Min Aung Hliang nih 60 le 70 putar pawl PDF le KIA doh ding ah training a tuah ter hna

Myanmar News

Putaoo pengkomh ah kum-60 luan cang mi hna cu ralkap training an kai ter hna Kachin ramkulh Putaoo ပူတာအို pengkomh ah KIA le PDF phu doh ding ah tiah ralhrang phu hna nih sawm in kum 60 le 70 tluk upa cu raldoh training an kai ter hna tiah Putaoo ပူတာအို khuami hna nih an chim.

Khawnglanphoe ခေါင်လန်ဖူး peng Shingkhaung ရှိန်းခေါင် umhmun ah ralhrang phu hruaitu hna nih raldoh training hon dingah Putaoo ပူတာအို peng Nawngmon နောင်မွန် peng le Khawng lan phoe ခေါင်လန်ဖူး peng ah khua khat lut khuakhat chuak in training kai ding an khawmhsuat hna nain,training kai ding an um lo caah atu bantukin kum upa kai ding ah an ti hna hi a si.

Ralhrang phu hruaitu hna nih Putaoo ပူတာအို pengkomh chung peng 3 ah hmunkhat te le caan khat te ah mipi hna training an kai ding ah lemsoi nak a um nain a kai tu ding an um lo caah Putaoo ပူတာအို peng, Khawnglanphoe ခေါင်လန်ဖူး peng ah training kai ni cu an thawn tiah theih a si.

Hramhram nawlngeihnak la tu ralhrang phu hruaitu hna nih kum 60 le 70 tluk upa cangmi hna cu atu bantuk raldoh training cawnding in lemsoi nak cu zeitluk in dah thluak an ngei lo .

2020 thimnak ah Yawam ရ၀မ် miphun in vuanci pakhat ah thimmi U Gang Jaw Yam nih kum 60 le 70 luan cang mi upa hna raldoh training cawnter cu ramkip ralkap upadi he a tlak lo mi a si caah atu bantuk an thil tuah hi ka doh ka lungtling lo tiah social media ah a langhter.

Atu bantukin kum upa cangmi hna raldoh training cawnter an timh mi hna cungah Putaoo ပူတာအို khuami hna nih anmah le social media ah an lungthat lo nak an langhter cio the chin post.

Leave a Reply