SAC ralhrang nih mindat mipi caah thil tha lo taktak an tuah.

Myanmar News

Mindat ah rallokap hna nih facang phorh lo ding in ri an khiah piak hna caah facang a dih Chin ramkulh Mindat peng ah facang phorhnak nawl cu rallokap hna nih ri an khiah caah a dang khua in facang nan rak phorh a si ahcun minung pakhat caah facang pyi 10 cio lawng nan phorh lai tiah ri an khiah piak hna.

Chuahluhnak gate ah an checktuk caah phone hna an check i an tlaih mi hna hi nifatin pehzulh in an um.Tu lio Mindat khua chung ah facang le Datsi, Diesel hna a dih.

A hlan ahcun khua chungah facang zuarnak nawl minthut he facang tun 10 tiang luhpi a ngah than.Atu cu khuachung ah facang zuar a ngah ti lo. Kyout Htu in facang va cawk ah minung pakhat ah pyi 10 lawng phorh nak nawl a um “tiah Mindat khua mi pakhat nih a chim.Tu lio cu rallokap hna nih khuami hna cu an tlaoh hna i an thil /pawta an phorh ter hna i chungkhar cazin an check tiah theih a si the chin post.

Thawngdang Ralhrangbu Nih Palek Pawl Cu A Thlithup In Thah Dingin Nawl A Chuah Ralhrangbu No 1 Bureau of Special Operation BSO nih Pyusawthi hna sin ah palek hna a thlithupin thah ding biathli an kuat mi cu social media cahmai ah a chuak.

Hi cakuat he pehtlaih in a dik le dik lo fehter khawh a si lo nain mah ca hi cunglei nawlpek nak he No. 1 BSO lutlai duh bochohkyi Tay Zar Kyaw nih minthut in August 12 ah kuat mi a si.

Cakuat ah palek le PDF hna kar ah theihthiamnak a umlo nak ding, pehtlaihnak hrawhnak ding le PDF hna cu ralhrangbu bantukin mi nih an ruah khawhnak dingah palek hna cu mi theih lo in thah dingin nawl a pek hna.

Mah hi ralhrangbu military special intelligence phu nih a hman mi Pyusawthi, Mah-Bah-Tah an ti mi miphun, biaknak, holh le ca kilvengtu phungki phu, ralhrangbu reserve force hna sin ah special operation tuah dingin a ti mi a si.

Copy hi Yangon military securiry Yangon command commander No 5 BSO commander Lt Gen Thet Pone le No 6 BSO commander Lt Gen Tan Hlaing hna pek chih an si the chin post.

Thawngdang Chin ramkulh Mindat khua pawng ah ralhrang phu hna nih an doh hna caah nizan August 13 ah CDF-Mindat he kaphnih kar kahdohnak a chuak.Nikhat chungah ralzaam dirhmun in minung 4000 tluk an zaam tiah CDF-Mindat lei thawngchimnak nawlngei tu pakhat nih a chim.Cun ralhrang phu hna nih khuachung mi hna cu a ruang um lo in an tlaih hna, paw-ta an suai hna tiah theih a si.

“Nizan meng 13 kahdohnak a chuak.Atu hi a deih lio a si nain, zeitik dah an thok than lai chim khawh a si lo. Anmah lei in phuhnih in khuachung tiang hmunhma lak in an doh. Voikhat nak dohnak ahcun ralzaam hi za renglo lawng an si.Voihnihnak ahcun Shiat khua pawng hrawng an zaam cio caah 4000 hrawng an si.Nizaan ah khuami minung 4 hrawng an tlaih hna , an thilri zong an phorh ter hna ,khua chung inn hna zong an hrawh” tiah CDF-Mindat in chimnak nawlngeitu nih a chim.

Nizaan kahdohnak a chuah ningcang hi Mindat khua nitlaklei Matupi ram lei lam ah ralhrang minung thazaang 100 hrawng in phukhat, Mindat khuachak lei Shiat khua le in phukhat tiah ramri lonh in an rat caah CDF-Mindat lei nih an mah an i vennak ah kaphnih kar kahdohnak a chuah hi a si.

Kahdohnak ah ralhrang phu lei in RPG hriamngan zong an hman.Kaphnih ah thih nak a um lo nain CDF-Mindat lei in minung 2 hliam an tuar, ralhrang phu lei thawng fiang theih a si rih lo.

Ralhrang phu hna nih Mindat khua cu ramri lonh in an doh hna leng ah ralzaam mipi hna caah eiding, sii-ai phorhnak motor lam pi cu an phih, cun khuachung inn le inn-ka hna cu hrawk in, ni fa tin inn chung thilri cu hramhram in an fir tiah khua mi hna nih an chim the chin post.

Leave a Reply