Breaking News:SAC ralhrang le mipi ralkap karlak ah kahdoh nak fak ngai a chuak than.

Thawngpang

Hungmalin peng ah ralhrang phu hna le Shanni ralkap (SNA)kar kahdohnak a chuak Sagaing ramthen,Hungmalin peng Hephat(ဟဲဖက္) khua ah August 5 ah ralhrang phu hna le Shanni ralkap (SNA) kar ah kahdohnak a chuak tiah theih a si.

August ni 5 ,chunhnu ah a cang mi kahdohnak cu suimilam 3 hrawng an rau i cu kahdohnak ahcun ralhrang phu lei in minung 4 an thi i, Shanni ralkap lei in nunnak a liam mi an um lo tiah SNA in rengsang pakhat nih a chim.

Cu kahdohnak kong he pehtlai in nawlngeihnak la tu ralhrang phu hna nih thawng an langhter mi a um rih lo tiah theih a si.Hungmalin (ဟုမၼလင္း) peng chung ah ralhrang phu hna nih nawlngeihnak an lak hnu ah ralhrang phu hna le Shanni ralkap(SNA) kar ah kahdohnak voili a cang tiah theih a si the chin post.

Thawngdang Nawlngeihnak Lak A Si Bak In Rallokap In Rian Chuah A Ngah Ti Lo Ralhrang nih nawlngeihnak an lak hnu ah rallokap hna nih rianngol le rian chuah an duh zong ah an chuak kho ti lo

Ralhrang nih February ni 1 ah nawlngeihnak an lak hnu ah rallokap hna nih rian ngolnak nawl an lak tawn mi cu lak nak nawl an pe ti hna lo tiah anmah ralhrang phu he pehtlai mi hna sin in theih a si.

Ral dohnak ruang ah kut kiak le ke kiak in um mi hna cu rian ngolnak nawl an pek hna,caan sau pi zawtfah ruang ah a ngor mi hna cu rian an tuan khawh ti lo caah rian ngol nak nawl an pek hna, kum-60 tlin ruang ah kumtling pension pek mi chim lo zeidang ruang ah rianngol ding cu ralhrang phu nih caan kar lak a dinh ter tiah theih a si.

A luancia mi kum 2020 kum dongh tiang ah rian ngolnak an lak mi kong ah rikhiah mi he a tlak ahcun checkhlat in nawl an pek ko hna na in, ralhrang nih nawlngeihak an lak ni February ni 1 hnu cun rianchuahnak nawl zong phih piak an si tiah theih a si.

“Rianchuak ding in ka lak mi cu uknak an lak hlan ah a si cang, tathmu(တပ္မွူး) nih min a thut dih hnu pengkomh a phanh ah atu bantukin nawlngeihnak lak a si caah pengkulh ah an dinhter.A hlan hmanh ah rian chuah ding hi a fawi lo mi a si,atu ahcun a har chinchin cang” tiah rallokap rian kum -20 leng a tuan cang i rianchuah nak nawl a la tu pakhat nih a chim.

Rallokap hna nih rian an thok ni in an rian tuan nak kum-10 a tlin i, rikhiah mi hna he a tlak ahcun rian chuahnak nawl an lak khawh.Rian chuahnak nawl cu checkhlat piak dih lawng ah chuahnak nawl an pek hna i, rianchuah nak ca an tial hnu kum-3 in kum-5 a rauh hnu lawng ah rianchuah nak nawl an pek hna tiah theih a si.

Atu ah ralhrang nih nawlngeihnak an lak mi duh lo ruang ah CDM cawlcanghnak ah a tel mi rallokap phu hna cu duhsah in an tam chin lengmang , CDM cawlcanghnak ah a tel lo na in rallokap dirhmun in chuah a duh mi, tampi an um tiah ralhrang hna he pehtlai mi chung in theih a si the chin post.

Leave a Reply