KIA nih ralhrang sakhan an kah minung pahnih nunnak zong a liam

Myanmar News

Waimaw(ဝိုင္းေမာ္) ah rallokap sakhan cu KIA nih hriamngan in an kah Kachin ramkulh,Waimaw ah rallokap sakhan pakhat cu Kachin ralkap KIA nih hriamngan in an kah hna tiah khuami pakhat nih a chim.

Nizan July 29, zaanlei ah Waimaw Khah-Lah-Yiah 58 ralhrang rallokap sakhan cu KIA nih a kah tiah a chim.

“Zaan suimilam 10:35 hrawngah thawngpang kan theih,hriamngan in an kah tiah kan theih . 107 in KIA lei nih an kah hna lung 7 hrawng simen lai thawng kan theih mi , thawngpang cu minutes 45 hrawng tiang kan theih.A hnu ah a dai than” tiah khuami pakhat nih a chim.

KIA nih thawg an langhter ning ah KIA nih an i ruahlo ning in, kahdoh an ton caah Kah-Lah-Yiah 58 (ခလရ-၅၈) phu in hliamtuar mi an tam tiah khuami hna nih an chim.

Hi kong he pehtlai in KIA lei biachimnak nawl ngeitu Buhmugyi Naw Bu sin ah thawnghlat a si na in pehtlaih khawh a si rih lo.

KIA nih an kahdoh hna hnu ah kaphnih kar ah kahdohnak a um i, ralhrang rallokap phu hna nih kah nak ruang ah khua mi chung in hliam zong an um tiah theih a si.

Waimaw(ဝိုင္းေမာ္ၿမိဳ့) khua ah suimilam 11:00 PM hrawngah a cang mi kahdohnak ah ralhrang rallokap hriam ruang ah (Tang Bau Mare) ah um mi sehzung pakhat cu ralhrang hriam nih a tlak caah, sehzung riantuan mi,minung pahnih a khen hna caah a nunnak a liam colh” tiah khuami pakhat nih nizan zaanlei ah a thimi hna hmanthlak he a Facebook ah a langhter the chin post.

Leave a Reply