Tuchun thantlang khua i kahnak ah rallokap hriamngan khuachung ah a tla mi hmanthlak cheukhat.A tampi a um riko nain a biapi deuh mi pathum te lawng ka van tar mah kong he pehtlai in laitlang um mi kan dihlak in kan ram a tthat hlanah hin cun ralring tein le fim hring tein um cio i zuam hna u sih,uico ralhrang nih biatak tein chinram ah hmunhma an lak lio a si caah ho poah fimkhuar tein um cio hna u sih.

Thawngdang PDF Bilin sakhaan an lak, tiah SAC ralkap lei minung pawl nih thawng diklo thanh,August 25, Mon Ramkulh Bilin ah PDF sakhaan pakhat SAC ralkap nih an lak tiin anmah leitang minung pawl nih facebook le telegram cahmai ah thawng diklo an thanh len tiah theih a si.

Hmanthlak an tarchih mi khi Paung peng ah SAC ralkap nih KNU sakhaan an rak lak lio hmanthlak an si. Cun hmanthlak pakhat an hman mi thiamthiam ah Thaton khua an rak tlaih mi hmanthlak aa tel fawn i hihi a diklo mi a si, tiah khuami lei nih an fianter ve..

August 11 zaan lio Paung peng The-inn khua pawng KNU sakhaan an rak lak lio ah KNU ralkap 3 le khuami 15 an rak tlaih hna, tiah Than Lwin Times nih a langhter.Ralrin peknak: Thawng kan leh mi hi “Laica-The Hakha Times” tiin credit pek na duh lo ahcun i lak in nawnnok chin kan duh lo tiah kan in theihter the hakha times.

Thawngdang Thantlang Lai palek pawl hi khuaruah nan har Ralkap nih uknak a lak hnu ah palek rian tuan aherhnak a um lo, nan rian asi mi khuachung humhimnak vialte anmah ralkap nih an tuan dih, an lak dih ko caah nan palek sinak man,zeihmanh angei lo, ralkap caah lakfa, sal va tuan lawng pei tang ka ko cu.

Hiti ka titik ah ralkap nih humnak an tuah taktak ka ti lo, amin in an tuan. Zaan ah an vak, mi an chek, mi an tlaih hna, thilri an chuh hna, hi bantuk humhimnak cu palek nan rian asinain ralkap nih an in chuh dih hna. Asiah palek nan tuan chan zeidah um.

Khat lei ah lai mi si, khrihfa si hoi bu i a thu man tuk cang mi uknak chung rian na tuan rih mi cu kan chin miphun caah hmunthur taktak nan si.A nemnak in kan i hngah ko hna, “Nem tein an auh thin fual in auh dawtnak in mipi sin kir ko cang lairam laipa.

Thawngdang Russia ah tuah mi International Army Games ah Ralhrangbu a tel ve mi hi Russia nih Ralhrangbu cawlcanghnak a tanpi ti langhternak a si.Ralhrangbu cu August 22 in September 4 tiang Russia ram ah tuah ding mi ralkap pawl thanchonak caah ralkap he pehtlaihmi zuamnak phunphun International Army Games ah a tel ve.

Zuamnak an tuah ding mi pawl hi tank thiamnak tank biathlon raltuk tilawng thiamnak sea cup meithal kah sniper frontier vanlawng thiamnak airbone platoon ralkap phunglam army culture hna a si.

Mah zuamnak hi Russia defence ministry nih a timhtuahmi a si i, zuamnak phunphun pin ah hriamnam zuarnak le thiamnak lei thanchonak International Military and Technicial Forum, ARMY 2021 zong a tel ve lai. Mah forum ah raldohnak lei seh thiamnak artificial intelligence zong langhter a si lai.

Hi kong he pehtlaihin Justice for Myanmar chimnak nawlngeitu Ma Yadanar Maung nih; ralhrangbu nih ramchungah mithah, lainawn ralhrang cawlcanghnak a phunphun a tuah cuahmah lio ah Russia nih ralhrangbu a sawm mi cu an i pehtlaihnak a thuh ning langhternak pakhat a si.

Ralkap lei cawnnak le hriamnam zuar phihnak telin world crime a buar lio mi ralhrangbu tanhpinak pakhat a si. Ralhrangbu cungah Russia thiltuahmi cu ngolter dingin vawleicung ram hna cu kan nawl hna.

Mah ralkap lentecelh zuamnak ah ASEAN nih Kawlram buainak kong hnatlaknak 5 a dirpi mi ram hna zong an i tel. Zuamnak ah a tel mi ram hna cu China, Malaysia, Vietnam, Lao, India le Bangladesh, Israel le Europe in Greek, Cyprus ram hna an si.

Ma Yadanar Maung nih; zuamnak ah ralhrangbu hmunkhat in a tel ve mi ASEAN ram cheukhat le pawngkam ramngan hna nih hin an chim bantukin Kawlram mipi thatnak caah le ralhrang cawlcanghnak ngolter dingin an kan tawlrel piak taktak hnga maw ti ruah awk ngai a si.

Ralhrangbu nih uknak a lak ruangah kan ramchungah thil a cang lio mi nuhrin covo kongah UN nih rianrangin silhnalh piak dingin kan nawl tiah a chim.

Ralhrangbu nih mah zuamnakah phaisa a dih ding hi zeihmanh thanh mi a um lo nain, Sea Cup bantuk raltuk tilawng zuamnak caah tilawng hna cu pacific rili tiang kalpi a hau mi a si caah budget tampi dih ding mi a si.

Mah budget vialte hi covid le harsatnak phunphun kar ah ralhrangbu an doh ruangah ralhrangbu tlaihhremnak le nuhrin covo a phunphun in a tuar lio mi mipi phaisa a si tiah Justice For Myanmar nih cathanh an chuah the chin post.