Oxygen Sehhna cu ralhrang nih an kilkham khawh cang caah vengchung le peng chung nawlngeitu lungtlinpinak tel lo in Oxygen pek lo ding phung in an thlen

Ralhrang nih Private Oxygen chuahnak sehzung telh in Oxygen phawtzamhnak cu an kilkham khawh caah,vengchung,peng nawlngeitu lungtlinpinak tel lo in Oxygen rawnnak cawknak lam cu thlennawnnak an tuah tiah Yangon hrambunh mibawmchan phu hna sinin theih a si.

Ralhrang nih ramkulh,ramthen dangdang ramthen,peng Oxygen peknak phu hna hna an ser cang i,Oxygen hna cu thenphawt in cohlan a herhmi mizaw hna caah mah le pengchung vengchung theihpinak ca in Oxygen rawn a ngah lai,Private Oxygen sehzung zong sii-inn lei ah nawlngeihnak pe in mipi sinah pekchanh lo ding tiangin an khenkham rih tiah theih a si.

“Atu hi zeitin dah a si ti ahcun annih nih Oxygen petu phu ti’n an ser,uktu hna zong an i tel,anmah he a tlangtlak mi mi bawmchantu phu an i tel,mah phun chung in a pengpeng in,a vengveng in Oxygen pek an timh,theihpinak catlap he,uktu hna sinah theihpinak catlap lak hi a biapi,kei ka hmuh ning ah anmah veng i uktuk hna nih Oxygen kongkau chim in mipi nih cohlan le fiang in an tuah ti’n ka hmuh ti’n” Yangon hrambunh mi bawmchantu phu in pakhat nih a chim.

July 23 in July 24 tiang mi bawmchantu Oxygen petu phu le,Oxygen a chuah i a zuartu sehzung cheukhat cu mah le a naihbik peng nawlngeitu hna he i fonh in phawtzamh le mipi kip sinah zuarzamh tuah lo ding ralhrang phun,Palek,penguk,sinah i fonhin theihternak an tuah hna.S-Oh-Kah-La-Pa Shwe-Pyi-Ngiw Oxygen chuahnak sehzung zong July 24 ni thawkin mipi sinah Oxygen zuar lo dingin an thanhnak an tuah the chin post.