President Win Myint Nih 2020 Thimnak Biacahnak A Tuahmi Cu A Ropui Ko

Myanmar News

President Win Myint Nih 2020 Thimnak Biacahnak A Tuahmi Cu A Ropui Ko
====================

President Win Myint Nih 2020 Thimnak Ah Ningcang Tein Thimnak Tuah khawhnak Ding Caah General Election Commission Pawl Biacahnak A Tuah hna, tiah thawngpang theih a si. A ralaimi 2020 thimnak ah Kawlram chung party kip thimnak mee pe khotu min cazin vialte cu ningcang tein a kalkhawh nakhnga, mizapi vialte thimfung thlak khawh dih ding le ahopaoh nih mah le savo mee thlak sungh lo ding cu Kawlram President U Win Myint nih biacahnak a tuahnak kong cu Yangon ramthen General Election Commission Chairman U Kyi Myint nih a chim.

President U Win Myint nih a ralaimi 2020 thimnak General Election ca ding ah hin August 2, 2020 zingka ah Yangon nichuahlei district General Election Commission phu then zung pakhat ah palai thimnak min cazin an pek lio ah President nih biacahnak a tuahnak kong cu theih a si. President Win Myint cu a ralaimi 2020 thimnak ah, 2015 thimnak lio ah teinak a rak hmuhnak meehmun a simi Tamawi myone Pyituh Hluttaw meehmun in thimnak ah a luh than lai tiah theih a si.

A ralaimi 2020 Kawlram chung General Election cu November 8, 2020 ni ah tuah a si lai caah ramkulh le ramthen palai pawl cu 2010 le 2015 nakin a let in thimnak ah a luhmi le aa cuh ding an tam deuh lai, tiah ruahchannak nganpi ngeih cio a si. Abik in Chin ramkulh chung hmanhah Hakha peng chung in MP aa cuh ding palai pawl hi an tam taktak ti khawh a si cang. NLD, USDP, CNLD le UDP tiah Chin ramkulh chung ah party a lar ngaingai mi party pali bakte an um than cang. Cu lawng si rih loin Independent in aa cuh ding tete zong an um tikah 2010 le 2015 thimnak lio nak in tukum 2020 thimnak cu zoh aa nuam deuh lai. Chinmi ramchung ramleng zong nih 2020 thimnak cu cuanh cio le hngak hlan cio a si ko cang.

Leave a Reply