Mindat Pastor Pa nih Mindat Khua Thil Sining Vialte A Phuan Dih Lungthin Nih A Celh Hrimhrim Lo

Myanmar News

Mindat Ralzam camp hna ah Covid 19 Khan Sii hram hram in an chunh hna tiah theih asi. Mindat um Pastor pakhat pa nih “camp ah um mi cu chunh lo a ngak lo duh zong duh zong chunh asi ko” tiah tuzing a ka chim.

Mindat ah mei cu a ngak nain ti a ngak lo caah ruak tii an hman. Mindat peng dihlak minu hi 50000 hrawng an si i Mindat ah milu 20000 hrawng an um. Kan hnu kha ral ruangah an zam caah Mindat khua chung um mi milu hi 100 hrawng lawng an si nain atu cu 1500 hrawng an um than cang. Mindat Baptist Church ah Ralzam hi Inn 30 le milu 90 an um cun Presbyterian Church ah Ralzam Inn 27 an si milu 62 an si tiah Pastor pakhat nih a ka chim.

Covid 19 Khan sii hi a deu a tam ngai. A tak si zongah him tein an chiah mi asi le si lo ti zong a um than. Myanmar ram ah Covid 19 Khan sii a deu a phan tiah WHO tiang nih ralrin pe asi cang. Cu lak ah hram hram in chunh a ton mi caah cun har ngai mi thil asi. Bawipa min in him hram ko hna seh Uk Ling Thang.

Thawngdang US ramhun Biden nih Sept 11, 2021 ah US ralkap vialte Afghan in ka chuahpi te hna lai tiah a ruahmi cu Taliban ralhrang tapung nih August 15 ah Afghanistan an khualipi Kabul tiang an laak khawh caah Taliban pawl nih August ni 31 hlan ah nan chuak dih lai tiah warining an pek colh hna. President Biden nih Taliban ralhrang pawl cu a al ngam hna lo caah August 31 dih hlan ah US ralkap, US citizen le US green card a tlaihmi vialte cu ui le ar pongh in an pongh hna.

President Biden nih US hawikom tha bik a simi NATO ram pawl zong ceihmaihnak tuah hmasa loin US citizen vialte cu hnawhsare in a laak hna caah US bawmtu NATO ram vialte an thin a phawh hna. Eangland vuancichuk Boris Johnson ruahnak pekmi vanlawng in bom thlak ding zong a a duh lo. England MP cheukhat nih cun Biden nih US President a tuan chung ahcun caan zeimawzet riantuantinak ngol chung ding tiang in a duhmi an um phah.

Pentagon ralbawi, Gen.Frank McKenzie nih Kabul zantim a phak lai minutes pathum a duh ah US ralkap le US citizen cheukhat cu a hnu bik an chuahpi hna. Asinain a tlawm bik minung 100 cu an tang rih lai ti si.

Ralhrang Taliban tapung hna nih Afghnistan ram ah cozah tlaih khawh lo ding le hmuhma laak khawh lo ding in kum 20 chung an humhaak mi cu ni 12 chungah Taliban nih meithal puah huaha loin an khualipi Kabul tiang an laak. Ramhun Biden nih ni 90 an rau lai tiah a ruahmi cu ni 12 chungah an laak dih. Mah ruangah US mipi nih kan sunghmi hi 2 trillion hrawng a si. Ngunkuai kan pekmi a tel caah kan sung cio.

Taliban tapung nih US le NATO ralkap sin in an laakmi hriamnam cu a man in tuak tik ah US$85 billions man a si lai tiah an tuak. Mah chungah a paam bik i an ruahmi cu ramdang nih an ngeih khawh rihlomi Technology thilri tampi aa tel. Mah thilri vialte cu Al-Qaeda ralrang le ISIS kut ah a phan lai i US le Israel tuknak an hman sual lai ti hi atu ah an phan bikmi a si.

US nih $ 2 trllion Billion 2000 renglo an hmanmi le US ralkap minung 2372 hna nih an nunnak an pekmi vialte cu President Biden santlaih lo ruangah these cung ti thletmi bantuk a cang dih.

Leave a Reply