KIA nih ralhrang pawl ceilak an tthuat hoi hna ralhrang um hngalh lo in an um hoi cang

Myanmar News

Kachin le Shan Chaklei Hmun Tampi Ah KIA Le Rallokap Kahdohnak A Chuak Nihin Kachin le Shan chaklei hmun tampi ah KIA le rallokap kar kahdohnak a chuak tiah theih a si.Kachin ramkulh Mumoh peng Dawphungyan le Nuamlan khua kar ah a cawlcangh nak a tuah mi ralhrang rallokap phu cu KIA Batalian 19 nih chunhnu suimilam 12:00 hrawng ah kahdohnak a chuak tiah theih a si.

Shan chaklei KIA brigade 6 Batalian 36 hmunhma zong ah nihin suimilam 11:00 luan deuh ah Manping khua pawng ah cawlcanghnak ngei mi ralhrang rallokap phu hna (MNDAA) nih an doh hna hnu ah kahdohnak a chuak tiah theih a si.KIA brigade 8 hmunhma ah cawlcang mi Batalian 5 umnak Shweku Kyautgyi zong ah rallokap tilawng cu KIA nih am kah tiah thawng theih a si.

Shan chaklei KIA brigade10 Batalian 2 hhmunhma Munggyi zong ah nihin ah KIA le ralhrang rallokap phu kaphnih kar ah kahdohnak a chuak tiah theih a si the chin post.

Thawngdang Kawlram Chung Taluk A Luh Ning Naih Tein Kan Zoh A Hau- General Bipin Rawat Kawlram ah thil a cang lio mi cu India nih a naih tein zoh a herh.February 1 ah ralhrangbu nih nawlngeihnak an lak hnu ah ramdang nih Kawlram cu kharphihnak a tuah cang nain Taluk nih hmai a nor rih tiah India Chief of Defence Staff General Bipin Rawat nih July 24 ah a chim.

General Bipin Rawat nih “Taluk nih Kawlram ah a kalpi lio mi Belt and Road Initiative- BRI, Tlanglawng lamcawh ding timhtuahnak hna nih ram dang kharphihnak ah hnahnawhnak a pek” tiah India north-east state hna opportunities and challenges online biaruahnak ah a chim.

Kawlram a that hi India north-east caah le a bik in India caah thiltha a si.Zeiruangah ti ahcun kanmah le Kawlram cu tuanbia le nunphung lei ah pehtlaihnak thuk pi a ngei mi kan si tiah a ti.

India le Kawlram cu dimdawi a hau taktak mi silicon corridor bantukin a pehtlaihmi a si i, geostrategic ah a biapi taktak mi le a bikin mahcu hrawh dingin Taluk nih a timh mi a si. Rohingya ralzaam an um ruangah ISIS pawl nih kan ram himnak a rawj ter khawh mi a si.

Bangladesh, Bhutan le Kawlram bantukin pawngkam ram ah mipi himnak a umlo ruangah kanram himnak a zor ter ngai. LZei a si poh ah remdaihnak le chawnhbiaknak in thiltha a chuahnak dingah kan i zuam ding a si tiah General Bipin Rawat nih a chim the chin post.

Leave a Reply