Thawngtha KNU nih ralhrang ceilak an thah than hna

Myanmar News

KNU Brigade 5 le Ralhrang Ni 8 Chungah Voi 29 I Kahnak A chuak KNU Brigade 5 Hmun,Mutawh Pengkomh ah ni 8 chungah i kahnak 29 a chuak,ralhrang lei in 26 an thi,35 hliam an tuar

KNU Brigade 5 cawlcanhnak hmun ah Mutawh pengkomh(Phapon) ah July 15 in July 22 tiang ni 8 chung ralhrang rallokap le BDF i fonh in,KNLA Brigade 5 ah kahdohnak 29 a chuak i,ralhrang lei in 26 an thih hlei ah 35 hliam an pu tiah theih a si.

Hi i kahnak ahhin mi sawhsawh mipi lei in pakhat a nunnak a liam,ralhrang nih khuate ah hriamngan in an kah i Naa 5 an thi.KNLA lei in hliammi le nunnak liammi thanhmi a um lo tiah KTM nih a panghter the chin post.

Thawngdang Myanmar COVID-19 Kong ah UN Cawlcangh Hram a Thawk WHO, European Commission le France cozah i bawm in an serchuahmi COVID-19 runvennak sii COVAX hi Myanmar rammi hna ca ah tlamtling in hmuh khawh ding in an i zuam.Khulrang tuk in a karhmi Myanmar ramchung COVID-19 zawtnak dohnak rian ah Myanmar hrambunh UN Country Team pawl cawlcangh hram an thawk cang, tiah July 19 ah thawng an thanh.

July 17 ah Myanmar ramchung ah COVID-19 zawtnak checkmi minung 15,000 dengmang lak ah minung 550 hrawng sin ah COVID-19 zawtnak hmuh a si i, aluancia zarh hnih nakin COVID-19 zawtnak a ngeimi 7% in an karh.
Cu lawng si loin December 2020 ah India ram ah ahmasa bik an rak hmuhmi COVID-19 (Delta Variant) zawtnak phun zong Myanmar ah hmuh a hun si ve.

Myanmar ramchung peng 70 ah Stay at Home tuah a si i, July 17-25 tiang zung khar tiah SAC nih thawng a thanh ve.
UN Country Team nih ahmasa bik ah aa zuammi cu Oxygen tlamtling in hmuh khawh nakding hi a si.
Oxygen tlamtling in hmuh khawh nakding ah UN Country Team nih ramchung le ramleng i zumhtlak Oxygen sehzung pawl pehtlaih aa zuam hna.

WHO, UNICEF le a dangdang bu hna zong nih Myanmar ram ca ah COVID-19 runvennak si hmuh khawh ding in an i zuam cuahmah.Abikin, WHO, European Commission le France cozah i bawm in an serchuahmi COVID-19 runvennak sii COVAX hi Myanmar rammi hna ca ah tlamtling in hmuh khawh ding in an i zuam hna.Tu kum 2021 chung ah Myanmar rammi milu zapi chung in 20% nih COVAX an i chun kho lai, tiah UN nih timhlamhnak a ngei.

Atulio Myanmar ramchung ah COVID-19 testnak hi ni khat ah milu 12,000 in 15,000 karlak tiang lawng tuah khawh a si rih. Cucaah, test center a thar in ser a si nakhnga rian an ttuan cuahmah cang.COVID-19 zawtnak nih Myanmar rammi ngandamnak le sipuazi fak tuk in a chuahchuah lai caah ningcang thar hmang in COVID-19 hi doh a hau, tiah UN Country Team nih an langhter.Myanmar ramchung ngandamnak rianttuantu pawl zalong tein le nunhim tein rian an ttuan khawh nakhnga tawlrelpiak zong an herh,” tiah an langhter chap.

Leave a Reply