Uico Ralhrang Nih PDF Kan Ralkap Pawl Cu An Kuttang Chia Ding In Tim Tuah Nak An Tuah

Myanmar News

KNU nih i kah ti lo ding in ral hrang sin ah an chimh mi hna cu ral hrang lei nih an duh ti lo. Deccember 31 a hnu bik a si lai PDF pawl cu kan kut ah na kan pek hrim hrim lai tiah ral hrang nih KNU cu a ti cang hna.

I kah ti lo ding in ral hrang a va tong tu KNU nih zei dah ai thim te lai ti hi a bia pi bak cang.PDF pawl le an hriam nam cu maw ral hrang kut ah a pek hna lai.A silo le PDF pawl tu he hmun khat ah ral doh tti law law in hmai norh chin dah ai thim te lai theih asi rih lo.

Can rikhiah piak mi lonh ah cun ral hrang lei nih Lam hla kah nak hriam ngan degree ching in kah hrim hrim ding in ral hrang lei nih ready in an um cia cang.KNU nih hin zei lam dah ai thim te lai thin atur ko

Thawngdang MAH le Ralhrang an Bia Ceih te nak ding lam IIMM le CHRO cu nizan tihni ah Chinram le Chinmi kan um nak Sagaing le Magwe ramthen hna I MAH le Kawl ralhrang nih nuhrin covo an buar nak kong le zeitin dah an sual nak vialte hi record ah kan chiah lai timi kong ceimai nak ka nei. IIMM timi hi Burma ram nuhrin covo le Democracy cawlcanghnak lei I ai tel pang mi nih cun theih pah cio asi lai dah. A dik thlir in kan theih lo hmanh ah a thluam thlam tal cun theih cio asi.

IIMM tiah a tawinak in auh mi cu Independent Investigative Mechanism for Myanmar tinak asi. 2018 ah UN Human Rights Council nih Burma ram caah adirh mi bu asi. UN nih Burma ram ah Ralhrang (Tat ma daw le cozah) nih nuhrin covo an buarnak hi a sawhsawh si lo in “crime against humanity” minung sinung phung ralchanh in (Pipu hna holh cun Mi kello) minung lungput le sining tiang lonh in mipi cung ah sualnak atuah. Hi an sualnak vialte hi ram chung beiceih nak ah, asi lo ah ram pakhatkhat biaceihnak ah asi lo ah UN nih a tawlrel mi biaceih nak ah ni khatkhat ah an bia ceih an si te lai.

Cu an bia ceih tik ah cun 2011 hnu I sualnak an tuah mi vialte kha ttha te in record ah chiah in mawhphurh nak (dan tat nak) pek khawh nak ah evidence (tehte) ah hman an site lai ti khi asi. Battalion commander thonk in a cung lei poh an min kan vun khomh hmasa hna. A hnu ah sualnak a tuah mipoh pumpak pakhat cio min zong kan khawmh khawh chung kan khawmh lai.

Pathian nih a rem a ti ah cun Kawl ralhrang hna nih kan miphun cung ah sual chimpit le mi kello thil an tuah mi vialte record kan tuah mi hna hi chim rel can le an bia ceih can a phan te lai. Tuan ah an bia ceih khawh nak ding tu hi kan zapi fak chinchin in kan ttan cio a hau mi asi.

Leave a Reply