A thli tein:Trump vote an hlonh mi’Hmuh a sicang Trump nih a tei ko lai hi van that si.

Thawngpang

Tutan US thimnak ah buaibai nak aum nain thil dik cu a langh thluahmah ko cang. Trump hi a hramthawk tein khan a dik ning tein kal sehlaw a tu cu result an phuannak a sau tuk cang lai. A tu tiang a fian khawh rihlo mi hi a lakkar tete ah buaibai nak hna le lungtlin lonak hna an vun um caaha si. Micheu chimnak ahcun lih le hrokhrol n thil timh an I timh caah a buai nak hi asi an ti. Cucaah a dikmi zong asi ko.

A ruang cu thil dik lo cu sau aa thup kho lo. A hnu ah amah tein a lam piit ii a lang tthan zungzal thamko. A tu zong ah thil diklo pawl cu an rau ti lailo an lang cuahmah ko cang hih. A tu naite zongah khan Trump vote an hlonhnak an hmuh cang tiah thanwgtheih asi. Duhsah tein a lang cuahmah ko cang lai. Thil dik a langh tik ahcun Trump caah thawng ṭha a si cang lai. Tu zong hi Pennsylvania Appellate Court nih teinbak a pek cang. Biden caah ruahchan nak a tlawm deuh ve cang.

Sungh zong ah a hman ning tein sungh hi a nuam. A dik lo ning in teinak hmuh nakin a dik ning tein sungh hi a sunglawi deuh. Lung a tling deuh fawn. A tu a dirhmun in cun Biden nih a tei deuh rih nain Trump caah thinphan ding aum tilo. Teinak ka hmuhlai ti lawngte bak aa bawh ve cang. Trump team phu chungin minung pakhat nih an tuahto hna ning achim tikah zaangfak tuk an si. Mee dik thlak si le silo zohnak nawl hmanh an kan pee duhlo ati rih.

Asinain vawleicung vialte lakah zohchunnak kan si tiah Trump nih cun aphuan ve. Cun Trump a tan tu hna nih mipi hna cu nan lung dong naisai hlah u. Nan tha nuam u law thla cam rih ko uh ruahchannak tamtuk kan ngei rih. Caan tampi a um ii Trump hi a sung rih lo i a sung fawn lai lo. A dikmi result a lang te ko lai. Rak zoh te hmanh uh Trump hi a sung ding a si lo tiah thazaang an pek hna.

Biden kong zong hi relchap ko:Joe Biden cu 1942 kum Pennsylvania pyine ah a chuakmi a si. Biden a chuah lio ah hin misifak an rak si. A hnu ah a pa nih rian a ttuanmi an hlawh a tling I mirum nawn (middle class) ah an van I chuah. A ngakchiat lio tein a holh a aa mi a si caah fak ngai tein holh ran zong a rak cawng.

1965 kum ah Political Science in degree a lami a si. Biden cu zu din a hmang loh. Ka chungkhar lak ah zuding an um pah len I a zatuk tiin a chim. 1966 kum ah a pakhatnak a nupi a ngei I fanu pakhat le fapa pahnih an ngeih hna.

1968 kum ah Law in degree a la tthan I lawyer a ttuan. 1972 kum ah motor accident in a nupi le kumkhat te lawng a simi a fanu te cu an thi. 1977 kum ah a tu a nupi hi a tthit.

1970 kum ah American tuanbia ah a paruknak kum nobik Senate MP a si. American Senate, Foreign Committee ah senior chungtel pakhat a si. Cold War a dih hnu NATO phu an tthawnnak hnga caah, 1991 kum Yugoslavia ral thawhnak ah American pawl vat el venak le 2002 kum ah Iraq ral tuknak ah hnatlatu in aa tel vemi a si.

Cu hnu ah Srenate biaceihnak committee chairman a van si. Universities pawl zong ah Law hen pehtlaiin lecture a pep ah lengmang. 1988 kum ah Democratic party in former president in President a rak I cuh ko nain a rak sung.

American tuanbia ah a pa 16nak a senior bikmi hluttaw MP a si. American hluttaw chung ah asi a fak bikmi MP lak ah aa telmi a si. MP ka tuan chung a sauh tuk ruang ah a si tiin a chim. Nuam takin um a duhmi a si I pekchanhnak ah a ui lomi, a siang ngaimi le daitein um I bia al a tthanwg taktakmi a si tiin an chim.

Senate ah voi 6 tiang thim a tongmi a si I 2008 kum ah Barack Obama he kut sih in Vice President terms 2 chung a tuanmi a si. American rampi chawlehthalnak khor chung in a tlak lio ah a lu a tunmer tertu lak ah aa telmi a si. University le organization pawl lak in minthatnak laksanwg tampi a cotu a si I, 2017 kum ah American ram nih a sunglawibik ‘Presidental Honor of Freedom’ award cu President Obama nih a rak pek.

Leave a Reply