Lai Meithal Zeirello Tu Rallokap Lai Meithal In A Thi July 29 le 30 ah Mindat-Matupi lam meng 74 ah a cangmi CDF-CNF ralkap le rallokap i kahnak ah rallokap Batalion hmu Zaw Zaw Seo a thi tiah theih a si.

Matupi hrawngah umhmun khuarmi BO Yell Lin Aung zong a thi tiah naihniam mi hna nih an facebook ah an tial.
Athi mi Bo Yell Lin Aung cu amah pumpak hmanmi Facebook ah Lai meithal zei i a rel lo nak kong a tial .
July 19 ah A Facebook ah “ka ziaknak ngai mi hmun Matupi khua nan Lai meithal he rak chuak u Ka he nan i do lai a ti tu cu,Lai meithal in a thi the chin post.

Thawngdang KNA le KNDF Fonh In Ralhrangbu An I Kap Loikaw peng Dotmukala khua ah Kareni Army (KNA) le Karenni National Defence Force (KNDF) hna fonh in ralhrangbu he nihin July 31 chun 11 hrawngah an i kap tiah KPDF nih an thanh.

Ralhrangbu rallokap lei a thi le hliam mi an um. Atu hi fehter dingin kan zohfel lio a si tiah tuanvo ngeitu sin in theih a si.Atu hrawngah KNA umnak lei ah ralhrangbu an rak luh caah kaphnih kahdohnak a um pah lengmang.

Kan hnu zarh ah Karenni ram Loikaw nichuahlei ah a ummi KNPP/KA battalion No. 3 umnak lei ah ralhrangbu tat-mah 66, khah-lah-yah 530 an luh caah voi 5 renglo an i kap i, ralhrangbu lei a thi mi le hliamhma pu mi an tam caah an kir than tiah theih a si.Karenni National Defence Force (KNDF) hi ralhrangbu doh dingah ralhrangbu a doh mi zei hriamtlai bu he kan tuanti lai tiah a thanh mi an si the chin post.

Thawngdang Pu Solomon Thang Ding: Kawl pawl hrimhrim kom hna hlah uh. A tulio kan dothlen nak lio ahhin Kawl pawl hrimhrim kom hna hlah uh.CNA ralbawi a simi Col. Solomon Thang Ding nihcun a tu bantuk dothlennak kan tuah lio ahhin Kawl pawl hrimhrim kom hna hlah uh. Kawl holh zong hin an mah kawl pawl sin va holh tuk duh hlah.Khoizei thil ti kho ngai bantuk in Kawl he vai komh le kawl pawl hi va um khawh ngai phun kha a tulio ahcun kan duh lo. Kan uar mi a si lo.

A herh tukmi thil ah Kawl he i chonh na duh ahcun an hawi minnung pathum pali tel i sawm hna. Kawl he nai komh ruang ah dalan ah ruah na si sual ahcun na dih ko lai.Hi tluk in an mah Kawl ralkap ruang ah minung kan thih le hliam kan tuar. Mitthli le lungrethei in kan um lio ahhin an mah Kawl pawl hrimhrim he i komh le i chawnh zong a herh hrimhrim lo” tiah Pu Solomon nihcun a chim.

Kawlram ah Min Aung Hlaing nih February 1,2021 in uknak a lak hnu ah ramchung mino tampi hriamtlai ah an lut hna. Ramchung ah hraimtlai bu thar tampi zong an dir hna.Cu bantuk in kanmah Chin ramkulh zong ah CNF hruainak in CDF mipi vengtu ralkap an hung dir cang. Chinram chung ah CDF pawl hi minung 15,000 hrawng an si lai tiah zumh a si.

