Breaking News:Inn Kangh nakin minung pa3 nih mual a kan liamtak

Thawngpang

Bangaladet Ah Hangthlum Sernak Inn Ngan Pakhat A Kang,Minung Pathumnak Tlawmlo An Nunnak Liam Bangaladet ram ah sehzung pakhat a kang,hi a kanghnak ah minung pathumnak tlawmlo an thi,20 hliam an pu,sehsung chungah a hreng mi zong an um tiah tuanvo ngeitu hna nih July 9 ah a chim.Khuami Daka in meng 12 tluk a hlatnak hmin Yiankanje khua pawng hangthlum sernak inn cu nihin nli ni zaanlei ah a kang,akanghnak ruang bik theih a si lo.

Riantuantu pa zeizet an i hren zong fianghlang in theih a si lo.Kan nih zong nih thawng kan hlat ve tiah” Yiankanje in Oh-Choh-Hmu nih a chim.A kangh cang mi ahhin minung pahnih an nunnak liam sii-inn ah a voithumnak ah pakhat a thi,20 hliam an tuar tiah a chim chap.Hliamtuar mi hna i,Sehzung dothnihnak le dotthumnak in a zuang mi an si tiah meithal riantuan pakhat nih a chim the chin post.

Thawngdang Vaurawng Campaign tuahnak ah Dr.Sasa zong aa tel kho ve. Dr.Sasa nih bia tampi a chim. Mah a chimmi chungah uar a um tukmi bia pakhat achim. Cu cu zeidah asi tiah cun, Keimah ah hin zeihmanh a um ti lo, tuah khawhmi pakhat hmanh ka ngei ti lo. Nain, ka tuahmi thil vialte hna hi ka chungah a ummi Jesuh Khrih thawng lawnglawng asi.

Vawleicung ram US, Japan, France, Germany le a dangdang hmaiah bia ka chim khawhmi hna hi ka chungah a ummi Khrih thawng lawngte asi ko. Cu caah ka miphun Chinmi hna, zaangfah nawl kan duhmi hna cu, nikhat ah minutes 2 te hi keimah caah thlacamnak caan ah ka hman piak ko u. Nihin tiang ka kal khawhnak zong hi nanmah thlacamnak thawng asi caah thlacamnak in ka philh hrim hrim hlah u tiah a ti. Crd-Dr.Sasa

Myanmar Ah NUG Cozah Lawng A Um, NUG Lawng Hi Kan Bawmh Lai: Japan Hlutdaw Palai Hna. Myanmar ah 2020 thimnak kha vawleipi nih a cohlanmi a si bantukin Myanmar ram ah NUG cozah lawng a um, cozah dang an um lo tiah Japan Lower House (House of Representatives)palai, Myanmar-Japan Hlutdaw Palai Hna Hawikomhnak Bu Chairman le Myanmar Democracy tha a petu hlutdaw palai hna bu Vice Chairman a simi Mr. Ichiro Aisawa nih a chim.

July 6, 2021 i NUG Cozah Union Minister hna le Japan hlutdaw palai hna online tonnak ah a cunglei bantukin Mr. Ichiro Aisawa nih a chimmi a si. Cu lawng si loin 2020 thimnak ah a dik lomi a um tiin ralkap nih nawlngeihnak an lakmi cu cohlan khawh a si lo, November, 2020 thimnak cu a dik a hmaanmi i vawleipi nih a cohlanmi a si, thimnak i teinak a hmumi palai hna le tlangcungmi hruaitu hna fonh in dirhmi NUG cozah hi kan zumh i Myanmar ram ah cozah dang hrimhrim an um ti lo, tiah Mr. Ichiro Aisawa nih cun a chim chap.

Tutan tonnak ah Japan hlutdaw palai hna nih ralkap nih nawlngeihnak an lakmi cu an cohlan khawh hrimhrim lonak le Myanmar ram nih democracy tling a hmuh khawhnak dingah NUG cozah he naihniam tein riantuan an i timhnak kong an chim cio.

Tonnak ah Lower House palai Mr. Ichiro Aisawa (Japan-Myanmar Hlutdaw palai hna bu Chairman), Upper House palai Mr. Michihiro Ishibashi (Myanmar democracy thapetu hlutdaw palai hna bu chungtuan), Mr. Yutaka Nagasugi (Japan-Myanmar Friendship Association Vice Chairman, MYANMAR JAPON CO.,LTD CEO) le Mr. Toshio Tanabe (Journalist) hna an i tel. NUG lei in International Cooperation Vuanci Dr. Sasa le midang hna an i tel tiah theih a si laknak daily chin star news. Khit Thit Media, TCP

Leave a Reply