Thawngpang Theih Nuam Lo Ngai: Falam Peng Khua Ah Kawl Ralhrang Nih Biakinn An Hrawh Piak Hlei Hna Ah Bible Zong An Hrawh

Myanmar News

Thawngpang Theih Nuam Lo Ngai: Falam Peng Khua Ah Kawl Ralhrang Nih Biakinn An Hrawh Piak Hlei Hna Ah Bible Zong An Hrawh. Falam Peng Taal Khua Ralhrang Nih An Hrawh Biakinn Zong An Hrawh Falam peng Taal khua inn hna cu ralhrang nih an hrawh,vok ar an thah dih hna,ralhrang thazaang 100 hrawng cu Taal khua ah ninga hrawng khua an sa,inn lawng si lo in biakinn zong an hrawh vok ar zong an thah dih hna.Taal khua an luhhnawh i an hrawh hi a voihnihnak a si cang.

May be an image of indoor

Thawng dang Ralhrangbu Nih Rohingya An Thah Hna Nak Kong Chimnak An Ngei Lai August 17 ah Ralhrangbu cawlcanghnak ruangah Kawlram chungin thawl a tong mi Rohingya ralzaam 5 nih an thil ton ning Argentina biaceih zungah a voi 1 nak chimnak an ngei lai. 2017 kum ah ralhrangbu nih Rohingya muslim hna a thong in an thahhna ruangah Rohingya 750,000 hrawng Bangladesh ah an zaam.

Ralhrangbu operation an tuahnak ah minung an thah lawng si lo in nu an tlaihhrem, an inn le lo an khangh piak hna. Ralhrangbu nih genocide an tuahnak le miphun pakhat cungah a tuahmi sualnak he pehtlaih in tazacuai khawh a si nak dingah ‘vawleipi huap biaceihnak’ phung tlawhchanh in Argentina ram i biaceih zung pakhat ah chimphuannak ngeih ding a si.

Vawleicung nih sualnak tiah a ruah mi sualnak pawl, minung sinak cungah tuahmi sualnak telin sualnak cheukhat hna cu upadi kal ningah ram pakhat he lawng pehtlaihnak a ngei mi si loin khuazei ram paoh ah ceih khawh mi a si. Spain ralhrangbu hruaitu Francisco Franco le Taluk (Falun Gong movement) kong bantuk, universal jurisdiction case he a pehtlaihmi sualnak hna cu Argentina biaceih zungah rak ceih bal a si.

Kawlram kong he pehtlaihin ralhrangbu hna nih Rohingya miphun hna cung cawlcanghnak cu International Criminal Court (ICC) le International Court of Justice (ICJ) ah tazacuai le ceih lio a si. August 17 ah Argentina ah tuah ding mi hi Rohingya hna cungah ralhrangbu nih an rak sualnak vialte biaceih zunghmai ah chimnak nawl a voikhatnak an hmuhnak a si tiah Kawlram UN palai hlun Tomas Ojea nih AFP sin ah a chim.

Ralhrangbu nih nu le pa sinak lei he a pehtlaihmi sualnak a tuar-ing mi, Bangladesh ralzaam sakhan in a nung rih minung(5) hna nih Argentina khualipi Buenos Aires i, Federal Criminal Appeal Court baichimnak an ngei lai tiah UK ah hrambunhmi Burmese Rohingya Organization UK nih a ti. Argentina biaceih zungah biaceihnak ngeihpiak dingin a nawltu BRO-UK chairman U Tun Khin nih; ralhrangbu nih Rohingya hna cungah sualnak a tuah mi vialte chungin a luatnak hi kum 10 hrawng a si cang.Kawlram mipi zong nih Rohingya hna kong cu zeihmanh a rel lo. Media hna thawngthanh mi zong zei hmanh ah an rel piak hna lo. A cozah zong nih hlathlainak, zohfelnak tuah a tim lo.Tuah khawhnak nawl zong a ngei lo. A hleikhun in ralhrangbu nih nawlngeihnak a lak hnuah a zual chinchin tiah a chim. Ref; Times of India

 

 

Leave a Reply