Sagaing ramthen Kalaymyo ah a um mi Ralkaap (20) hna cu an hriamnam, Meithal he CDM tuah ding in an zaam tiah Spring Revolotion nih a tarlangh.

Atu a zaam mi ralkap pawl hna hi cunglei an pu le nih Kalay pengkulh khuate, Tharsi le Thohcian khuate hrawng ah Duty ding le ral vennak tuah ding in an thlah mi hna a si. A si nain an dihlak in an Meithal he CDM tuah ding in an zam dih ti asi. Atu hi ralkap dang pawl nih Motor le minung thazaang tam ngai in an kawl cuahmah hna tiah Spring Revolution nih cun a langhter chap.

Hi ralkap (20) leng hna hi an zaam hlan ah CDF Kalay sin ah pehtlaihnak an tuah cia cang hna, kan zam lai tiah CDF sin ah theihternak an tuah cia fawn cang tiah a langhter chap.

Hi thil hi nihin ah a cang mi a si, Spring Revolution timi nih a tarlnagh hnu ah National Unity Government-Information Team timi le media dangdang nih copy an hun tuah colh len cio cang.

Ralkap (20) hrang an Meithal, ralram kalnak hriamnam he an zaam timi cu ram mipi caah thawngpang tha taktak a si. Tulio hi ralkap chung ah a zam mi an tam caah, a si khawh chung in tlaihhren nak zong an tuah len ve ti asi.

Thawngdang Thilman a kai nain zapi ei dinmi hna cu ramchung ah chuahkhawh a si caah eidin cu kan har lai lo ralhrang bawi nih a chim.Ramchung Covid zawtnak a karh caah rikhiah nak tuah mi ruangah hmanmi chuahnak(ကုန္ထုတ္လုပ္မွု) man zong a kai tuk nain, harnak tong tiang in cu a har lai lo tiah nawlngeihnak latu ralhrang bawi Min Aung Hlaing nih a chim.

Yangon ramthen chungah motor he hmunkip in thil zuar mi hna cu, mipi hna le cozah riantuan mi hna caah thathnemnak a pek i lung a tling,mipi hna hman ding hnipuan le eidin tlamtlinnak ding caah tuanpiak mi a si ti in le, atu nak in fak deuh rian i zuam ding ah ralhrang phu hna bawi Min Aung Hlaing nih motor in thil zuar mi hna caah forhfialnak bia a chim.

Nawlngeihnak lak ruang ah rampi sipuazi cu zatuak 18 tluk a tla tiah global bank nih cathanh an chuah,WFP zong nih a ra lai mi thla tlawmpal ah kawlram mipi 3.4 million hrawngnih harsatnak nan tong kho tiah cathanh an chuah.

Ramchung ah Covid-19 third wave zawtnak chawnhning a karhtuk hnu in, eidin hna cu an man an kai, rianngei lo mi an tam chin caah eidin caah harsatnak a tong mi mipi hna caah thilman thumh piak in zuarpiak an si tiah campign hruaitu pakhat nih a chim.Motor in hmunkip thilzuarnak cu mipi hna tuahmi le mibawm chantu phu hna hruainak in tuahmi a si, ralhrang phu hna hruainak in cubantuk thilman thumh in zuarnak cu kan hmu lo tiah thilzuarnak campaign in a tel mi hna nih an chim the chin post.

Thawngdang US ramhun Biden nih Sept 11, 2021 ah US ralkap vialte Afghan in ka chuahpi te hna lai tiah a ruahmi cu Taliban ralhrang tapung nih August 15 ah Afghanistan an khualipi Kabul tiang an laak khawh caah Taliban pawl nih August ni 31 hlan ah nan chuak dih lai tiah warining an pek colh hna. President Biden nih Taliban ralhrang pawl cu a al ngam hna lo caah August 31 dih hlan ah US ralkap, US citizen le US green card a tlaihmi vialte cu ui le ar pongh in an pongh hna.

President Biden nih US hawikom tha bik a simi NATO ram pawl zong ceihmaihnak tuah hmasa loin US citizen vialte cu hnawhsare in a laak hna caah US bawmtu NATO ram vialte an thin a phawh hna. Eangland vuancichuk Boris Johnson ruahnak pekmi vanlawng in bom thlak ding zong a a duh lo. England MP cheukhat nih cun Biden nih US President a tuan chung ahcun caan zeimawzet riantuantinak ngol chung ding tiang in a duhmi an um phah.

Pentagon ralbawi, Gen.Frank McKenzie nih Kabul zantim a phak lai minutes pathum a duh ah US ralkap le US citizen cheukhat cu a hnu bik an chuahpi hna. Asinain a tlawm bik minung 100 cu an tang rih lai ti si.

Ralhrang Taliban tapung hna nih Afghnistan ram ah cozah tlaih khawh lo ding le hmuhma laak khawh lo ding in kum 20 chung an humhaak mi cu ni 12 chungah Taliban nih meithal puah huaha loin an khualipi Kabul tiang an laak. Ramhun Biden nih ni 90 an rau lai tiah a ruahmi cu ni 12 chungah an laak dih. Mah ruangah US mipi nih kan sunghmi hi 2 trillion hrawng a si. Ngunkuai kan pekmi a tel caah kan sung cio.

Taliban tapung nih US le NATO ralkap sin in an laakmi hriamnam cu a man in tuak tik ah US$85 billions man a si lai tiah an tuak. Mah chungah a paam bik i an ruahmi cu ramdang nih an ngeih khawh rihlomi Technology thilri tampi aa tel. Mah thilri vialte cu Al-Qaeda ralrang le ISIS kut ah a phan lai i US le Israel tuknak an hman sual lai ti hi atu ah an phan bikmi a si.

US nih $ 2 trllion Billion 2000 renglo an hmanmi le US ralkap minung 2372 hna nih an nunnak an pekmi vialte cu President Biden santlaih lo ruangah these cung ti thletmi bantuk a cang dih.