Uico ralhrang nih mi thah nakah an hman mi thilri umnak bomh nih a puah hnaw dih.

Myanmar News

Ralhrang Vanralkap Hriamnam Chiahnak Inn Bomb In An Puah Magway ramthen ah a ummi ralhrang vanralkap hriamnam chiahnak inn cu August 8, tuzing suimilam pali hrawngah bomb pahnih in an puah tiah tiah theih a si. A thimi an um maw? Hriamnam zeitluk dah a rawk ti bel theihfian a si rih lo.

“Vanralkap sakhan ah voihnih bomb a puak, a thawng zong a thang taktak. Zeidah a rawk ti cu kan thei rih lo” tiah cuka pawng a ummi pakhat nih a chim. Cuka hrawng a ummi PDF pahnih i komh in tuahmi a si tiah an chim.

Bithanuh PDF thawngthanhnak lei tuanvo ngeitu Bo Htan Htut nih “Atu i bomh a puakmi kong he pehtlai in kanmah Bithanuh PDF le PDF dang i komh in 8888 dothlennak kum 33 tlin ni ah ralhrang vanralkap hriamnam chiahnak sakhan kan puahmi a si. A hnu ah thawngfiang kan thanh than te lai” tiah a chim. Magway vanralkap sakhan hi hmasa zongah bomb in an rak puakhnawh bal cang, tutan hi a voihnihnak an puahhnawh a si the chin post.

Thawngdang Mandalay Lamzawhnak Ah Ralhrang Nih Mipi Thencheu Dingin Thil Phunphun An Tuah Mandalay ah ralhrang uk duhlo langhter in cawlcanghnak tuah mi,mipi hna cu ralhrang nih mi thencheunak ding ah cawlcanghnak phun dang in an tuah

Ralhrang nih nawlngeihnak an lak thok in mipi cawlcanghnak le, ralhrang uk duhlo langhternak cu Mandalay in sianghngakchia mino tampi nih nifatin ralhrang uk kan duh lo tiah lamzawhnak an ngei peng.

Atu ahcun ralhrang hna nih mipi cawlcanghnak ah minung thazaang a tlawm i a zor nak hnga ding caah an thiltuah ning cang thlen in lamzawh mi, mipi hna cung ah thencheunak tuah an timh tiah lamzawhnak ah a tel mi sianghngakchia pakhat nih a chim.

“Tuan deuh ahcun an mah ralhrang nih security cu lam cung ah an i chiah, cun sangchung zung hna ah an i chiah tawn cun ralhrang motor in an i chawk .Atu hnu ahcun mipi thuam sawh an i hruk, motor he an i chawk, cycle le motor cu khalh hram i an khalh.

A tu ahcun anmah ralhrang thuam hruk i chawh hrim a um ti lo.Lam kan zawhnak pawngkam hmun hrim ah khin an um ve . Lampi lei ah kal kho lo ding in inn le inn kar lam(အိမ္ၾကားလမ္း) hna cu an phih, hri zam in an phih ” tiah Yadanapung university(ရတနာပုံ) in sianghngakchia hruaitu lamzawhnak ah aa tel mi, mino pakhat nih a chim the chin post.

Leave a Reply