Real Madrid Le Juventus Zangfahtuk An  Si Cang,  Champions League In An Tla Ruangmang Cang

Sport

Real Madrid Le Juventus Zangfahtuk An  Si Cang,  Champions League In An Tla Ruangmang Cang

==========================

Covid-19 pulrai zawtnak ruangah caan sau pi vawleicung  bawlung chuih dinhter hnu ah Champions League puai cu an rak thawk than cang. Champions League puai hmasa bik cu tuzan suimilam 12:30 am (zarhteni zinglei) ah an thok cang. Juventus  le Lyon cu Juventus innpi ah an chuih i,  Lyon nih nih an tei diam ko hna.  Cun, Manchester City le Real Madrid zong Manchester City innpi ah an chuih ve i, Manchester City nih an tei ve hna caah Juventus le Real Madred cu Champions League in an tla cang.

Tu kum Champion League chuih cu zoh aa dawh ngai cio hna bantukin Real Madrid hi goal hnih sung cia in Manchester City innpi ah an chuih hi a si. Real Madrid team caah quarter final kai khawhnak caah ruahchannak tlawmte lawng a rak ngei bantukin quarter final in Machester City nih 2-1 in an tei hna. Manchester City team pawl cu thadam tein le nuam tein quarter final an kai cang. Machester City team caah hin Gabriel Jesus le Raheem Sterling nih goal khat veve an goal hna, Real Madrid team lei in Benzema nih goal khat a khumh kho ve. Nain, Real Madrid Manager  Zidane zong Real Madrid a zohkhenh hnu in tutan a voikhatnak Champions League ah a tlakpi hna hi a si. 

Cun Juventus le Lyon cu an chuih ve than tikah Juventus nih  tei tengteng an hauh caah an izuam len ko i, an tei kho bak hna lo.  Lyon le Juventus hi puai hmasa an chuih lio ah hin 0-2 in an rak sung. Asinain, Champions League siangpahrang tiah auhmi le vawleipi nih theih ngaimi  minthang  Ronaldo an ngeih caah goal 2 cu a goal piak ve hna. First half dih hlan ah Juventus lei nih penalty an ngah caah, C  Ronaldo nih a goal. Cun, Second half an chuih than  ah ah Juventus an zuam chinchin ko nain zei hlei ti lo.  Caan tlawmpal ah Ronaldo nih goal khat dawh taktakin Juventus team pawl a goal piak hna i, goal 2-2 veve an si. Juventus lei in Caan dongh tiang goal a khumh kho ve tilo caah Lyon cu away inn ah goal phungning tein teinak an hmu caah Lyon cu quarter final an kai ve cang. Juventus team hi tuzan Champion League an chuihmi le quarter final an sungh ruangah Juventus team pawl cu  Kum hra hnu ah a voikhatnak bik quarter final in a tla hi a si. Juventus bawlung team pawl hi quarter final tiang hi cu an rak kai tawn  mi an si. Tuzan in cu Juventus le Real Madrid bawlung team pawl cu Champion League in duh zong duh lo zongah byebye an hau cang tinak a si.

Leave a Reply