America le Austrilia:President nih Min Aung Hlaing’Cung ah an duh lonak an langhter ve cang hi.

Thawngpang

Myanmar mipi cozah sin ah nawl ngeihnak pek than dingin Australia Nih A Hal’Myanmar ramah rallokap nih nawl ngeihnak an lak mi,daite in lamzawhnak ah rallokap le palek nih hruhru hranghrang in thil an tuahmi cungah American le Australia ram pahnih nih an duhlonak kong cu American ramdang lei vuanci Antony Blinken nih weshington ram ah a rami Australia vuanci Marise Payne hna nih thawngchim fianhnak ah an chim

Myanmar ram he pehtlai in myanmar mipi daite lamzawhnak ah mipi hna cu ralhrang nih tukvelh le doh,mah bantuk tuk le velh ruangah sual phawtmi le hmalak mi a um lo, pehzulh in ramhnih nih fak pi in kan duhlo tiah i tonnak ah an chim.Democracy phung le lam in thimmi a cozah cu nawl ngeihnak pek than dingin ralhrang rallokap cu ramhnih nih an hal tiah” Vuanci Blinken nih a chim.

Australia ram dang lei vuanci siseh, nu lei vuanci lei a simi Marise Payne nih hi lamthluan hi President Biden a cozah chan hungah Australia ramdang lei vuanci American ah amah pumpak a rat a voikhat nak a si.Tuluk ram nih chawlehhrawl nak tlerhkhonh mi duhlo in American le Australia ram in pakhat lawng nih sualphawt a si lai lo tiah Vuanci Blinken nih a chim the chin post.

A tang lei relchap duh mi hna caah ka van chiah chih’Thantlang Peng Lungler le Vawngtu (Vuangtu) SAC ralkap sakhaan um ralkap cu anmah keel an si nain Sopum khua ah umhmun a khuar mi ralkap tu cu an zaamnak a sau cang, tiah kan theih.

“Sopum ah umhmunkhuar mi SAC ralkap hna hi CDF-Hakha nih May 3 zaan Hakhathar an kah hna (SAC ralkap a tlawm bik 4 an thi i 10 leng an i hliam lio) hnu khan Hakha lei ah an zaam dih cang. Khua pawng an um lio ahcun zeipipa buainak an chuahpi lo nain thinphang in kan um peng. CDF-Hakha nih an kah hna khan an tih i si ko lai, an mui kan hmu ti hna lo,” tiah min langhter lo mi pakhat nih The Hakha Times ah a chim.

“Lungler um SAC ralkap tu hi an sakhaan ah Palek he an i fon cang. Palek hi 7 hrawng le ralkap hi 9/10 hrawng an si. Nihin tiang cu zeipipa buainak ngaingai an chuahpi lem lo. Anmah um in an um ko,” tiah min langhter lo mi pakhat nih The Hakha Times ah a chim.

Thantlang Peng thiamthiam in minung pakhat nih, “Vawngtu sakhaan ah hin SAC ralkap 10 hrawng lawng an um. A zat hi adik cun kan thei kho lo. An tam deuh chel, an tlawm deuh chel a si. Nihin tiang cu buainak ngaingai an chuahpi lo. Khuami cheukhat tu hi thinphang in an um i hmun dang ah aa thialkaam mi zong an um,” tiah The Hakha Times ah a chim. CDF-Hakha nih SAC ralkap an hun kah hna hnu i Sopum um ralkap 15 in 20 kar hrawng cu an i thial cang. Surkhua Palek sakhaan zong May 8 lio ah an rak laak/khanghpiak cang hna the hakha times.

Theitlei dang relchap duh mi hna caah relchap khawh a si’Si BawiMang Lian catial mihin thazaang i lak cio hna u sih a thatuk a dong tiang rak rel ve uh.Dawtmi careltu, ralkap nih hramhram in uknak an lak hnu in kan khua leng i a ummi daihnak pangpar dum ah ramchung ummi hna ruat in meiphu kau le thlacamnak kan ngei tawn. Inn chungte zong in tuah khawh a si ko, nain ramchung ummi hna tluk deng in a kan runh caah thli thiang dawp pah ah tiah vur, horha lak le ruah lak ah kan tuah tawn. Nai hrawng cu nikhua a ṭha ngai le van a thiang. Norway ka um chung ah arfi tambik ka hmuh zan hna an von si.Ka tuahmi kong hi chim ka duhmi cu a si lo, nain cu lio caan tete ah ka lungchung ah hngalhnak biathli a hun chuak tawn, le mah te cu ka lawi hnu ah ka vun ṭial ṭheo hi a si.

