Ayeyarwaddy ramthen Palek phu, CDM a tuahmi phu nih an hawile dang palek phu pawl zong anmah bantuk mipi lei ttan in CDM tuah ve ding in forhfialnak ca an tial. Cucu tu lio social media ah a lar ngaimi a si i, Laica tein aa tlak in kan van leh piak chin hna. Cu forhfialnak ah mipi nih huatmi palek si hlah uh sih timi zong an tel chih. A tanglei hi forhfialnak cakuat an tialmi cu a si.

Kan hawile hna, nanmah le kanmah nih zalennak a nuamhnak kan tep bal rih lo. Mipi nih cun kum chung an zalen bal cang i, nanmah teh zalen nan duh ve lo maw? Palek sinak kulh chung in chitkhat te leng ah chuah ve hmanh uh. Nanmah le kanmah nih kan uar ngaimi Uniform cu fih a nung tuk cang. Cucu nanmah le kanmah palek pawl ruangah a si maw? Aho ruangah dah a si?

Hlan lio Palek phu cu a rawk dih cang caah le hman a si ruangah atu ah cun mipi nih huatmi kan si cang. Cucu nan thei maw? Kanmah zong kan thei ve. Hmailei caan ah teh, kanmah palek uniform hi mipi nih huat ding in, anmah cu maw kanmah bantukin “Na pu na biak ahcun na ha a kiak lai lo” timi ruahnak tangah, rua a sur ahcun sui aa tlaihmi mirum ralkap bawi hna kut cungah kan chiah hna lai?

Kanmah nih biakamnak kan tuahmi cu ram le mipi ca a si lo hmanh ah kan chungkhar, kanmah palek hna ca tuaktan i, voikhat te cu raltha in um tuah uh. Rak ra ve uh. People’s Embrace cu an tha. Kan hawile palek phu hna People’s Embrace nih lunglawm tein mi an cohlan rih ko hna. From, CDM Police, Irrawaddy ramthen Palek phu” tiah an tial hi a si Mizzima.

Thawngdang Chinmi hriamtlaitu CDFs le CNA nih tutan an dothlen liomi ah teinak an hmuh hrimhrim lai ti a fiang. Lungrual cu teinak a si tiah an ti bangin Chinram hriamtlai phu 12 nih Join Military Council an dirhmi hi a tetuai lo; mah JMC nih Chinram a khamh tlanh hrimhrim lai,phu 12 kha dahkaw phunkhat bantuk ah an ifun cuh,aa funtommi phu cu an sung meimei lo tikha zapi theih cio si.

Hriamnam zong cu heh tiah CNA le F nih an zalh cuahmah ko rih,a tam khawh chung tamin hriamnam cawk le zalh an itim.Mahbelte vanlawng kahnak bel hi a cawknak har deuh kaw meithal bantuk cun fawite hei cawk awk ttha lo mi si.Nain timh ahcun a lam um peng ko ti si caah vanral vennak zong cu a tlawmtam a phan chom ko lai.

Chin mino hna thinlung ah dothlennak a fektuk cang,hriamnam nakin kan thinlung biapi deuh timi ahkhan,kan thinlung cu sersiam fel dih si caah tucu hriamnam kha duhtawk deuh hun hman khawh awk in hun zalh kha si ko cang.

Naite CNA Campah tuah mi JMC ah aa tel duhlo Chinmi hriamtlai chungin nan um ahcun a ran nakin rak ipeh fonh colh ve uh,kan thazang fun caan si,kan ifun ahcun kan ral kan tei lai.

Mah kan ralpa hi kum 1 in kum 2 menah tei lo kho si,kum 4 in kum5 rau khomi ral si caah felfai tein doh haumi a si caah capawl khangh bantuk in chikkhat aa hliau mi sinak in,kum zeizat rauh zongah kan ralpa hi ado kho tu si ding khan itimhtuah a haumi si.

Vuivai hi isum hau,vuivainak nih khurkhua diklo ruahnak a chuahpi tikah vuivai thai in nunhman a fawite caah vuivai lo tein lungthiang tein JMC ah rak ifonh uh,a vuivai pengmi nih ral an tei bal lo;a vuivai le mah phu pakhat men zalon duhtuknak nih ahrinmi cu,Shan state khi a si ko.Shan state ah hriamtlai phu tampi an dirh I a donghnak ah an ral do kho loin anmah le mah an I do ko. Chinramah mah bantuk um lonak dingah vuivai lo tein JMC ah rak ifonh(join) colh ve uh chinland post.

Thawngdang Teinak A Nai Cang Kawlram pumpi caah a biapi tukmi September 2021 thla cu Pathian thawngin kan phan cang. Kawlram mipi caah teinak le thlennak a nai cang kan ti khawh.

Vawleicung kil 4 um UN members hna cu September thla lai ah kawlram kong tonbiaruahnak an ngei cang lai. Kawlram caah abiapi tukmi UN credential committee ram 9 hna nih SAC ralhrang cozah maw a co hlang lai? Asiloah mipi cozah NUG dah a cohlang lai ti hi a si. A tawinak in chim ahcun thawngpang țha maw a chuak lai Thawngpang chia dah? ti hi a si.

Biachahnak a tuahtuding UN Credential Committee ram 9 hna hi an biapi taktak. Mah ram 9 hna ahhin China, Russia le United States of America US hna cu aa tel ding a fiang cang. Adang ram 6 hna cu a fiang rih lo.

Atu ah SAC ralhrang cozah le NUG cozah cu heh tiah zuamchawhnak an ngei lio pi a si. SAC ralhrang cozah nih zeitluk in dah rian a țuankhawh. Cun NUG cozah zong nih zeitluk in dah rian a țuankhawh i ram dang he pehtlaihnak le chawnhbiaknak a ngeih khawh ti zong fiang tukin a lang cang lai.

UN Credential Committee nih Mipi cozah NUG a cohlang a si ahcun mipi nih teinak ngan taktak kan hmuh khi a si te lai. Atawinak in chim ahcun NUG cozah nih thil tampi phungning tein a duhmi a tuah khawh, a cawk khawh cang lai. Asinain, SAC Ralhrang cozah tu cu Ti a hmu lomi Thinkung bantuk a si te lai.

Zeiruang ahdah mipi cozah NUG nih teinak a hmuh lai Vawleicung tuanbia zohțhannak; Kum 1990 ah Haiti ram le Sierra Leone ram hna nih hramhram in uknak an rak la bal ve. Asinain UN credential committee nih an rak cohlang hna lo.Teinak cu Pathian ta a si caah mipi cozah NUG nih teinak nganpi a hmuh nakhnga Pathian sinah thlacam cio hna usih Pa Hen Thang.