Min Aung Hliang Tukum 2020 Cu Rem Deih Nak Kum A Si Caah Lawm Nak Bia Ka Chim A Ti Cang

Myanmar News

Falam thawngzam tial mi a si caah an mah ca tein ka van chia Tuikum Cu Remdaihnak Kum Ah Hminsin A Si Ruangah Cambodia Hnenah Ka Lungawi Min Aung Hlaing Cambodia ram dinhmun in ramtinkim hmai le Asean hmai ah Myanmar ram lam ihsin a ṭhazawng ih in dinpi ruangah ka lungawi tiah thuneihnak latu ralkap hotu Min Aung Hlaing in Cambodia Prime Minister Hun Sen hnenah a sim.
Myanmar ram remdaihnak hrangah PM Hun Sen ih zuam duhnak parah a lungawi thu le tuikum cu remdaihnak kum ah hminsin a si thu khal ralkap hotu in a sim.January 7 ni ah Naypyidaw ih an tuahmi Myanmar-Cambodia ramhnih an tonawknak ah a sim tiah SAC ih theihternak zung in thuthang a suah.

An tonawknak ah Prime Minister Hun Sen in Myanmar ram ih um Cambodia phungki pawl, Cambodia rammi pawl bawm dingin, ramhnih sumtuahnak ṭhan thei dingin siah laknak pawl ṭhum dingin, fimthiamnak lam tawlrel tlang dingin, khualtlawng hnaṭuan thawn pehpar in Pagan hmunram le Siyanrih hmunram karlak khualtlawng rualpi khawpi si dingih tawlrel dingin le Covid-19 nat an dokham thei lai ah vanzam khualtlawnnak pawl zamrang zetih tawlrel thei dingin a sim.
SAC hruaitu cun ramhnih sumtuahnak lam ah siah hmunhnih ih laknak ṭhum dingih lungkim
tlangnak hminkhen thei dingin tawlrel ding asi thu, ramhnih khualtlawnnak ṭhan dingih tawlrel ding asi vekin Covid nat sonawknak kham thei laican ah khualtlawng hnaṭuan le Cambodia thawn vanzam feh thei dingin zamrangte’n ong thei dingin an tumtah thu a sim.

An tonawk ṭheh hnu ih ramhnih thuthang an suahmi ahcun Cambodia ram ah 2022 ah Asean hotu dinhmun ṭuanvo lak dingmi parah a lungawi thu, Vice Prime Minister khal si in ramleng le ramtinkim thawn a pehparmi komkhawm tawlrelnak vuanzi khal asimi Mr. Prak Sokhonn cu Asean hotu ih ace palai si dingin ṭuanvo pek dingmi parah an lungawipi thu SAC hotu cun a sim.

Mr. Prak Sokhonn dinhmun in Asean Charter vekin Asean lungkimtlangmi thu (5) cu thlun thei dingin famkim zetin bom ding asi thu, Asean lungkimtlangmi thu (5) cu SAC ih hmai hnaṭuan dingmi thu (5) thawn khat le khat bomawk ding asi thu le Asean ace palai ih Myanmar ram a khualtlawnnak bawm dingin le a tufang ramsung dinhmun pawl ruat telin a pehparmi pawlkom zate thawn tongaw thei ding khalin a sim.
Cuihlei ah SAC dinhmun in tlangpar hriamkai pawlkom (EAO) pawl thawn 2022 February thlacem tiang kahawknak an cawlh thu an than zo ih 2022 kumcem tiang ṭhan bet ding asi thu khal a sim.

Myanmar ram mipi pawl hrangah milai zawnruah bomnak cu a ṭul taktaktu pawl hnenah thleng dingin Asean hotu ih ace palai, Asean sungṭuanpi, AHA center ih palai pawl, Myanmar ram ah AHA center ihsin an bom dingmi milai zawnruahnak thawn a pehparmi bomnak khawkhannak hnaṭuan buur, Myanmar ram red cross buur le a pehparmi UN kuttang um pawlkom pawl vekin a pehpartu pawl karlak ah pawlkom pakhat tuah dingin tha kan pe ding tiah an sim.
Prime Minister Hun sen ih Myanmar ram a khualtlawnnak ah Covid -19 nat dokhamnak hrangah mask (3,200,000), PPE (30,000), thawthawtnak bawmtu cet (50), damlo kiltu cet (50) le a pehparmi thilri pawl, oxygen cet (50) le a dang sii lam bomnak thilri pawl a pe asi.

Cambodia ram Prime Minister Hun Sen hruaimi palai buur cu Myanmar ram thuneihnak latu ralkap hruaitu ih sawmnak vekin Myanmar ram ah January 7-8 tiang hnaṭuan dinhmun in an ra thleng ih ralkap thuneihnak an lak hnu Myanmar ramih a thlengtu a hmaisabik hruaitu pakhat ih khualtlawnnak khal asi.

Cambodia ram Prime Minister Hun Sen ih Myanmar ram a khualtlawnnak hi Myanmar ram thuneihnak latu ralkap cu a lungkimpi asi ti’n a khualtlawnnak ṭul dingin ramtinkim pawl khalin an dil vekin Myanmar ram mipi pawl khalin Hun Sen ih zuk pawl cu meisa ur in duhphorhnak an langter asi tiah DVB in a tarlang.

Leave a Reply