Tuchun Yangon thawngpang thei cu rawl eika zong a thawh tilo a fak hrinhran

Myanmar News

Ziwi Thlanhmun Ah Ruak Khangh Ding A Hlan Nak In A Lethnih In A Tam Yangon Khuapi ZiWi Thlanhmun ah July 19 Ni ruak khangh mi cu 350 reng lo in a tam deuh i a hlan ni tawnnak i a thi mi tam deuh a si tiah bawmchantu phu hna nih an chim.

July 19 zaan suimilan 7:30 pm tiang Yangon Ziwi thlanhmun ah ruak 328 tiang kangh a si ii ruah lo pi in kangh ding an rak chiah than caah aza piin 350 tluk an si tiah bawmchantu phu chungtel pakhat nih a chim.A hlan ni ahcun ruak 200 leng hi kangh peng mi a si nain tu cu a lethnih in mithi karh a si.

Bawmchan tu phu pakhat nih zaanlei 7:30 pm ah ruak 328 fai a si lai.A hngak mi mawtaw tamtuk a tang rih a ti.July 10 hnu hin Covid -19 zawtnak a karh chin i Oxygen kan i zaat lo caah atu bantuk hin a thi ding a si rih lo mi zong kan thih a tamnak hi a si.

Ziwi thlanhmun ah ruak kangh mi a tam bantukin Thingpin thlanhmun, Cisuh thlanhmun, Cuchawng thlanhmun hna zong ah hin ruak a tam tuk ve tiah a chim chih.

Thlanhmun riantuan tu hna le bawmchantu phu hna zong kan rian kan tei tuk lo caah kan har nak tam pi a um ve tiah a chim.Mino cheukhat bawmchantu phu chungtel hna cu Covid -19 nih a tlak mi hna an um ve tiah a chim.July 12 in July 18 tiang cu Yangon khuapi thlanhmun ah nikhat ah ruak 700 reng lo hi kangh a si .

Rallokap kuttang ngandamnak lei riantian tu hna nih nifatin an thanhnak ahcun covid in a zaw i a thi ti mi nak in lam cung lennsawhsawh nak ah a thi mi an tam deuh tiah bawmchan tu phu nih an chim.

Bawmchantu bu hna nih kan rian kan tei lo caah kan bat tuk ve caah kan rat hna a tlai deuh kan tlamtlin lo nak tete a um tik ah mipi zong nih kan theithiam hram ulaw a si khawh tawk in phaisa lei zong siseh bawmhnak hi thazaang chuah hram uh tiah zaangfah kan nawl hna ti in a chim chih the chin post.

Leave a Reply