Ralhrang Nih A Nunnak An Laak Mi Pu Tuidim Ruak Hmanthlak A Chuak Faak Tuk In An Tuah To!

Myanmar News

Chin thawngzamhnak Khonumthung editor in chief Pu Tuidim cu ralhrang phu nih an hremchih hnu ah an nunnak an laak, tiah theih a si. Ralhrang tuahtonak in a nunnak a liam mi Pu Tuidim ruak hmanthlak cu nihin January 19 ah hmuh ṭhan a si i, cu hmanthlak ah cun a kut hnulei hriṭem in, a kut tanpiak dawh a lo. A lu khuhpiak in a takpum dihlak ah hliamhma hmuh a si. Kum-50 hrawng a si mi Pu Tuidim cu ralhrang phu hna nih Matupi peng, Matupi-Hakha motor lampi Kihlung le Lunghlaw khua karlak ah ralhrang nih an tlaih i, nunnak laak a tong mi minung 10 hna chung ah aa tel ve mi pakhat a si.

Pu Tuidim ruak a hmutu mi pakhat nih cun, Pu Tuidim ruak cu a kut hnulei in an tem, a hmai an huh leng ah faktuk in an hremnak cu a takpum ah hliamhma tamtuk hmuh a si, a hngawng zong ah nam in an hmerhnak hliamhma hmuh a si. Cun a kutdong zong tanpiak mi ko a lo tiah Mizzima ah a chim. Ralhrang phu kut in thah an ton theih a si lio ah khuachung mi hna nih an ruak cu an kawl hna nain ruak pawng ah bomb hmanhmi an um caah ni zeimawzat cu an ruak fimtawl khawh lo in a um.

Thil a canka ah an ruak cu mi zeihmanh nih an char ngam hna lo, a ruang cu ralhrang phu nih a thi mi hna ruak tang ah bomb an hmanh. A hnu ah cun mino hna nih kan thih zong ah ti in ruak cu an laak i cu ka hmunpawng ah cun an vui hna,” tiah khua mi pakhat nih a chim. Ruak latu hna nih an thlak mi hmanthlak kong he pehtlai in, Matupi ah internet line a ngahlo caah hmanthlak langhter a si lo, Mizo ram phan mi hna sin in miruak hmanthlak cu hmuh a si, tiah a chim chap.

Pu Tuidim cu 2003 kum ah Mizzima, Kalatan thawngzamhnak le tlangcung media funtomnak a si mi ramkip Myanmar thawngzamhnak BNI dirh lio ah ‘Khonumthung thawngzamhnak’ aiawh in aa telmi a si. Chin ramkulh thawngzamhtu hna lamsialpiaktu hmasa ti in ruah mi zong a si the chin post.

Leave a Reply