Aung San Suu Kyi bia cei piak ding cu ceipiak than a si lai lo buainak a um caah

Thawngpang

Ralkap Ralhrang nih an tlaih mi hna President le Raw Aung San Suu Kyi telh in tazacuai mi hna Zungching biaceih ding ni July 20 in 22 cu an let than. July 26 in 27 ah a si than lai tiah theih a si mah thawngpang hi mipi caah a biapi ko rua ka ti caah chin morning star thawngzam nih a tial mi ka van lak chawm vemi a si mipi caah a tha hnem sual ah tiah.

Thawngdang WHO Nih China Cu Riantuan Hawitha Si Dingin A Nawl WHO hruaitu lubik Dr. Tedros Adhanom Ghebreyesus nih Covid-19 a chuahnak kong zohfelnak voihnihnak an kal pi lio mi ah Taluk cu tuanpi tha si ding le WHO cu zalong tein riantuan ter dingin a nawl.WHO nih Covid-19 rai a chuahkehnak kong cu February thla ah khan a rak ngeih cang, mah an report ah Covid-19 cu Wuhan laboratory in a chuak mi a si lo, Papalak in a chuak mi a si tiah an ti.

Dr. Tedros nih WHO nih atu a kalpi lio mi covid a hramthawknak zohfelnak a voihnihnak ah Pandemic a thawk hlan i a damlo mi hna an data tling kan herh tiah a ti.Hihi a biapi taktak mi data hi a voi 1 nak zohfelnak ah Taluk nih a rak chim duh hna lo mi a si.

Hi WHO nih covid cu Wuhan laboratory in a chuak mi a si lo tiin a ruat thlulo ti a langhternak pakhat ah ruah khawh a si. Covid-19 cu Taluk Wuhan Institute of Virology i virus research lab in a chuak mi a si ti hi US president hlun Donald Trump nih biatak tein a rak au pi mi a si.

Dr. Tedros nih covid a dongcang ti mi ruahnak cu tih a nungtuk mi a si. WHO emergency committee nih virus variant tih a nung deuh mi a karh cuahmah lio a si i, a dongh naisai rih lo tiah an thanh cang tiah a chim.

WHO emergency chairman Didier Houssin nih “Atu hi virus hnu ah kan tlik lio a si virus nih hin kan hnulei zong im a kan dawi lio a si” tiah a ti.Corona virus ruangah nunnak a liam mi hi Africa ahcun zarkhat chungah 43% in an karh. Mah hi sii-inn an i daih lo ruangah le oxygen i daih lo ruangah a si tiah WHO nih a ti the chin post.

Leave a Reply