Mindat CDF le ralhrang karlak ah kahdoh nak a chuak rallokap lei in 20 leng an thi

Myanmar News

Mindat le Falam Peng I Kahnak Ah Ralhrang 20 Leng An Thi Chin ramkulh,Mindat peng le Falam peng chungah ralhrang rallokap le mipi ralkap kar ah nihin ah i kahnak a chuak i ralhrang rallokap lei in 20 leng an thi tiah thawngtheih a si.

Mindat nichuahlei khua pakhat ah ralhrang kuttang palek riahbuk pakhat cu tuzing zinglei ah CDF-Mindat nih an luhhnawh i an lak,ralhrang lei in 20 leng an thi.

July 20 thawk in CDF hna le ralhrang kar ah kahdaihnak a rawh caah i kahnak a chuak i CDF Mindat in minung pakhat a nunnak a liam.Nihin zanlei ah Falam pawng Falam-Hakha lamcung ah ralhrang rallokap le CNO/CNDF i kahnak a chuak tiah thawngtheih a si.Hi i kahnak ahhin hliammi le thimi zat tgeih a si rih lo the chin post.

Thawngdang Rallokap Nih An Cawkmi Russia Ser Raldohnak Vanlawng Cu An Timhtuah Ning Ten A Rak Phan Lai Kawlram rallokap caah Su-30 raldohnak vanlawng le Yak-130 cawnnak vanlawng hna cu timhtuah ning te in kuat a si ko lai tiah Russia ralhrang rallokap phu lei in riantuan mi agency lei rianngan tlai nih Interfax thawngzamhnak hmun ah an langhter.Kawlram rallokap caah raltuknak vanlawng tel in raldohnak ah hman mi hriamnam thilri hna cu kuat ding in le hmunkhat ah riantuan ti langhternak ,Russia hriam zuarnak rian Rosoboronexport lei in rianngan tlai Alexander Mikheev zong nih nithum ni ah khan a chim.

Kawlram chungah ralhrang rallokap nih nawlngeihnak an lak mi cu daite in duhlonak a langhter mi,mipi hna cung ah hramhram in hremnak le thazaang hmang in mipi a hrem tu ralhrang rallokap cu hriamnam an zuarh mi hna kong ah ngol ding in nuhrin covo phuhna le nitlak lei ram hna nih nawlnak an tuah ko nain Russia nih Kawlram he pehtlaihnak cu a karhter tiah theih a si.

A luancia June thla ah khan ralhrang rallokap hruaitu Buchohgyi Min Aung Hlaing i Russia tlawnnak ah Kawlram he raldohnak lei pehtlaihnak cu thazaang thawng chin ding in timhlamhnak a ngeihnak kong cu Russia runvennak vuanci Sergei Shoigu nih a chim.

Russia cu nawlngeihnak latu ralhrang rallokap cu phungning hnatlak pi mi a sikhawh nak ding ah bawmhnak a tuah tiah democracy lei cawlcanghnak lei a tel mi hna nih an lunghrinh.

Kum tin a thong in Kawlram rallokap pawl Russia ah fim an cawn bantukin , Kawlram cu Russia nih a hlei in ram inpa pakhat a si tiah Russia ram i hriamlei fimthiamnak campanyRosetec le Rosoboronexport in bawingan pakhat si mi Alexander Mikheev nih nai ah tuah mi Russia ram kumtin tuah mi MAKS vanlawng lei hmuhsaknak puai pakhat ah a chim the chin post.

Leave a Reply