Falam thawngzam nih a tial mi si caah falam holh in ka van chiah ve nan thei dih ko caah Kyauht Thut ကျောက်ထု PDF In Ralkap Motor Tlar Cu Bomb An Puah Ih Mi 10 Thi Ralkap motor a tlar ih ra lai cu bomb thawn an rak puah ih ralkap minung 10 hrawng cu an thi ih ralkap motor pakhat khal a siat thluh asi tin PDF Kyauht Thut cun Mizzima thuthang hnenah an sim.

Mizan September ni 9 zinglam nazi 9 hrawngah Pakukku Kyauht Thut Mindat lamzin par Yawne leh Pakukku karlak Pungtawng Pungngia tlang kiangkap ih ra mi ralkap motor 4 cu Kyauht Thut PDF in bomb an rak puah mi asi.

Ralkap motor pawlih feh sukso thuhla kan thlingthlak hnu kan do mi asi. Ralkap motor pakhat cu a kang. Ralkap minung 10 hrawng an thi.Ziangtin kan thei thei ti asile kiang kap naivai ih kan lam tang in rak zoh fel sak tu rualpi kan nei asi. Cu pawl cun an hmu motor a kanglai pawl leh mithi ruang an phurh lai pawl an hmuh thu kan nih Kyauht Thut PDF hnen ah in sim thei sal asi tin an sim.

Cui bomb an rak puah mi ralkap motor pawl cu Kyauht Thut myo in Pakukku myo ih tlung dg an si ih hi an doawknak sungih mithi um zat le ralkap motor siat thu pawl cu Kyauht Thut mipi humhim tu PDF pawl in an Facebook cahmai ah an tarlang mi asi.

Mipi lam dinhmun in Kyauht Thut mipi humhim tu PDF sungtel pawl thu thawn pehpar mi thuhla pawl cu relsuak lo dg in leh rin lo pa ral in bawm tul dinhmun ih kan um tikah in bawm theimi a um asile in bawm dgin zangfah kan lo ding duh asi ti khal in Kyauht Thut PDF pawl cun an tarlang fawn.

Magew ramthen Gangaw khayang Saw myone Kyauht Thut myo ah ralkap motor tlar cu a liamcia March thla ah an rak do zo ih NUG in D Day an phuan September ni 7 hnu ah hi ti vek in doawknak asuak lala mi asi. Kan nih cu NUG thawn kan pehtleih aw. Hi an thusuah mi khal kan rak hmuak.Kan zate in voi leh khatah kan cangvei thlang ding ruangah a hlan vek in hmunkhat ih doawknak aum tikah ralkap misual pawl in an duh duh in namnuai awk ciamco a um nawn lo ding asi.

Doh thei ding khalin ralthuam khal kan nei ve thlang ruangah tu vek in D Day an phuan mi hi kan rak hmuak asi tin NUG ih thusuah mi parah Kyauht Thut PDF pawl cun thu leh nak an tuah ve tin Mizzima thuthang cun a tarlang Ele .