Kawlram chung hriamtlai ah a thazang thawng pawl ah a hung cang ve cang. Chinram chung hmun kip ah Kawl ralkap le CDF pawl cu an i kap cang. A bik in Mindat peng lei ah kahnak fak a chuak.Kawl ralkap le CDF Mindat kahnak ruang ahhin Kawl ralkap minung 200 leng an thi cang i an Motor 9 hrawng a rawk. An hriamnam tampi an sung. Kawl ralkap tampi CDF sinah an i ap. Mindat CDF lei in minung 26 an nunnak a liam ve cang.

Cu lawng si loin Hakha peng zong ah CDF le Kawl ralkap kar ah kahnak voi tampi a chuak cang. Thantlang peng zong ah CDF le Kawl ralkap kar ah kahnak voi tampi a chuak ve cang.Kawlram chung ah myone kip ah PDF an dir. Ramkulh dang zong ah PDF an dir. Kawl ralkap lei tang a simi dalan zong tamtuk thah an tong ve cang. CDF zong nihhin Chin ramkulh chung ah dalan tampi an tlaih cang hna ti a si.

Thawngdang Covid-19 Kahdaihnak Tuah Dingin Tom Andrews Nih A Nawl Kawlram ah covid-19 zawtnak le a thi mi an karning khamh ding ahcun “Covid-19 kahdaihnak” a tuah a herh cang tiin Kawlram kong UN Special Rapportuer Tom Andrews nih July 27 ah UNSC le UN chungtel hna sin ah report a pek.

Ralhrangbu nih biatak tein covid-19 a doh lio mi, a bikin ngandamnak riantuan hna a domi cungah UN nih rianrangin a kham a hau. Ralhrangbu nih covid-19 zawtnak cu zei rel lo in riantuantu hna cungah atu bantukin a cawlcanghmi cungah UN chungtel ram hna nih kan zoh sawhsawh mi kan lo.Atu hi ngandamnak lei riantuannak he a pehtlaihmi minung 600 leng tlaih dingin an thanh cang, an tlaih cang mi 67 an um, ngandamnak he a pehtlaihmi hmunhma an phih/hrawhmi a tlawm bik voi 260 a si cang.

Kawlram ah a thi hnga lo ding mi tampi an nunnak a liam cang.UN nih zeihmanh a tuah lo a si ahcun minung tampi an thi rih lai.Cucaah, UN le chungtel ram vialte nih mah hi kan donghter a herh.Mah lawngah siibawi le nurse hna zong nih rian an tuan khawh lai, mi nunnak zong an chanh khawh lai.Cu tik lawngah ram dang hna zong nih covid-19 vennak sii le ngandamnak rian zong kan bawmh khawh te lai tiah a ti.

UN security council nih kan hnu February thla ah biachahnak a ngeihcia mi ah Covid Vaccine le a herhmi bawmhnak pek khawhnak dingah kahdohnak a umnak hmun poh ah kahdaihnak tuah ding timi a tel.Hi UNSC biachahnak hi ralhrang cawlcanghnak ram ah “Tlaih Fung” pakhat bantukin in tlaih dingah tuah mi a si.Atu Kawlram dirhmun hi mah nakin a chia deuh mi a si.

Mah caah, UNSC biachahnak cu a hleikhun deuhin kan ruah i, kan tuah a herh.Mah lawngah mi nunnak tampi kan chanh khawh lai tiin Tom Andrews nih a chim.Kan duhning ahcun ralhrangbu a tlak hnu ah phungning te in a kai mi a cozah he tuanti ahcun a tha cem mi a si.Asinain, mah dirhmun kan phak hlan can karlakah ralhrangbu i ningcanglo in a dohnak, tlaihkhihnak hna kan khamh khawh a herh.

Hi ti kan kham khawhnak ding ahcun bu lian bu hme ti loin UN chungtel ram vialte nih a fek mi policy le ruahnak he dir pi hi Kawlram mipi nih an herh lio a si.Atulio Kawlram kong he pehtlaihin UN Special Rapporteurs nih UNSC le UN chungtel hna sin ah nawl hna nak cu @ UN special rapporteurs Tom Andrews nih a Twitter ah a tial the chin post.