Salai Lung Thli Tum:Zeitin dah chinram mipi hi kan zoh khen hna lai ei awk an ngei ti hna lo?

Myanmar News

Aizawl lockdown ah cun cozah le khua upa hna nih harsami ei awk an pek dih hna, meh le anhnah tiang an pek hna. US, Australia tbk ram tha ah cun dollar tampi an pek hna i lockdown ruang ah a pawtam mi an um hraw lo.Kannih Laitlang ah cun cozah kan ngei ti lo, ei awk tiang a pe kho hnga ding bu zong kan ngei rih hna lo.

Nain atu lockdown a si ve tikah tuan chom a eimi hna cu rian tuan khawh a si ti lo caah an vansang ko lai, a pawtam mi an tampi lai. Mah bantuk ei awk ngeilo miharsa hna hi zeitindah bawmh khawh an si lai timi hi kan hruaitu hna nih kan tuaktan piak chih ulaw a tha ngai lai.

Thawngdang ICJ Biaceihnak Ah Kawlram Aiawh Ding A Fiang Kho Rih Lo Genocide he pehtlaih in Kawlram cung ICJ biaceihnak a voi 2 nak cu a ra lai mi September thla hrawng ah ngei dingah ruah a si nain,Kawlram aiawh ding kongah a fiang kho rih lo tiah Global Justice Center, Legal director Mr. Grant Shubin nih a chim.

Phungning ahcun biaceihnak hi a tu thla ni 23 ah ngeih ding a si nain, biaceihnak ah Kawlram aiawh in a hohmanh an rak thlah hna lo bantukin a herhmi thil zong zeihmanh zong kuat a si lo caah a ni thla thial a hau ding phun a si nain atu tiang cu ceih le khiah mi a um rih lo tiah theih a si.

Hi kong pehtlaih in Mr. Grant nih- zapi nih kan hngah mi cu biaceih zung nih zeitindah a kalpi lai ti hi a si.Phungning ahcun biaceih zung nih kaphnih biahalnak le bialehnak a ngeih ding a si…

A sinain, atu dirhmun ahcun Kawlram aiawh ding kong he pehtlaih in lung awtam in kan um.Biaceih zung nih caan lak in a hngah lio a si caah September ah tuah ding mi UN General Assembly ah Kawlram kong he pehtlaih in zeitindah biakhiahnak kan tuah lai ti an hngah mi a si men lai.

Atu dirhmun ah zapi nih kan hngah mi cu UN general assembly biachahnak hi a si.Mah biachahnak hnu lawngah thawk khawh ding dirhmun a si.ICJ ah ralhrangbu nih sihni a hlan mi kong zong zeihmanh a fiangfai mi a um rih lo tiah Mr. Grant nih a chim.

Organization of Islamic Co-orporation (OIC) chungtel ram 57 aiawh in Gambia nih Kawlram cu Rohingya miphun hna cungah genocide na tuah tiin ICJ ah taza a cuai ruangah 2019 December 10 le 12 ah a voi 1 nak biaceihnak ngeih a si.Kaphnih nih an chim mi cungah 2020 January 23 ah ICJ nih Kawl cozah cu biatlang 4 he ca lehnak a tuah i, mah ahcun genocide a um lo nak dingah ven ding le an riantuannak cu thla 6 voi 1 ICJ ah pek dingin ti a si the chin post.

Leave a Reply