Ralhrang Mawtaw Bomb Puah Ralhrang 10 Leng An Thi

Myanmar News

Htigyint Ah Ralhrang Mawtaw Bomb In An Puah, Ralhrang 15 Tluk An Thi PDF 1 Nunnak Liam

Sagaing ramthen, Htigyint peng, Tunglung khua pawng ah ralhrang mawtaw bomb in an puah hna, ralhrang(15) tluk an thi, (15)tluk hliam an tuar, mizapi ralkap pakhat a nunnak liam tiah Htigyint PDF chungtel pakhat nih a chim.

SAC ralhrang 65 tel mi mawtaw 2 cu December 5 Htigyint peng Tunglung khua pawng ah hmun an khuar caah nihin December 6 zing ah PDF nih bomb in an puah i meithal in an kah hna.

“Mawtaw pakhat cu bomb nih voihnih a puah caah a chung ralhranf cu an tho kho ti lo, atang mi mawtaw chung um mi nih hriam ngan in an kan kah caah PDF pahnih hliam an tuar, pakhat cu ahmun ah a nunnak liam” tiah PDF chungtel pakhat nih chim.

Kan i kah hi suimilam cheu tluk a rau, cu ka ah ralhrang a rak phan than mi an tam ngai cang tiah achim chap.

A luancia mi thlachung zong ah Htigyint peng ah a ra mi ralhrang mawtaw PDF nih hmun 8 ah bomb in an puah hna i ralhrang mawtaw pahnih a rawk.

Leave a Reply