralbawi upa pawl nih an kan pehtlaih , a caan ahcun an tuahserhnak zong hi zoh ngam lo tiang le in khawh lo tiang in an puar hran hi kan hmuh .

CDM tuah ding tiang in zeibantuk thinlung nih dah ralthatnak a ka pek tiahcun mipi sualnak ngei lomi an thah nawn hna ning ka hmuh,an mi hrem ning le an puarhran ning ka hmuh ,cu lawng siloin ralkap training tuah ti poh ah kan fa le kum tling lo zong an kai ter hna .

Ka fapa hna cu kum 17 lawng sinain ralkap training kai ding ah hram hram in an auh , zei an tuah poh ah hram hram lawng te a si caah ka cohlang kho lo tiin a chim …
Ralbawi upa pawl nih ralkap training kainak ding ahcun an kutdong te an hman thiam poh ahcun a za,tiin kan fa le an auh hna , meithal hmeh le kah kan chimh hna lai cu lawng siloin nupi le zong fa nu le zong aherh ning in ralkap thazaang athawnnak ding le ral dohnak ding ahcun nan chuak cio lai tiin an kan chimh tiin a chim .

Ka pasal hi hmai kal dingin an thlah caan ahcun zeihmanh va kap hna hlah , na kut dong pa (3) na thlir lai i inn ah rak ttin ti hlah ti tiang in ka cah tawn mi a si , kan i in rih ko nain ralkap thazaang thawnnak dingah nupi le fa le vialte tiang chuah ralkap ah luh dih than ding tiin nawl an kan chuah hnawh cun a si kho ti lo tiin CDM kan luhnak a si tin a chim .

Kan ral silomi le i doh cu a si kho lo ,Mipi he i ral ding ka ruat kho hrim lo tiin achim. Ka pasal hi ralkap reng niam tein a lut i kan dirhmun hi a tha kho hrim lo , kan har tuk , kan thlahlawh zong kan i za lo , lahkhah pek mi a tlawm lawng siloin lahkhah an kan zuk rih ,nupi le nih zee(thil) kan zuar ,cupin ah nunnak caah zeihmanh amahkhaan an kan tuah piak lo tiin a chim .

Ralhrang nih mi inn an bauh , mi ei din le thilri vialte an lak mi zong hi an harsat tuk ruang ah a si , Uknak an lak hlan in an thlahlawh cu i zat lo hlei ah an lak hnu chin chin ahcun an har chin i khuachung ah tuanvo lak ding an pek hna tikah rawl zong an i ken lo cucaah an hmuh le an lak khawh mi poh an ei ,cuticun ahnu ahcun khuachung chuah ter i tuanvo pek kha an i nuam cang i anmah pawkhimnak le miaknak ah an i ruah cang tiin a chim .

Hi kong ka theih mi hi mi dang chimnak lawng siloin keimah pumpak hrim nih ka hmuh hna , cycle hna cu tawh zong a tel lo , inn cit mi motor tiang in an fir i an lak dih i an zuar , an ton ning in zeipoh an tuah ,tangkaa zong an hal hna an fir hna .

Ralkap lut ka le reng niam nihcun hmasa ahcun an tuan ngam lo nain anmah hruaitu upa nih an hmai ah a tuah an hmuh tikah amiak an theih i an tuah ngam dih cio hna .An lak mi hna chung in man ngei hna cu phone,laptop,cycle,motor hna hi an i ttin pi i an zuar than hna ..

Mipi lei in lehrul an cham thluahmah cang hna tikah anmah ralhrang chung in thinphannak a um cang maw tiin an hal mi a leh mi hna cu “khuaruahnak angei pah mi caah cun an thinphang pah cang ko ,nain zeihmanh a ruat kho rih lomi nih cun thua chih ko hna uh,,kanmah cu hriamnam ngei mi pei kan si ko cu ,,kan duhmi poh kan tuah khawh dih ..mipi kha ral bantuk in an kan hmuh”tiin aleh.

Ralkap cu mipi humhimnak le ngeihchiah a vengtu ding an si ziah hitihin an sual timi kong ah biahalnak a leh mi hna cu”anmah ralkap chung ah an cawnpiak ning hna cu Daw Suh Kyi cu ramdang pa he an i thium i amah nih akan uk ahcun ramdang nih kawlram an uk lai culawng siloin biaknak dang nih kawlram a kan dolh dih lai.A bik in biaknak ruang ah (anmah buddist) biaknak tanh ding in an chimh “hna ,cucaah Daw Suh Kyi uk kho lo dingin kan i zuam , kan biaknak le kawl miphun athen kho lo ti kha an cawnpiak bik mi hna a si .

Aleng i an chim mi kha zeihmanh ruat hlah uh,zum hlah uh,kanmah nih kan in chimh mi hna hi ahmaan mi a si tiin ralhrang pawl cu upa nih an chim hna tin achim .

A cheu cu a fiang ko nain a chim ngam lomi ralkap an um ,a cheu cu athei hrim thei lomi an um, acheu cu ramkhel kong zeihmanh ruat duh lo in anmah rian le thlahlawh kan hmuh a za ko tiin a tuan mi an um tiin achim .

Ralkap bawi nupi ka sinak ah zeihmanh athatnak aum lo , an kan namnehnak le hram hram hrim ka duh hrim lo tiin a chim. A cheu cu chuak ngam lo an um, an duh ko zong ah umnak inn le lo ngei loin a benh mi zong an um ,keimah zong atubantuk kan chuahnak kong ah ka nu hawi nih na raltha tuk tiin an ka ti tiin ralbawi nupi nih an sining cu a chim .

Leave a Reply