Chin ramkulh Hakha ah ralhrangbu kuttang zungkai mi Covid in a zaw le a thi an um Nawlngeihnak la ralhrang riantuan tu,Chin ramkulh,Hakha cozah zung in cozah riantuan atam deuh cu Covid zawtnak hmuh an si caah,sii-inn conghhramh mi le a thi mi zong an um tiah theih a si.

“Zung ah a zawmi an tam ngai,riantuan tu zong tuan nak in kan zor ngai,atu a zawmi hi rimrua thei lo mi zong an um,kan pu le he a naihniam mi hi an zaw khun,nizaan ah sii-inn a phan mi pakhat a nunnak liam,kan pu pakhat zong sii-inn ah Oxygen thlaih lio a si tiah” zung riantuan pakhat nih a chim.

Peng cozah zung luhchuahnak ah Covid he pehtlai in checknak nifatin an tuah ti zong kan theih.

“Adik ningin chim ko ahcun,kan nih zong kan tih ve ko,zawtnak i chawnh lo dingin a lengmi he check cu a ning,hika ah rallokap he si tik ah,ahohmanh kan va check hna lo,anmmah sinin kan i chawnh ahcun kan dihlak zungkai mi kan i chawn dih lai,Covid in a zawmi a tam u hi cu kan pu le umnak in a si tiah” zung chung in an i chawnhnak kong pakhat nih a chim.

Chin ramkulh chungah Covid 19 zawtnak ngeih le ngeih lo minung 13000 leng RDT in check an si i zawwtnak hmuhmi minung 2000 leng an di,nunnak liammi 100 leng an si tiah Mizzima nih a tial the chin post.

Thawngdang Kawlram CSO Nih ASEAN Palai An Pom Lo Kawlram ASEAN special envoy caah Brunai foreign minister 2 Erywon Yusof an thim mi cungah Kawlram Civil Society Organization phu 413 fonh nih ralhrangbu cohlan pimi thil tuah mi a si caah kan pom kho lo tiah an ti.

Mah thimnak hi ralhrangbu cohlannak lawngin tuah mi a si.NUG, CDM cawlcanghnak ah a tel mi, democracy a duh mi hna le Civil Society hna he chawnhbiaknak pakhat hmanh tuah mi a um lo.

Mah hi ASEAN hnatlaknak 5 an buar mi tuahsernak a si i, sualnak a tuah lio mi ralhrangbu hna tha pek mi bantuk a si.ASEAN nih Kawlram buainak kongah NUG, buainak ah a tel ve mi bu vialte le UN he tuan ti a herh tiah an ti.

Cucaah, Kawlram mipi hna minung zaangfah bawmhnak le nuhrin covo kong cu UN nih rianrang in tawlrel piak dingin CSO nih an nawl.

Atu mipi nih emergency an herhmi bawmhnak hna zong NUG ngandamnak vuanci le tlangcung miphun ngandamnak phu hna nih an ser mi covid-19 dohnak phu, CSO, tlangcung miphun cozah a do mi phu hna sin ah direct in bawmhnak hi pek ding a si.

Bawmhnak hna cu ralhrangbu sin in, a si lo ah kokek harnak lei bawmhnak caah ASEAN Coordinating Centre for Humanitarian Assistance on Disaster Management – AHA Centre ah pek lo dingin CSO bu 413 fonh nih ruahnak an pek tiah bbc nih a tial the chin post.