Breaking News:SAC ralhrang nih yangon mipi cung ah thil tha lo taktak an tuah cang?

Thawngpang

Ralhrangbu Nih Sii A Caw Dingmi An Thawl Hna,Sii Dawr Zong An Khar Piak Hna July 31 9 hrawngah Yangon, Tong-ukla peng Shwe-o sii dawr ah sii cawk dingin a tlar mi hna cu ralhrangbu nih an thawl hna hlei ah sii dawr zong an khar piak hna tiah theih a si.

Tuzing suimilam 9 hrawng sii cawk timhin sii dawr hmai ah a dir mi hna cu rallokap mawtaw le palek mawtaw 2 a rak phan i, cunglei nih a kan fial mi a si tiin a kan thawl.

Sii dawr nih amah social media cahmai ah an tar mi kan hmuh caah tuzing suimilam 4 hrawngin cheukhat an hngah cang.Kei cu suimilam 5 hrawngah ka phan i no.200 lengah ka tlar ve.Dawr nih cazin an lak i no. 270 tiang hrawng cu a ngah lai an kan ti.

Cu tkn kan hngah lio ah ralhrangbu mawtaw 2 in an rak phan i dawr an khar ter hna hnuah a hngak mi vialte a kan thawl tiah sii cawk dingin a hngak ve mi pakhat nih a chim.Pe 6 hlat in i tlar zong a ngah lo, cunglei nih a kan fial mi a si. Nan kal a hau, kir cang u tiah audio voice in kan theih.

Mipi nih cawk an duh mi sii hi Enoxaparin a si i, a man taktak cu Kyat 10,000 a si nain black market ahcun kyat 60,000 hrawngin an zuar mi a si.Yangon ah maah sii hmuh ding hi a har ngai tiah theih a si tiah Mizzima News nih a tial the chin post.

Leave a Reply