SAC ralhrang nih Chin ram doh hram thok an tim hoi cang i ralring cio hna u sih

Myanmar News

Ralhrang nih chinram hi tuk taktak an timh ko cang, a fiang ngai ko cang rua. Thawng a dai rua kan ti lioah July 19 zaan ah Kalaymyo lei in Min Aung Hlaing Ralkap pawl cu minung 100 leng kai Chinram panh in an rak kai hna.July 20 bak ah kahnak a thawk colh, ralkap thazaang an chap thluahmah cang hna i, a tuhi Falam le Hakha hrawng ah ralkap tampi ready in an um ko hna tiah theih a si. Chinram thiam thiam ah nizaan July 20 le nihin 21 ah CDF le ralhrang kahnak hmun ah a chuak.

Thil le hliam kong zeihmanh a fiang rih lo. Falam peng in ralhrang nih Com Voctoria cu luhhnawh peng an timh caah, ralkap minung tampi an rak kai. Mindat zong cu thiamthiam ralkap nih lak an timh caah kaphnih CDF le Ralkap kahnak a chuak peng i ralkap thazaang an chap thluahmah hoi. Chinram hi biatak tein tuk an timh cang caah ralkap thazaang an chap nak hi a si cang rua.

Thawngdang Myanmar COVID-19 Kong ah UN Cawlcangh Hram a Thawk WHO, European Commission le France cozah i bawm in an serchuahmi COVID-19 runvennak sii COVAX hi Myanmar rammi hna ca ah tlamtling in hmuh khawh ding in an i zuam.Khulrang tuk in a karhmi Myanmar ramchung COVID-19 zawtnak dohnak rian ah Myanmar hrambunh UN Country Team pawl cawlcangh hram an thawk cang, tiah July 19 ah thawng an thanh.

July 17 ah Myanmar ramchung ah COVID-19 zawtnak checkmi minung 15,000 dengmang lak ah minung 550 hrawng sin ah COVID-19 zawtnak hmuh a si i, aluancia zarh hnih nakin COVID-19 zawtnak a ngeimi 7% in an karh.
Cu lawng si loin December 2020 ah India ram ah ahmasa bik an rak hmuhmi COVID-19 (Delta Variant) zawtnak phun zong Myanmar ah hmuh a hun si ve.

Myanmar ramchung peng 70 ah Stay at Home tuah a si i, July 17-25 tiang zung khar tiah SAC nih thawng a thanh ve.
UN Country Team nih ahmasa bik ah aa zuammi cu Oxygen tlamtling in hmuh khawh nakding hi a si.
Oxygen tlamtling in hmuh khawh nakding ah UN Country Team nih ramchung le ramleng i zumhtlak Oxygen sehzung pawl pehtlaih aa zuam hna.

WHO, UNICEF le a dangdang bu hna zong nih Myanmar ram ca ah COVID-19 runvennak si hmuh khawh ding in an i zuam cuahmah.Abikin, WHO, European Commission le France cozah i bawm in an serchuahmi COVID-19 runvennak sii COVAX hi Myanmar rammi hna ca ah tlamtling in hmuh khawh ding in an i zuam hna.Tu kum 2021 chung ah Myanmar rammi milu zapi chung in 20% nih COVAX an i chun kho lai, tiah UN nih timhlamhnak a ngei.

Atulio Myanmar ramchung ah COVID-19 testnak hi ni khat ah milu 12,000 in 15,000 karlak tiang lawng tuah khawh a si rih. Cucaah, test center a thar in ser a si nakhnga rian an ttuan cuahmah cang.COVID-19 zawtnak nih Myanmar rammi ngandamnak le sipuazi fak tuk in a chuahchuah lai caah ningcang thar hmang in COVID-19 hi doh a hau, tiah UN Country Team nih an langhter.Myanmar ramchung ngandamnak rianttuantu pawl zalong tein le nunhim tein rian an ttuan khawh nakhnga tawlrelpiak zong an herh,” tiah an langhter chap.

Leave a Reply