A Poi Ko U Hla Min Thein Ralhrang Nih An Tlaih; An Hremnak Ah An Thah!

Thawngpang

Yangoon, Tamyay, Ayukung lam, Aung Suh Chway Tingkan inn ah a um mi, kum 40 mi U Hla Min Theih cu ralhrang nih an tlaih i bia an halnak ah an velh tuk i a thi, tiah theih a si. January 1 zan suimilam 10:30 ah Aung Sug Chway inn a um lio mi U Hla Min Thein cu ralhrang nih an va tlaih. January 3 ah, ‘Amah tein aa that’ tiah a chungkhar sin ah a tlaitu ralhrang nih thawng an thanh hna. January 4 ah Ralhrang nih a ruak an vui i, a chungkhar minung pali lawng ratnak nawl an pek hna, tiah kan theih.

“Ko Hla Min Thein cu January 1 ah an tlaih. January 3 ah ‘amah tein aa that’ tiah a chungkhar sin ah thawng an thanh hna. Nihin January 4 ah an vui i, a chungkhar pali lawng ratnak nawl an pek hna. Hmanthlaknak nawl an kan pe lo, a mui zohnak nawl zong kan pe fawn lo. Ralhrang nih an thah mi hrimhrim a si ko, amah tein aa thahnak ding aruang hrim a um lo. Ralhrang nih an duh poh in an kan hlen bia si,” tiah a hawi pakhat nih a chim. “Ko Hla Min Thein cu a dai tuk mi a si i, amah bantuk minung ralhrang nih an thah hi cohlan khawh a si hrim lo. Mah pawl ruangah hin ralhrang hi kan duh lo chinchin nak a si,” tiah sang mi pakhat nih a chim ve. Source: Khit Thit media

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.

Leave a Reply