NUG Nih $ 448 Million An Ngei Nain PDF An Ti Mi Sin POah An Pe Ngam Lo

Myanmar News

NUG nih $ 448 million an ngeih,nain PDF aa timi hna sin poh ah an pe ngam lo. A ruang cu kawl PDFs hna khi NUG tangah um duh lo an tamtuk tikah mah caag NUG nih PDFs poh hriamnam tangka in a bawm ngam hna lo.

NUG tang um duh lo PDF hna kha hmailei kawlram caah an zum kho thlu hna lo,a ruang cu NUG tang umlo in independent in an um caah ralrin awk um ko tikha NUG ruah mi si caah kan ralteinak hi duhnak in a nuar deuh te lai.

Chinram ah hriamtlai phu thar an chuak cio,a peng le tlang in an dir hna,a cheuphu cu alliance tuah in phu kip he kan i pehtlai an i ti riangmang i hmunkhat tukdohnak ah minung pa 4/5 te an va tel,cucu heh tiah statement an i chuah peng. Chim duhmi cu hmailei kan ramthat te sual ah tiah peng le tlang in hmuhtin covo ruah ah hriamtlai phu dirh mi hi kawl PDF lak zongah an rak um len pah ve.

Mahti a ummi hna nih NUG tang um an duh lo, Chinram peng hriamtlai phu hna chungin CJDC ah a ummi zeimaw hna cu,an peng nih dirpi tuk lem lo mi,hriamnam leiaha der mi hna kha duh thim awk umlo caah CJDC ah ummi an um ve,hriamnam zeimaw an hun ngeih deuh cun,CJDC chuah tak ding an um pah te lai.

Chinram hriamtlai phu poh hi hmunkhat ah dirti,command pakhat tangah um khawh biapi tuk.COMMAND AND ORDER pakhat tang um hi miakpi melthal nak in a cak deuhmi asi caah Chinland hriamtlai vialte hi command pakhat tangah um khawh i zuam usih laknak Chinland Seven News.

Relchap hna Zaw Min Tun nih kannih cu USA zong nih an kan dirpi i bawmhnak zong an kan pek lai tiah a chim. Hi thil a chim hi Ralhrang lutlai Min Aung Hlaing le Former United Nations envoy Bill Richardson (UN palai hlun) hna Naypyidaw ah tuni an i ton hnu ah a chimmi a si.

UN palai hlun pa Bill Richardson le Min Aung Hlaing i tonnak ah hin Covid-19 khamnak si-ai le Humanitarian assistance (minung le minung cio i bawmhchanhnak) kong hna an ceih tiah Zaw Min Tun nih a chim. Hi i tonnak ah Zaw Min Tun nih US le Kawlram i pehtlaihnak cu a rawk lo, rampi cozah tak tak a simi kanmah he kan ceihkhaanmi a si tiah a ti chap.

Cun UN palai hlun Bill Richardson nih hin zeiti lei in kan in bawmhnak lai timi cu a chim dih lo nain bawmhnak a herhmi vialte cu a rak phanh hrim hrim a herh tiah an kan dirpi nak zong a chim tiah Zaw Min TUn nih a chim.

Thawngdang Matupi peng chung, Sabawng Te khua ah a um mi SAC ralkap Sakhan cu CNF le CDF nih an lak khawh cang, an mah control nak in humhim khawh a si cang tiah kan theih. Hi Sakhan hi CNF le CDF nih an kulh lengmang mi a si i ralkap pawl leng an chuah paoh ah an rak kah hna, cu caah ralkap pawl cu leng chuak ngam ti loin caan saupi Sakhan chung ah cun an rak erh khumh hna tiah Khuami pakhat sin in kan theih.

Nai January 5, 2022 ah khan Matupi peng, Sabawng Te SAC ralhrang Sakhan ah a um mi, Ralkap pawl hna cu leng chuak ngam loin an um nak a sau cang caah, an caah zeitin hmanh in umnak le thutdirnak a tha ti lo, cu caah Sakhan ah a um mi Ralkap vialte le an thilri hna cu, Helicopter in an rak lak dih hna i, an Sakhan cu an zaam tak cang tiah Matupi Revolution News nih a langhter.

Hi kong he pehtlai in CNF Spokesperson a simi le CNA Ralbawi ngan a simi Salai Htet Ni nih “Sabawng Te khua ah a um mi SAC ralhrang Sakhan cu an chuah tak ko cang. Helicopter pathum in an rak rat hnawh hna i Sakhan ah a um mi Ralkap le an thilri hna cu an lak dih cang hna. An mah tein an Sakhan cu an zaam tak cang” tiah a chim ve.

A luancia caan, kan hnu kum zong ah khan Thantlang peng, Vuangtu Khua ah a um mi Ralkap Sakhan zong an mah tein an rak chuah tak cang. CDF le CNF lei cawlcanghnak an zoh tikah Vuangtu Sakhan um ralkap pawl cu cawlcang ngam loin an um hnu, voi tampi CNF le CDF nih CDM tuah ding in ralrin an pek hna hnu ah an mah tein an rak chuah tak cang. Atu zong ah Matupi peng, Sabawng Te Sakhan cu saupi erh khumh an si hnu ah an mah tein an chuah tak than hi asi.

Matupi peng, Sabawng Te khua ah a um mi Sakhan cu ralkap nih an chuah tak, an zaam tak cang, a si nain Matupi peng chung ah a tu zong raldohnak cu a faak ngai ngai rih ko.

A tu thla thok hrawng in khan Matupi peng chung ah ralkap thazaang an chap i raldohnak faak ngai in chuah hram aa thok, cu caah CNF siseh, Chinland Defense Forces hna, Chin ramkulh chung hriamtlai hna nih biatak tein doh hna ding kan i timtuah i raldohnak a faak chin chin kho dirhmun ah kan um ko tiah Salai Htet Ni nih cun a chim fawn.

Cun Falam peng chung zong ah SAC ralhrang lei nih an thazaang an rak chap ngai caah pehtlai in kahnak le raldohnak a chuak cuahmah kho dirhmun ah kan um rih ko tiah Salai Htet Ni nih cun a chim hi asi.

Leave a Reply