Thlapa le arfi tang ah horha cu a raan in an raang, a tleu in an tleu. Tu cu khua van lum pah cang le horha a reh pah nain meiphu pawng Tibual cung horha an ti thlu rih lo. Nai hrawng cu um nuam tawk te a si, thli zong a khal ti lo. Van i arfi hna an tling khun rua, meiphu pawng in fiang tein kan hmu khawh hna. Cu tikah “Bawipa Pathian na sermi thil vialte hi ka zoh tikah lung nih a phan lo e” timi hla in Pathian sungparnak amah tein a chuak thluahmah ko.

Voi khat zan cu ka hawipa ka chimh; Min Aung Hlaing hi arfi le thlapa umtu ning zoh in kutṭtial zong a zum tukmi a si an ti. Van hi zoh hmanh Pathian nih a sermi an si. Pathian nih van i arfi le thlapa nakin nan sunglawideuh a kan ti. Cucaah tutan Kawlram buainak kong ahhin Khrihfami hna hi a hleiin rian kan ngei ko rua, fakdeuh in thla kan cam a hau.

Meiphu kam kan dir pah in kan ram kong kan i ruah lio ah thli thiang te kan vun dawp, kan meiphu a hun hranh pah khin “Bawipa na ṭha tuk ee” ti lo awk hi a ṭha ti lo. Mah ah cun 𝗘𝘇𝗲𝗸𝗶𝗲𝗹 𝟯𝟳 zawn kha a vun chuak thluahmah. Ka zahmi a si lo nain ka rel tawnmi a si. Ruh ro in a khahnak nelrawn ah khan Pathian nih Ezekiel cu a hruai i ruh ro hna cu nawl a pek hna i a thawhter hna, cun thli kha nawl a pek i thaw cu ruh ro chung ah cun an lut i an nung, tinak zawn kha a si. Genesis ah Pathian nih mipa cu a ser i nunnak thaw kha a pek, a ti.

2019 dongh lei in nihin tiang vawleipi a erhtu le million tampi nunnak a latu Coronavirus a ngeimi pawl hi an thaw a cham i nunpehtu thaw (Oxygen) kha vawleipi nih heh an hman. Cu tikah ramkip Oxygen an chuah tawnmi nakin tamdeuh an van hman cang caah UN cu a lungrethei i a rannak in Oxygen sernak ding ah US$ 1.3 billion a herh tiah February 25. 2021 ah khan ramkip ah tlawm an rak su.

Cu nunnak thaw (Oxygen) cu an dawp bu in nunnak million 2 lengpi a liam ko ee.Hawi dawt hna, Pathian a ṭha tuk. Thaw a kan pek i kan nung. Ezekiel nih hin Jesus a rat te ding, Kalvari tlang ah a nunnak thaw, thisen le titsa kha mi vialte zungzal nunnak co nakding ah a pek dingmi Profet bia a langhtermi a si.

Zumtu, Khrih ah hawi dawt hna zeibantuk harnak kan ton lio hmanh ah, Ezekiel cauk i ruh ro hna nih “Kan ruh cu an ro dih cang, kan nunnak hri cu a cat cang, mithi tluk ceo kan si ko cang,” an ti bantuk in Kawlram mi kan dirhmun cu mithi tluk kan si cang hmanh ah Pathian cu thangṭhat ko hna usih. Kan inn chung in Pathian thangṭhatnak kha chuak ko seh. Zungzal nunnak lawng si lo in hnangam daihnak kan hmuh lai i lungrual tein thla kan camnak thawng in kan halmi cu Pathian nih a kan pek hrimhrim ko lai (Matthai 18:19-20).

Leave a Reply