Philh Thang Hringtu A Nu Cu Yangon Lei Ah A Fapa Umpi Dingin A Thawh Ve Cang

Myanmar News

Yangon Khualipi, Hmawbi Myone Hngetpiochian Bus stop ah Chinmi Philip Thang cu minung 3 nih Phone an chuh hnu ah nam in an sawh, tiah theih a si. Philip Thang cu Yangon Myo Oo Kalar Siizung ah ai thlopbul cuahmah lio a si. Thil sining cu kum 18 a simi Philip Thang cu August 14, 2020 ni ah  Insein Myone in Hmawbi Ngaktah Sianginn ah a kal i, Nngetpiochian Bus stop in a rak dongtu ding Cycle a hngah lio chun suimilam 1:30pm hrawngah minung 3 nih a Phone cu an chuh hnu ah nam in an sawh i, an zaamtak hi a si.

Nizan zan suimilaam 10:45pm hrawngah operation khan ah an lut pi i, zan suimilaam 12:30am hrawngah an chuak. Namsawh a tonnak hi tlawmpal cu a fak ngai ko ti si. A van thatnak pakhat aruang cu Chinmi Dr. San Biak a um caah mah le mah cu tiin a herh hai mi vialte rianrang ngai in an tuah piak hna. A ril hi a pahnih ning in athit caah an pha piak tiah theih a si. Cu lengah a hnik zong tlawmpal a thih tiah theih a si. Ahma a fak ngai caah zarhhnih chungtel cu Siizung ah um a hau lai, tiin a hawipa Tha Cung Nung nih a chim.

Phone chuh le namsawh a tong mi Philip Thang hi Yangon ah Music a cawnglio mi a si. Hmawbi Ngaktah Sianginn zongah Piana a tumpiaktu a si. Hringtu a nu hi Gankaw Myo ah a um mi a si. Hringtu a nu cu nihin chun suimilaam 2:00pm in Yangon ah a fapa rak cawngh ding in ai rak thawh lai, tiah theih a si. Philip Thang cu a rauhhlan ah damnak tlamtlin a hmuhkhawh nakhnga thlacamnak in bawm hna usihlaw, hringtu a nu zong tluangtein a fapa sin a phan khawh nakhnga thlacam in bawmcio hna usih.  A poi taktak Chinmi phun khoika kan umnak paoh ah kan him kho hrimhrim ti lo. Ref: Chin World

Leave a Reply