SAC ralhrang pa namte in fak lak sawh a si

Myanmar News

Yangon Tirih mingalar dawr ah palik pakhat nam in voi 5 tiang sawh a tong,a thi lai tiah ruah a si, Swepohkan ah puahkeh thawng theih a si

Yangon ramthen ,Hlaing peng Tirih mingalar dawr thar ah nihin chunhnu suimilam 1:00 luan ah duh tat kyait PK pakhat cu nam in voi 5 tiang sawh a tong, a thi ko lai tiah ruah a si nak kong cu khuami hna sin in theih a si.Tirih mingalar dawr thar ah duh tat kyait PK pakhat cu nihin chunhnu suimilam 1:40 luan ah nam in an sawh tiah a hmu tu pakhat nih a chim.

“Thil sining cu Tirih mingalar dawr thar ah duh tat kyait PK pakhat cu nam in voi 5 an sawh,a thi lai maw nung lai cu theih a si rih lo na in a hma in thi a chuak mi a tam tuk caah a thi lai tiah ruah a si.Atu bantuk thil a can hi nihin chunhnu suimilam 1:40 hrawng ah a si” tiah a hmu tu pakhat nih a chim.

Nam in sawh a tong mi pa hi motor PK in duh tatkyait Kawng That Ko Ko a si tiah theih a si.Cun N-Ookalapah(ေျမာက္ဥကၠလာပ) peng Shwepohkan no.20 sang ah nihin chunhnu suimilam 2:00 luan hrawng ah puahkeh thawng theih a si tiah khuami hna nih Yangon Khit Thit Media ah an chim the chin post.

Thawngdang Atulio Myanmar ah SAC ralkap ruang ah siseh, COVID-19 ruang ah siseh, harnak a tong mi hna cu minung hawi zawnruahnak in American nih US dollar nuai 50 ($ 50 million) renglo bawmhnak a pek lai, tiah US Ramdanglei Minister Zung nih an thanh.

Tirawl eidin ding, umthutnak, le dinti tibantuk ngeih lo awk a thalo mi thil bawmhnak pek an si lai pin ah hrem ruang ah siseh, phungning loin dantat ruang ah a zaam mi hna le ngandamnak kong ah volunteers in rian a tuan mi hna zong bawmhnak pek an si lai, tiah Ramdanglei Minister Zung nih an cathanh ah an tialchih.

Myanmar ram lawng si loin Thailand ram zong US dollar nuai 5 bawmhnak pek an si ve lai, tiah US Ramdanglei Minister Zung in Chimphuannak Nawlngeitu nih a chim.

Hi bawmhnak hi minung hawi zawnruahnak in bawmh mi a si lai i Thailand le Myanmar ram nih an tuar mi harnak le COVID-19 ruang an lungretheihnak hi a zaanter deuh lai, tiah a cunglei tuanvo ngeitu nih a chim fawn, tiah British Broadcasting Corporation nih a langhter the hakha times.

Thawngdang Myanmar Nawlngeihnak La UN Nih Cohlan Khawh A Si Lo UN chungtel hna nih nawlngeihnak la Myanmar ralhrang cu phungning in cohlan khawh phung a si lo tiah Ms. Schraner Burgener nih a chim than.

July 16 ah ralhrang bawibik chang Soe Wine he caan sau nawn bia i ruah hnu ah atu bantukin a chim than hi a si.Soe Wine he bia i ruah caan an Covid runvennak kong ah ngandamnak riantuan i tel ding in ruahnak a pek nain tuah ding le tuah lo dnig bia a let lo.

Nawlngeihnak la ralhrang nih innhngak cozah ti’n min an thlen ralhrang lubik nih a mah le mah vuancichoh a pek bantukin ralhrang nih nawlngeihnak hi thlah a timh lo caah UN nih cohlan khawh ding a si lo tiah Ms. Schraner Burgener nih a chim.

Myanmar aiawh palai a si mi U Kyaw Moe Tun cu atu tiang mipi nih thimmi a si i,rampi ruahnak petu Daw Aung San Suu Kyi le President Wine Myint hna cu Myanmar mipi nih phungning in thimmi hruaitu an si tiah Ms. Schraner Burgener nih NY UN ah tuahmi Online thawng fianhnak ah a chim hi a si the chin post.

Leave a Reply