Min Aung Hliang nih kawlram mipi hi ka dawt tuk ko hna ti ah Russia sin ah a phuan

Myanmar News

August 28, Media pawl nih kan thatnak an chim lo bantuk in a tial zong an tial lo mi hi an duh mi Cozah a si lo ruang ah a si ko, tiah SAC lutlai Min Aung Hlaing nih aa phuan.Hi a biachim mi hi August 26 ah chuah mi Russia Politics Magazine ah a chim i an tial mi a si.

“Atu lawng ah a si lo. Tuanpi 1962 kum in Socialist system hman hramthok te khan a si cang. Kan thatnak an tial lo i dohkalhnak lawngte an tial. A bik in Cozah a duhlotu hna nih an dirh mi Media pawl an si,” tiah Min Aung Hlaing nih a chim.

“Khatlei ah Media lei hi kan daithlanh i kan derthawm ngaingai ti cu ka phuan ngam ko. Aruang cu thil dik kha kan tuah ko i rammi cung ah dawtnak kan ngei ko. Ningcang loin media nih an tial len mi pawl kha va sersiam len hau a si lo. Cucaah Thawngfiahnnak zong kan tuah lengmang. Thawngdik thanhnak zong kan tuah i keimah pumpak nih siseh tuanvo ngeitu hna nih siseh, kan chimrel len ko nain kan hlawhtling kholo. Cu pawl cu a si khawh chung in kan i zuam cuahmah,” ti zong a chim.

2021 February 1 in nawlngeihnak an lak hnu ah Media tampi Licence an chuh hna, zung an luhhnawh hna, minung 50 leng an tlaih hna i minung 30 hrawng thongthlak an si rih, tiah DVB news nih a langhter chin the hakha times.

Thawngdang relchap duh mi hna caah Catial tu lai ram laipa Zei ruang ah dah tuanvo ngeitu nih Thantlang kahnak thil sining fianternak an tuah bal lo,Thil acang cia mi cung ah tuanvo ngeitu nih thil sining fianternak cu mipi sin ah tuah ding asi.Mipi lung awtawm in chiah ahcun zei tin cundah mipi nih 100% cu thil cang mi an,cohlan khawh thlu lai i tuanvo ngeitu hna cungah zumhnak le bochannak a um khawh lai.

Mipi zong nih ralkap dohnak kong ah an thei thiam tuk, zalong deuh in ralkap dohnak ding ah hmunhma pek/kianh hi ready an si ko. Asinain khuachung bak i ruah lo piin thil tuah tik ah kap hnih kar ah hlawh tlintlinnak a um lo pin ah atuar mi cu mipi an si.

Civil war taktak thok tung lo ahcun khuachung i kah te hna hi mipi caah tihnung mi dirhmun asi.Thil sining le a siding mi kong ah ahlan kan in mipi timhtuahnak ngeih khawh aherh bantuk in tuanvo ngeitu nih ralring deuh in riantuan ahau.Kanmah himnak sawhsawh hna ah kan ralpa kan kah ahcun achung um mipi nih tuar asi.

Tutan thantlang thil cang mi kong ah uh tanhnak atam kho, hlawhtlin lo taktak asi. Arannak in fianternak tuah aherh ko.Covid rai atam lio asi, lockdown lio asi. Thil a can tik ah covid rai zaw he zaw lo he cawh thup in hmunkhat ah dor asi. Cucu ruah lo pi thil acan ruang ah asi timhtuahnak tha kan herh.

Za Sang Cinzah tial mihi rak relchap ve uh a thatuk Tiliban nih fawite in Afghanistan an lak khawhmi hi anmah lila zong an khuaruah a har. Timhciaman tein an lakmi a si lo. “Kan iruahlo ningpi in Afghanistan Ralkap cu hnulei an ithawn i, an camp an chuahtak caah lakhruak bak in Kabul hi kan lut” tiah an chim ve.Afghanistan Ralkap nih zeiruang ahdah security lak loin, an camps an chuahtak viar timi Afghan politics ah biapi tak a si. Hi tluk fawi in Afghanistan Ralkap an tluk ding hi US siseh, Anmah Tabiliban lila zong nih an iruahchanh lo.

Fawi tuk in Afghan Ralkap an tluk caah, Kabul cu khuaci a mui. US le ramdang pawl zong nih lakhruak bakin an Minung pawl Evacuate” an tuah an chanh hna i, Kabul Airport cu a rannak in US Ralkap nih an control. Afghanistan 🇦🇫 Mipi zong vaivuan in an um. Afghanistan Ralkap fawituk in an tluk hi a ruang an chim cio. A cheu nihcun Anmah Afghanistan hruaitu lakah eihmur le sinak dirhmun icuhnak a um ruang ah a si an ti.

A cheu nihcun, Tiliban hi Russia, China le Iran tbk Arabs ram hna nih an bawmh hna i, an von tthawn thluahmah lio ah US Ralkap pawl kir ding dirhmun an von si tikah, Afghan Ralkap pawl an lung a dong an ti. Tiliban ralhrang hi kanmahte cun, kan tei kho hna lai lo timi lung dernak an ngei tiah an chim. Abik in US President Joe Bidden a von kai hnu in, US Ralkap nih camp an sakmi an chuahtak thluahmah tikah, Taliban pawl an hmunhma a kau i, Afghanistan Ralkap pawl an lung a der a zual tiah a chimtu tampi an um.

Taliban pawl an tthawn khunnak cu, hmuhma an lak khawhnak hmun paoh hi training camps ah an ser colh i, Minung hi tam khawh chung tam in training an pek hna. Mahhi an thazaang taktak a rak si. Myanmar 🇲🇲 Ralkap nih ana a von lak in, Mino tampi, training kai dingin, hriamtlai an fuh hna i, “training kainak hmunhma a lawng rihlo tiah an rak khirh hna an timi he cun an idang ngai. Caan ttha lak zia thiam hi ral teinak ah bawmtu taktak a rak si tinak a si.

Asinain can a von kal i, PDF le CDF tbk in townships kip in, kengkip ah Training an lak ciomi hi teinak hmuhnak lam cu a si te lai. A caan a phan tik ahcun, Afghan Ralkap bantuk in MAH Ralkap nih an camp pawl an chuahtak cio te lai i, fawite in Mipi aiawh CDFle PDF pawl nih Naypyidaw cu an lak caan a ra ve ko lai tiah ruahchanhnak nganpi a um.
Ram le miphun he pehtlaih ahcun, dingfelnak lawng nih ram a sersiam. Thawnnak le teinak zong hi dingfelnak lawng ah a um timi hi tulio news kan rel ciomi nih a kan hmuhsak ngai.

Leave a Reply